لاصوص تاع لابيري

madoucha · 2012-09-27, 19:02

ممكن وحدة تعطيني وصفة لاصوص تاع البيري و ماهو السر لي يخليها تجي خاثرة و بنينة
شكرااااااااااااااااا

imenadam · 2012-09-27, 20:22

السلام عليكم يمكنك يا اختي ان تصنعينها باللحم المرحي ديري مارغرين مع شوية ثوم ثم اللحم المرحي وملح وفلفل اسود وتنقصي النار حتى يطيب اللحم وتحطيه فوق البيري

أم ياسين الزهراء · 2012-09-27, 21:12

انا نديرها بصدر الجاج نحطو في الكوكوت كيما راه ونديرلو الزيت الفلفل الاكحل الملح الرند الثوم مفطع على زوج وكاس ما نفقل الكوكوت ونخليه شوي يطيب نحيه ونقسم الصدر ونحمرو في الزيت وهذاك الزيت نزيدو في لاصوص اللي طاب فيها ونخليها تخثار اممممممممم واش نقلك على البنة وتقدري ديري نفس الطريقة مع اللحم

ام ايمان1 · 2012-09-27, 21:21

انا ندير المرقاز لاصوص تاعو بنينة

madoucha · 2012-09-27, 22:14

اقتباس:

المشاركة الأصلية كتبت بواسطة imenadam

السلام عليكم يمكنك يا اختي ان تصنعينها باللحم المرحي ديري مارغرين مع شوية ثوم ثم اللحم المرحي وملح وفلفل اسود وتنقصي النار حتى يطيب اللحم وتحطيه فوق البيري

شكرا اختي تبان وصفة هايلة و سهلة ساجربها

azade · 2012-09-28, 16:27

شكرااااااااااا

AMEL1234 · 2012-09-28, 22:41

نعطيك صوص المرقاز و نتمنى تجربيها و تقلبيلي الخبر اولا قولي باسم الله وهذا ضروري ثم في كصرونة حطي ثوم رابي وكمون وفلفل

اكحل فلفل احمر حار او حلو كسبر شوية ملح لان صوص خاثرة مع المرقاز و مرقي بارد في بارد بعدما يطيب المرقاز خلي الصوص تخثار راءحة تجيك رائعة
انا نخليها تبرد مليح وهكذا نقدر نتخلص من طبقة الدهن اللي تكون جمدت من فوق
و بصحتك

oum salim · 2012-09-29, 15:44

انا نديرها بالدجاج . وهي بنينة جدا و تخثريها كيما تحبي.
في صينية نحط حبة بصل مقطع رقيق +حبة طماطم مرحية+ 5سنات ثوم مرحي + شوية ملح +فلفل اسود +4 ملاعق زيت .
ثوم مرحي +1ملعقة صغيرة طماطم مصبرة +1ملعقة صغيرة خردل( اختياري)+ ملح + فلفل + شوية كمون + 1ملعقة كبيرة مارغرين نمزج الكل ونمسح به الدجاج ,نضعها فوق البصل نمرق بنصف كاس ماء وندخلها الفرن كي تتحمر من فوق نقلبها تتحمر من الجهة الثانية .ننزع قطع الدجاج نضيف شوية ماء للبصل المتبقي في الصينية نتركه يغلي شوية .ادا اردنا الصلصة خاثرة نرحي البصل والا تصفى وتقدم مع البطاطا مرحية او الروز .
( يمكن تحطي التوابل اللي تحبيهم )

constantinois-25 · 2012-09-29, 16:06

كيما قالولك هو من الأفضل يكون الدجاج ولكن السر لي يخليها خاثرة وبنينة كيما قلتي هههههه عليك بإضافة فص ثوم مرحي بصل مقطع إلى شرائح حبة طماطم وتكون مثقوبة قليلا بالسكين حبة جزر و اتركي الكل يغلي حتلاحظي أنها تتخثر و تعقد كيما نقولوا