تـــاحـبـولـة نــاتـمـلاليـــن على طريقة عـــجـــوزتــي ربي يحفظها

[أمنية غفران]

[السلام عليكم و رحمة الله تعالى و بركاته

حبيت نقدم ليكم تحبولة ناتاملالين المعروفة بالمشوشة مدتها لي عجوزتي ربي يهنيها و يحفظها قالت لي تحب تستعملها بهاد المقادير المظبوطة و تحبها بالمايزينة ( النشاء )
و هنايا راني استعملت نصف المقادير كتجربة اممممممممممم و خرجت روعة جربوها أخواتي الي ما تعرفهاش كيما حالتي ما كنتش نعرفها من قبل حتى ذقتها عند أهل زوجي يستعملوها بكثرة في فترة نفاس المرأة اممممممممممممم سحرتني مع الشاي بالنعناع يا دلالي




المقادير

أربع حبات بيض
ملعقتان كبيرتان مملوءة مايزينة نشاء
ذرة ملح
خميرة الحلوى نصف باكي
عسل
زيت قليان

و المقادير الأصلية تكون ثماني حبات بيض و اربع ملاعق كبار مايزينة و باكي خميرة حلوة وملح وبيهم تجي تاحبولة شوية حجمها كبير

الطريقة

نمزج البيض جيدا نضيف ليها الملح و المايزينة و الخميرة و نخلط مليح و نحضر مقلة ما تلصقش نضيف ليها شوية زيت يسخن و نصب الخليط فوقه و نتركها تطهى على نار قليلة حتى تشوفيها نشفت من الفوق اقلبيها و من بعد نحطها في صحن التقديم و نسقيها بالعسل و هي سخونة و تاني كي نقطعها نضيف العسل

ونقدمها سخونة بالصحة و الراحة و كيما يقولو اخوانا التونسيين بالشفاء


تفضلن الصور




















في أمان الله