جميع وصفات alison dilaurentis في ملف واحد

[ام سراج وملاك]

البسملة1


اخواتي انا من اشد المعجبات بوصفات المتألقة alison dilaurentis التي هي حقا مبدعة في قسم واش طيبتي اليوم صراحة كلما نجي نحوس على وصفة من وصفاتها نتعب باش نلقى الوصفة في وصفات حراير واش طيبتي لذا قررت اني نجمع وصفاتها كامل من حلويات وطبخ في ملف واحد

كاب كيك
4بيض +300فرينة +1/2كاس زيت +1/2 كاس حليب +1خميرة +200غ سكر + قشور تاع قارس وبرتقال + ملعقة صغيرة فاني

الطريقة:

طلعي السكر + البض كامل مليح وبعدها اضيفي بالشوية مزيج لحليب والزيت ومبعدا الفرينة والخميرة

وفرغيه في لي كيسات والى الفرن

التزيين بعد مايكون بارد ...







مسكوتشو الكاكاو والفلآن:

4بيض +كاس سكر غير شوي +1م ص فاني +كاس غير ربع زيت + باكي فلان شوكولا +باط ياوورت طبيعي

+3 م كبار كاكاو انا معمرتهمش بزااف باسو الكاكاو اللي عندي غامق بزاااف

2 م كبار خميرة كيميائية (2باكيات) + 2كسان فرينة انا معمرتهكش بزاااف قولي درت كاس ونص برك

التحضيـــر:

فالميكسور تخلطي البيض والسكر ومبعد الياوورت والزيت ومبعدا ضيفي المواد الجافة

فرغيها في مول مدهون بالزبدة ومرشوش بالفرينة ودخليها تطيب على نار متوسطة حوالي 20دقيقة

الحشــــــــــو:

درت نص لتر حليب +2مغارف سكر +2مغارف نشاء على نار هادئة وكي ثقالو زدتلهم مغرفة كبيرة فاني وحركت مليح

ولحتها فالثلاجة تبرد بعد ماغطيتها بالنيلو وكي بردت حشيت بيها المسكوتشو

ومن فوق دوبت طالة شوكولا وزينتها بالنواد كوكو








طريقة تحضير حلوى البالون
هدا رابط الوصفة والمقادير...

https://www.djelfa.info/vb/showthread.php?t=1387821

هدي الصور توضح كل شيء...



































تارت الكريم كرامييل:






الكراميل:

كاس سكر على نار هادئة حتى يذوب ونفرغوه فالمول كبير ولا صغار

الكريم كراميل:

2بيض+3/4 كاس سكر +م فاني +باط نيسلي +2 كسان حليب

هدو كامل فالخلاط وتفرغيهم فوق الكراميل

وتدخليهم للفرن يكونو في حمام مائي لمدة ربع ساعة حتى توجدي المسكوتشو

المسكوتشو:

2بيض +كاس وربع فرينة +نص كاس زيت +م فاني +م ونص خميرة +نص كاس حليب +3/4كاس سكر

تخلط جيداا وتفرغ فوق الكريم كراميل وترجع للفرن لمدة ساعة غير ربع على نار هادئة

كي تطيب خليها تبرد مليح ودخليها للثلاجة على الاقل6 ساعات وقلبيها وشهية طيبة

les tourbillon:




250غ فلوريال +3م ك سكر +4 م ك نشاااء + 5 م ك لحظة +م ص فاني +1 خميرة + 3صفار بيض +بيضة كاملة +100غ لوز

بودر + الفرينة

تعمليه في لي مول تاع السيليكون

وزن الحبة 32غ

وكي يطيب عسليه وزينيه بحبة فرومبواز وحلوة الفارميسال....

les amandines:




العجينة:

250 غ فرينة +بيضة متوسطة (45غ )+فاني ++قرصة ملح +150غ مارغرين صول او اي نوع +150غ سكر رطب

وحليها في السينيات الخاصة بيه..

الحشو:

100غ زبدة +100غ لوز بالقشور مرحي +100غ سكر رطب + فاني + 50غ فرينة + 2بيض -------- هدو كامل اضربيهم مليح

بالباتور ومبعدا حطي الحشو في لي مول فوق العجينة وذرذري عليهم اللوز افلي ودخليهم يطيبو

وكي يطيبو كوبي عليهم ملعقة صغيرة عسل وزينيهم بالحلوة الفضية...

قاطو chocqpik:



العجينة:

250غ فرينة +150غ زبدة دايبة +100غ سكر ناعم +2صفار + قرصة ملح + 1/2م ص خميرة +4 م ك ماء .

تلمي العجينة وخليها ترتاح شوية فالثلاجة في الصيف ههههه

وحليها في السينيات ..نصورلكم الشكل..؟؟؟

ودخليهم يطيبو..كي يطيبو خليهم يبردو مليح..

الحشو:

نتيلآ فقط..

وزينيهم برقائق الشوكابك..او الفنكي ....

وفي الوسط حبة بوفريوة ومن فق ادهنيهم بلاجولي ....

//

طريقة تحضير الزيتون المرقد بالتونة



اولا نقشر كمية من الجزر ونقطعها دوائر ونفورها ..

نستعمل كمية معتبرة من الزيتون الاخضر المقطع دوائر نغسلوه مليح ونقطروه

ومبعدا نخلطوهم مع بعص ونحضر لاصوص:

زيت وثووووووووووووم وملعقة كبيرة هريسة او اكثر حسب الكمية وكمشة معتبرة من المعدنوس المقطع رقيق وشوي

فلفل اسود ونخلط جيدااا ثم نظيف علبة من التونة الحجم المتوسط ونخلطوه ويوضع في علبة ويستعمل بعد يوم على

الاقل او في حينه ههههه..



وصفات السردين + السلق + كيكة عادية

//

روضة انا السردين نضفو مليح ونحيلو السلسوول ومبعدا نديرلو ملح وفلف اسود وثوووووم ونعصر فوقهم القارس

ومبعدا نحضر بطاطا مشرشمة ومرحية

نزيدلها شوي كمون ومعدنوس وهريسة وملح ونحطها في وسط زوج سردين ومبعدا فالفرينة ونقليهم ...والله يجي هايل جربيها

وشوفي...

//

اما السلق انا نطيب شوي لحم مرحي بالثوم والفلفل الاسود والملح ونحط السلق المقطع نذبلو في شوي زبدة مليح ونضيفلو اللحم المرحي

وفي الاخير نكسر عليه البيض ..ومنحركش البض حتى يطيب هكاااك

وشهية طيبة كما اني نستعملها حتى حشو فالبوراك هههههه

//

اسهل كيكة عندي هي كيكة امي ربي يحفظها

4بيض +نص كاس سكر ونص كاس زيت وحدة خميرة ونص كاس حليب وتظيفيلها الفرينة وتخلطي لازم تكون جارية شوية وكي تطيب

ذرذري عليها السكر الرطب ...

تارت البسكوي:

باط كرام فراش +5م ك كريم شونتي +2ملاعق سكر حسب الذوق + قطرات من القارس + موزة

وعلبة بسكويت من الاحسن بوتي بيمـــــــــــو...ونحتاح حليب وشوكولا للتزيين..

وبس شوو محلآلآلآه إقتصادي..













شكشوكة بالبيض





شوفي بما انو دركا البصل الاخضر هداك الطويل موجووود قطعي راس وحطي شوي زيت في المقلاة وحطي البصل +فلف

اسود ولوفاح +ملح +نصف ملعقة صغيرة طماطم ومغرفة هريسة ههههه وقليهم مليح ومبعدا كسري هكاك2 بيضات او بيضة

وحركي غير بالشوية وخليها تطيب ..اهم شيء انك متحركيش بزااااااف ...وشهية طيبة هه

البريوش



2بيض +2بول حليب دافي +بول غير شوي زيت +م ك خميرة فورية لازم تكون جديدة +م ك ملح +الفرينة تقريبا كيلوو

غير شوي + فنجان ماء الزهر + كمشة جلجلانية بيضاااء

طلعي البيض مع لحليب + الزيت ثم باقي المقادير خليييييه يطلع ملييييييييييييييييييييييح ثم كسريلو الطلوووع بالمغرفة

وخليه يزيد يطلع

ومبعدا قرصيه في بلاطو يجي زوج قرصاات كبار ولا حبيتي ديريه خبيزاات ....



وادهنيه بالبيض وادخلي فيه مورسو تاع الشوكولا انا نحبهم خير من الحبيباات ...

وديري الجلجلانية واللوز افلي ...وكي يطيب ادهنيه بالعسل...

قاطو القنفود



500غ صول و4صفار و بيضة كاملة وكاس ونص سكر رطب و شوي فاني و م ك زيت و كاس لوز مرحي وتنشفي بالفرينة

الحشو:
باط فوندو و 150 غ زبدة طلعيهم مليييح حتى يصبح الخليط كريمي وبعدها ضيفيلو 5 م ك نوتيلاو 5 م ك لوز مرحي خشين
ومن فوق الميرانق على شكل قنفوود

[ام سراج وملاك]

الكورنسكي1:

200غ فرينة +100غ زبدة +قرصة ملح +50غ سكر رطب + الفاني + 2صفار

ملاحظة: ان لم يكفي الصفار نضيف القليل من الحليب

الطريقة:

الزبدة نقطعها الى قطع صغيرة وندخلها بالأصابع في الفرينة ونضيف بقية المقادير ونتركها ترتاح في الثلاجة

كريمة الليمون:

160غ عصير القارس +125غ سكر عادي +3صفار و2بيض كي يطيب نظيف لها 60غ زبدة قطع +1/2 ملعقة نشاء + قشور

القارس والقليل من الحليب

الميرانق:

نص كاس بياض(4) + كاس وكاس غير شوي سكر



لسان البقر

شوفي كي تشريه اي تكون فيه واحد القشرة بيضاااء مغلفاتو ...المهم اغسليه نورمال وحطيه فالكوكوطة وزيديلو ورقة رند قطع من

البصل والطماطم شرائح فلفل حار وملح وفلفل اسود ولوفاح وقطرات زيت وفرغي عليه الماء حتى يتغطى

وخليه يطيب تقريبا ساعة ونص او اكثر المهم طلي عليه حتى تلقاي الموس يدخل فيه بسهوووولة

كي يطيب تقدري تنحي هديك القشرة البضاء بسهوولة...خليه يبرد باش يتقطع مليح

وقطيعيه طرونشاات كيما انا

اقلي البطاطا وحضريلها صوص تاع الطماطم وهريسة باضافة القليل من الصلصة المتبقية من اللسان وخلطيها وحطي القطع تاع اللسان

من فوق وخليه يتحمر شوية برك المرة اللولة يكون مغطي بورق الالمنيوم ومبعدا نحي الورق وخليه يتحمر شوي

وشهية طيبة.







وصفة المخفي:




هدي الوصفة والله انا نموووت عليها ..نتمنى تجربوهآآآ...

أولآ:

نعمل صوص بيضااء بالحمص والجاج (الجاج على حسب أفراد العائلة)

كي يطيب الجاج نحوووه ونخليوه يبرد شوية ونحولو العظم ..ولازم نحافظو على شكلو

وبعدها نغطسوه فهاد الخلطة:

بطاطا مشرشمة ومرحية + بيضة + معدنوس وملح وفلفل اسود وشوي بهارات...

*ومبعدا نقليو قطع الدجاج ...

طريقة التقديم :

تحبو تقدموهم مباشرة مع لاصوص او تحطوهم في مول وتفرغو عليهم الصوص وتجمروهم

//



وبسسسس
بالصحه والعافية..

محوت القرنون لعيونك...:

نعمل صوص بيضاء بالجاج او بدون جاج حسب المتوفر عندك....تقدري تضيفيلها حمص او شونبنيو او جلبانة ..المتوفر

فالدآآآآر...المكون الرئيسي هو القرنون ..تحطي على حسب عدد العائلة ...انا استعملت 4حبات...

إضغط هنا لرؤية الصورة بحجمها الطبيعي.



وكي تطيب

//



تنحي القنون وتقطريه ....

وتضيفولو اللحم المرحي والتوابل والمعدنوس والثوم انا نسيتو ههـ...



وتخلطيه ...وتكوريه وتمرغديه فالفرينة وتقليه....



//

ومبعدا حطيه فالمول نتاعك وفرغي عليه الصوص ورابيالفورماج ..والى الفرن..




التقديم كل واحد وش يحب تخليه ناشف او تزيديلو الصوص ..انا نحبو بالصووص...



وبسسسسس...


تيراميسو:

المقادير:

نحتاج علبة صغيرة كرام فراش +باط فورماج الامير او الشاف(ولي تقدر تجيب الماسكربوني افضل)+ونحتاج لـ:3ملاعق

كبار نيسلي كراميل+وانا زدت شوي كرام شونتي مطلعة





تخلطي كل المكونات مع بعض بالباتور...
//

نرجع للبودواغ...انا غطستو فالكاباتشينو....لاني منحبش ذوق القهوة..

//




//

وبعد ماحطيت عليه لكريمة..فضلت نعمل طبقة بقاطو ساك يكون بنين

//



//

وغطيت بالكريمة والطبقة الاخيرة عملتها بالبودوا



//

وغطيتها بالكريمة


ومن فوق رابيت الشوكولآ نواغ.......





تارت بالشوكولا والفلآن



المقادير:


4بيض و كاس سكر +م صغيرة فاني +كاس غير ربع زيت +باكي فلان شوكولا ++باط ياوورت طبيعي +

3م ك كاكاو+2 باكي خميرة كيميائية +2كسان فرينة...

تخلطي البيض مع السكر ومبعد الفلان ومبعدا الياوورت والزيت وبعدها المقادير الجافة وتفرغيها في مول مدهون بالزبدة ومرشوش بالفرينة

ودخليها للفرن حوالي ربع الى عشرين دقيقة ...



وكي تطيب تخليها تبرد ...وبعدها تقسميها الى زوج وتفرغي عليها لكريمة اللي هي:

نص لتر حليب +2م ك سكر +2م ك نشاء على نار هادئة وكي تعقد نضيف م ك فاني وتخلطي وكي تبرد مليييح تضيفيلها كرام شونتي وتخلطي ...

ومن فوق زينيها بالقاناش

//
هدي هنا لكريمة ماضفتلهاش لكرام شونتي..



الفلفل المرقد

بسم الله:




شوفي تاخذي الفلفل الحار كون تلقاي الاحمر خير بنتو وحدها...وتشويه على النار عادي وبعد ماتقشريه وتنضفيه تقطعيه

وتضيفيلو حبات زيتون اخضر وشوي ثوم على حسب الكمية وترحيهم فالروبو ...



وتكبي عليه زيت الزيتون ...وتاكليه في وقتو او تخليه مدة فالثلاجة ماراح يصرالو والو والبنة مممممممممممم

حق اذا متحبيش الحار بزاف ضيفيلو الفلف الحلو...انا ماضفتش الملح لانو الزيتون مالح.

نبدآو بتارت لفلون بالقاطو:

//



//

هدي وصفة قديـــــــــــــــــــــــــــــــــــــــــــــــ ـــمة وكل رمضان لآزم تكون حأأآآآضرة في سهرآتنـــآآ...

المقادير:

شوفي على حسب عدد الافراد...اذا عايلة كبيرة استعملي :

الطبقة الاولى :

نصف لتر حليب +باط فلان فاني +مغرفة كبيرة نشاء ومغرفة اخرى سكر وتحطيه على النار حتى يغلي وتفرغيه في لي كوب ولا مول فردي

حتى يحكم روحو شوي وتخرجيه من الثلاجة .

تآآخذي قاطو بيمو تغطسيه فلحليب بارد وتحطيه على طبقة لفلون حتى تغطيها كامل

الطبقة الثانية:

نفس الطبقة الاولى نتاع لفلون وتحطيها تاني على نار حتى تغلي وتفرغيها فوق البسكوي والى الثلاجة

وكي يبرد رابي عليه الشوكولآ النواغ

//



//

ملآحضة :

انا قلة وين نستعمل لفلان فاني لاني من عشاق الشوكولآ نستعمل دايما فلآن شوكولا بنفس الطريقة والمقادير مع اضافة القليل من الكاكاو

من اجل اللون..

أتمنى تكونو استفدتو من الوصفة ههه..

//

قوالب الشوكولآ:




المقادير:

طابلة شوكولا اي نوع تحبين.+ نص علبة نيسلس +4حبات كيري +بسكوي رولي اي نوع +كرام شونتي او مثلجات

الطريقة :

نذوب الشوكولا فالميكروند بدون اي اضافات ونحركها جيداا وندهن بها القوالب تكون الطبقة سميكة وندخلها للثلاجة

نخلط نيسلي مع كيري جيداا حتى يذوب جيداا ونفرغ ملعقة كبيرة في كل قالب اكيد بعد ماتكون الشوكولا جمدت

نقطع البسكوي رولي ونضع دائرة في وسط القالب او مسكوتشو او اوريو الاختيار لكم انا نحب نحطمسكوتشو ديليس او اسار ...

ونغطيها بطبقة من الشونتي المضربة والى الثلاجة...



وعند التقديم نقلبوها اونزينوها كيما هي ...والله الصراحة عندي سنوات وانا نعملها وعمرنا ولا ملينا منها ...ممممممممممممم تهبل ههههـ..



ديسار الغفلة نسميوه هكا وخلاص ولا سموه نتموما ههههههه لانو من اختراعي ههههـ



//

جاوني زوج بنات على غفلة ومكان عندي والو ...عندي غير كرام ديسار بنينة قلت عيب نحطو هكاك وليت

جبدت لي كوب ..حطيت المرة الاولى النص تاع الشوكولا وهرشت فوقو شوكولا وقفريط تاع البندق ومبعد عملت طبقة الكريم كرامال وشوكولا

وقفريط وطبقة اخرى وزينتو بالشوكولا....والله كانت حاجة باهية

حنا الجزايريات من حاجة بسيطة نعملو حاجة تشبه صح ولا لالا...ههههـ

فاصل ونواصل...ههههههههـ

[ام سراج وملاك]

طاجين الجبن





بسم الله...

اولا تحظري مرق ابيض بقطع من الشومبنيو والزيتون الاخضر وقطعة من اللحم او العظم للبنة فقط ..والرند والفلفل الاسود

والكركم والملح وقطعة زبدة وشوي معدنوس مقطع وتفرغي عليها القليل من الماء فقط ..وتخليها تطيب حتى تعقد شوية



//

ومبعدا نروحو للحم المرحي

تزيديلو قطع فورماج كيري وشوية من الفرماج الروج والمعدنوس والزيتون الاخضر المقطع و الشومبنيو المقطع والمذبل

في شوي زبدة والفلفل الاسود والملح

والصور توضح الطريقة

//



//

وتغطيه بالالمنيوم وتولوحيه يطيب وكي تشوفيه قريب يطيب فرغي عليه مغرف تاع الصوص باش مايجيكش ناشف



تآآرت الشوكولآوالبندق

//



//

المقادير:

باط قاطو بيمو +100غ بندق محمص ومرحي + 2م ك كاكاو +3م ك سكر رطب +زبدة ذايبة لمو بيها الخليط حتى نتحصلو على خليط يتلم فاليد

نعملوه في قالب التارت وندخلوه للفرن مدة 10د فقط على نار هادئة .

//



//



//


الحشو:

2طابلات شوكولا +2بيض +قرصة ملح +ملعقة كبيرة فاني سائلة +كاس حليب.

نسخن الحليب جيدا ونفرغو فوق الشوكولا ونخلط حتى تذوب نضيفولها البيض ونخلطو ونزيدو الملح ولافاني .

//




//
نفرغو الخليط فوق التارت بعد مانخرجوها من الفرن ونرجعوه للفرن يكون مشغل غير من فوق ..ونعسوها حتى نشوفو الخليط نشف..

كي نخرجوها من الفرن نخلوها تبرد مليح ونضيفو فوقها غاناش الشوكولا...

وندخلوها للثلاجة تبرد مليح وبعدها تقدم فالسهرة ....هههـ

//

قآآطو السيـــgــــآآآر:


//



//

العجينة:

500غ صول +4بيض + 2كسان سكر رطب +قرصة ملح +وتلمي بالفرينة

وتحليها وتعمليها في لي مول وتدخليهم يطيبو ...وكي يبردو تحشيهم

الحشو:

طلعي كرام شونتي ومبعدا ضيفيلها كابريس دايب + نيسلي كاراميل +2م ك نتيلا

والقلآصاش شوكولآ وخطوط او كيما تحبي..

مـــلآحظــة: نص تاع هاد الكيلة يعملك حوالي 40 حبة

دركا فالعلمة رجعو يديرو لقلآصاج بهديك الشبيكة ودايرين عليها اللماع الدوغي...جاو تاني شابين

//

قاطو الـ pain depice

المقادير:
كيلة زبدة دايبة + كيلة زيت + كيلة حليب سائل + باكي خميرة غير شوية + فاني + قرصة ملح + الفرينة وتلميه مليح
الحشو :
كيلة لوز بالقشور مرحي +كيلة بيستاش مرحي + كيلة جوز مرحي + كاكابيشو + وتلميه بالمعجون
التزيين:
في الوسط pain depice مرحي وعلى الجوانب سكر رطب
واعمليلو خطوط رقاق بالشوكولا البيضاااء



//



قــآآطو نيسلي:

المقــــآدير:



500غ زبدة +2صفار بيض +كاس سكر رطب +كاس نواة كوكو مقلي فالفور +كاس كوكاو مرحي مليح +كاس نشااء +1 خميرة

+قرصة ملح +باكي فاني +وتنشفي بالفرينة

طيبيه بعد ماتشكليه دوائر



مسكوتشو بالجوز




وتقدري ديريه في قوالب فردية كيما هكــــــآآآ...

//



//

فالميكسور:تخلطي 2 بيض +4م ك سكر +6 م ك زيت +6م ك حليب وضربيهم مليح...

غربلي 10م ك فرينة +2 م ك كاكاو +2 باكي فاني + 2 باكي خميرة وضيفيهم للخليط لي راه فالمكسور ...

وضربيهم مرة وكي يتخلطو ضيفيلهم 100غ جوز مدشدش مايقارب الكمشة..ههههـ

ودخليها تطيب

السيرو:

6م ك سكر +6 م ك ماء + 1 م ك نيسكافي ( انا ديما نعوضها بـ3 ملاعق كاباتشينو منحبش دوق القهوة ) طيبيه على نار

هادئة حتى يعقد....واسقي بيه المسكوتشو ...

وزينيها بكرام شونتي ولوز افيلي....


gـــــــــــــآآآطو لفرومبوآآز:




//


500غ زبدة +كاس سكر رطب + كاس زيت +نص كاس نشااء +م فاني + 1 باكي خميرة +الفرينة

الكريمة:

250غ زبدة +ربع كاس سكر رطب +كاس عسلهم '(تضربي الزبدة مليح مع السكر وتزيديلها العسل)

*كي يطيب لصقي حبة فوق حبة بهاد لكريمة ومبعد لوحي الحبة كامل فالمعجون ....

ومرغديه فلـgــلآصاج]:كيلة نواة كوكو مقلي +نص كيلة سكر عادي +2 ملاعق او اكثر شوكولا غبرة ..

وزينيه بحبة فرومبواز وريشة بالبات آموند..

أنـــآآآآ كنت نستعمل ثلاث طبقات فوق بعض ..يجي هايل......نتمنى تجربووووووه والله هايل وساهل واقتصادي..

كفتة بالجـــآآج ولا السكــآآلوب:




//

شوفي تعملي صوص بلونش عادي بطرف جاج ولا بالعظم تاع الصدر ادا استعملتيها بالجاج...

//



//


تآآآخدي السكالوب او صدر الجاج ترحيه وتضيفيلو شوي بصلة مرابية وثوم تاني مرابي وشابليغ ومعدنوس مقطع

وبيضة وملح وفلفل اسود وتكربعيه ادهني يديك بالما باش يتكربع مليح وللتزين انا استعملت زيتون مغلي وحشيتو

بشوي لحم مرحي ...

ترمدي الكريات فالفرينة والى المقلاة ..تعملي شوي برك زيت قدر ماتحمريهم من برا برك..لانهم راح يطيبو فلاصوص

//




//

ملآحظة : تقدري تظيفي ملاعق كرام فراش لاصوص ..مي انا منحبش انا نخليها كيما راهي ...

وشهية طيبة... ساهلة ولدييييدة صدقوني....


ديســــــآآآر



نطلع كمية من لكرام شونتي على حسب الكمية لي بغيتي .. بالحليب اكيد ونزيد نعمل كاس هوبلا كيما تقدري تستغناي

عليها ونضيف 2 ملاعق كريم كراميل ونزيد زوج ملاعق حليب نيسلي اختياري ونخلط ملييييح.

نرحي البسكوي بيمو فالروبو ونفرغو في لي مول ونضيف عليه التوفي او الكراميل او صوص الشوكولا وادا متوفرتش

عادي..

//



//

ونظيف الكريمة من فوق ...انا لكريمة اضفتلها شويه من البسكوي المرحي

وتزين بالشوكولا مدوبة مع لكرام فراش ..والبسكوي المرحي

وشهية طيبة....

انا التحليات منتقيدش بالمكاييل لانو كيما تعمليهم يجو بنان انا ندوق ونشوف هههه...

عكس الكيكات والقاطو لازم تكون المقادير مضبوطة ولا تفسسسسسسد...هههـ
//

[ام سراج وملاك]

قاطو الكورنيسكي




200غ فرينة+100غ زبدة +قرصة ملح+50غ سكر ناعم + 2 صفار بيض + فاني

نلمو العجينة مليح نخلوها ترتح 10 دقايق ونعملوها فالقوالب والى الفرن بعد مانكونو ثقبناها فالوسط ...

وكي يطيب نغطس الجوانب فالشوكولا ونضع الحشو فالوسط ..

نحضرو الميرانق ونعملوه بلابوش من فوق والى الفرن على درجة حرارة ضعيفة بزااااااااااف ونخليوه حتى يطيب ؟؟؟

وتقدرو تعوضو الميرانق بعجينة التزيين ...



بالنسبة للكورنيسكي ..بعد ماتطيبي لعجينة في لي مول تغطسي لحواشي فالشوكولا اولا وبعدها ديري الحشو نتاعك لي قلنا نيسلي

ومكسرات وبعدها تعملي الميرانق (انا ستعملت وصفة ام اماني روعةةةةةةةة) وترجعيه للفرن على نار هادئة جدااااا حتى يطيب

الميرانق نتاعك وقلنا ماتخافوش الشوكولا مايصرالها والو بالعكس راح تنشف فالفرن وترجع هايلة..يمكن الصورة تساعدك على الفهم....






la rose du sable



//

العجينة:

3 كيلات فرينة+كيلة زبدة + رفعة ملح وبلي بماء الزهر ..

الحشو:


لوز مرحي + قشور القارس + فاني + سكر حسب الدوق +خميرة

ولمي بالبيض ..

واعمليه في سينيات تاع التزيريات وحطي عليه الحشو ومن فوق زينيه بـ7 وردات من الديول وادهني الوردات بالزبدة

ودخليه للفرن متخليهمش يحمارو بزااف وكي تخرجيه من الفرن عسلييييييه وزينيه بالحلوى الفضية..



//

حريم السلطـــــــــآآن:




//
200غ زبدة + 3 م سكر رطب + 50غ لحظة + 2صفار +30غ حلوة الترك +20 غ نوازات + 100غ جلجلانية +1م نشاء +نص باكي خميرة

+عطر البندق + الفرينة

تكربعي العجينة بوزن 33 غ وتدخليها فالمول تاع السيليكون ...



//



//

وتدخليه يطيب 45د حسب كل فرن ....

بعد مايطيب تغطسي نص فالشوكولا البيضاء او السوداء والنص الاخر فالمعجون او النيسلي والكوكاو او اي نوع مكسرات

وفي وسط الحبة نيسلي كراميل ..

وبالصحة والراحة حبيبتي.......

بيفتاك محشي:




//

اول شي نجيب قطع من البيفتاك قد عدد العائلة ومبعدا نتبلها بـ:بصل مرحي +بهارات +ملح + فلفل اسود +ثوم وشوي كرام فراش ومعدنوس

في هاد الوقت نشرشم حبات بطاطا 2 و كي يطبيو نهرسوهم ونزيدولهم فرماج رابي + ثوم +ملح + فلفل اسود + كريم فراش..

بعدها نقلي قطع اللحم في شوي زبدة على نار هادئة حتى يطيبو وميحماروووووووش...

وبعدها نحشيهم بحشو البطاطا ونقفلوهم بعود الاسنان ....وننسوييهم في بلاطو ...

//





//

هديك الزبدة لي قلينا فيها انا زدتلها كرام فراش وفرماج وخليتها حتلى خلات وصبيتها فوق اللحم وبرشت شوي فرماج من فوق وتدخلوهم للفرن

حتى يحمارووووو.....ههههـ

//

وبس


//
alison dilaurentis


بسم الله....

//



//

اول حاجة عملت صوص بيضااء ....ومبعا بنيت هههههههههههههه

تدهني لي مول لي عندك بالزبدة وتعدلي فيهم الزيتون المقطع ومغلي...

//



//

ومبعدا وجدت الكفتة:

//



لحم مرحي+بيصة+شابليغ+ملح +فلفل اسود+ثوم ومعدنوس

//

نعمل الكفتة فوق الزيتون فالقوالب...

//



//

ونطيبهم فالحمام مريم فالفووور.....



وكي يطيبو نحطهم في طبق التقديم ونسقسهم بالصوص وتحبي حتى ترجعيهم للصوص شوي المهم هوما يجيو طرييين ...

//





//
ويزييين بالمعدنوس والقارس.....وبس

الترافل:




500غ زبدة +200غ سكر رطب + كاس بوفريوة مرحية +3 صفار +بيضة كاملة +1 خميرة +3 مغارف كبار كاكاو وتنشفي بالفرينة

تحليه وتعملي الشكل لي تحبي هو من الاحسن شكل الترافل ههههه

وتلصقي حبة فوق حبة بــ( معجون + حلوة الترك + بوفريو مرحية )

ومن فوق الشوكولا ..وانا عملت هدوك لخطوط بالطلية ...

قاطو مول الشاش



500غ زبدة +2كسان سكر +12 صفار بيض +كيلو نشاء +2 خميرة +عصير وقشور حبة قارس
خلطي لعجينة واعمليها بالمحقن واذا جاتك شوي جارية ضيفي شوي فرينة انا صراحة نضيفها فالمحقن باش نخرج الوردات ملاح هههه واعمليه على شكل دائري ...
وكي يطيب لصقي حبة فوق حبة بالمعجون وعلى الجوانب معجون وكوكاو مرحي او نواد كوكو او بيستاش
نتمنى اختي تجربو ويعجبها وتدعيلي ربي يشفيني
الكمية تجيك شوي بزاااف تقدري تستعملي فقط نصف الكمية

قاطو كـــــنــــــــــــــوز:

//



//

3كيلات لوز بالقشور مرحي +كيلة سكر عادي+ باكي فاني ونلم بالبيض (بيص كامل يعني الاصفر والابيص معاا)ونخلط مليح حتى تتلم العجينة

نعملها بولات ثم حربوش ونعملهم مثل لبراسلي ....

*نضرب حبة بيض كاملة ونغطس فيها الحبات ثم فاللوز او البستاش مرحي شوي خشين

*ندخلهم للفرن مدة 10دقائق وكي نخرجهم مبااااشرة للعسل

ونزينوه بورووود من البات آآآموووند....

وشهية طيبة.

قاطو النوقة:



//

1كيلو لوز +500غ سكر رطب +كاس حليب +3م ك حليب لحظة +شوي صبغة بيضااء هزيها فالصفاية +200غ زبدة ستار الكل على نار هتادئة

حتى تصبح نوقة ومبعد نحيوها من على النار +200غ سكر رطب +200غ نواد كوكو وخليها ترتاح ليلة كاملة وفالغد شكليها ...

//

قاطو الدومينو:



//



العجينة:

250غ زبدة فلوريال+120غ فورماج كيري +200غ سكر رطب +3صفار +قرصة ملح+فاني +1خميرة + الفرينة

الحشو:

30غ زبدة ستار +180غ سكر رطب +4 م ك عصير برتقال تضربيهم كامل بالباتور

*كي يطيب لصقي حبة فوق حبة الشكل يكون مستطيل اكيد بالكريمة وشوكولا وعلى الجوانب شوكولا فارميسال اختياري ومن فوق طابلو تاع شوكولا

بالمول تااع السيليكون الخاص بطابلو الدومينو ...

اي انك تذوبي الشوكولا البيضاء في المول الخاص بالدومينو وتخليه حتى يبرد فالثلاجة ومبعد لصقيه فوق حبة القاطو ....

وتحبي تعمليه منقط كي الدومينو او تخليه ابيض انا عجبني الابيض خير ههههههـ

//



//



//


كيكة التيراميسو:




اخذتها الجينواز من النت والحشو من عندي...هههـ

نعمل جينواز :

5 بيض + كاس سكر +ملعقة صغيرة خميرة +2 م ك كاكاو البني +كاس فرينة غير 2 ملاعق كبار + رشة ملح ورشة فاني

نعمل الجينواز في بلاطو كبير انا عملتها في بلاطو الفور فوق ورق الزبدة لتسهيل العملية

بعدها قسمتها على على ثلاثة ......

وسقيتهم مليح بهاد السيرو

السيرو:عملت نص كاس كاباتشينو بودر+نص كاس ماء +2ملاعق سكر خليتهم غلاو حتى عقد

وسقيت بيه الجينواز

الكريمة انا استعملت باكي من كريم التيراميسو الجاهز بودر + باكي كريم شونتي وصفت الحليب حسب الكمية وضربتها مليح حتى طلعت وعملتها

بين الطبقات وبرشت فوقها الشووووووكووولالالا

//



غريبية les rosaces


300غ زبدة ستار +200غ سكر رطب +م ص لاروم نتاع القهوة (او اكثر يبقى اختياري) + قرصة ملح +3 صفار + الفاني

والفرينة

نصيحة: خلي لعجينة جارية واخدمي بالشوية ...يعني متنشفهاش ضربة وحدة بالفرينة باسكو قادرة تشيحلك وانتي

مازالك تخدمي...

استعملي المحقن الاصفر اللي فيه 15 سنة او 11..لزوج يصلحو....ولوحيها تطيب في فرن مسخن اولا ...على نار هادئة

جدااا.....وكي تبرد لصقي حبة فوق حبة بــمعجون+حلوة الترك + جوز مرحي )

وزينيها بالديكوجال والحلوى الفضية ...وشهية طيبة







الكعيكعات

وصفة التشاراك عادي وتعمليه على شكل براسيلي ووزن العجينة 30غ والحشو 20غ

[ام سراج وملاك]

هاذه هيا كل وصفات alison dilaurentis نقلها يعطيك الصحة في انتظار مزيد من وصفاتك الرائعة و جزاك الله كل خير يااختي كي راكي متبخليش علينا بوصفاتك

[ام رشدى]

يعطيك الصحة راكي سهلتي علينا البحث بانتضار باقي الوصفات ربي يكون في العون

[wahibaazel]

بارك الله فيك

[05Mayssem]

مشكووووووووووووووووووووووووووورة

[مونيا غنية]

444444444444444444444'

[hibatou ellah]

بارك الله فيك اختي يعطيك العافية والصحة وكل ما تتمناي والله يعينك في الباقي شكرا جزيلا

[فهيمة 7]

ششششششششششششششششكرا من الاعماق على الجهد لانو ماشي بساهل باش تحطي موضوع شامل ، ربي يحفظك انتي واولادك وزوجك او اجازيك ، او يباركلك

[tong2]

بارك الله فيك حبيبة
وصفاتها جد ممتازة
جزاكم الله خيرا

[idron0]

يعطيك الصحة راكي سهلتي علينا البحث

[أم ياسين الزهراء]

الله يبارك فيك ويصلح ولادك ويحفظك سهلتيها الله يسهلها عليك يالحبيبة

[أم محمد تاج]

الله يحفظك يا بنت خالي ويخليك ويخليلك كل ععزيز وغالي بصح فااااااااااااش
وينك يا مصيبة رحتي لا سلام ولا كلام اخصصصصصصصص زعمة عشرة بيناتنا عيش وملح وسكر ههههههههه رانس نستناك لهيه ههههههههه