الي عنها مخادة تاع اللبن وماتعرفش تخدم اللبن تدخل معايا انوريلها الطريقة من عند ام رحاب

[x ام رحاب x]

السلام عليكم ورحمة الله وبركاته

كن ا نقصرو نهار في الدردشة وفي صالون ام جوجو جبدناها على اللبن الي يتخدم في المخادة تاع التريسيتي حبيت انوريلكم الطريقة باه اتعودو تعرفو كيفاش تخدمو اللبن واليكم الطريقة نبداو بسم الله
هادي صورة المخادة

ناخد الحليب انروبو وكي اتشوفوه راب اتحطي في المخادة واتحطيه في التريسيتي واتخليه يتمخد مليح وكي اتشوفيه دار الرغاوي يعني بدات الزبدة رايحة تخرج ديري شوية ملح باه الزبدة ماتكونش مسوسة وكي اتشوفي الزبدة ماحبتش تخرج في هاداك الوقت افميني مليح كي ايكون البرد ديري قيس نص كاس ماء سخون بزاف وماتخافيش اللبن مايفسدش وزيدي رجعيه يتخدم مليح ويلا ماحبتش تخرج عاودي حطي ربع كاس ماء سخون حتان اتشوفي اللبن والزبدة بدات اتبان وكي اتخرجلك الزبدة خلاص حبسي وخليها في الفريجيدار وغدوة كي تبرد تقدري تنحيها هادي كي ايعود البرد وكي اتعود السخانة في بلاصة الماء الساخن اديري ماء بارد جدا بعني من الفريقو باه تتجملك الزبدة وكي يبرد واتجبديه غدوة منداكوتلقاي فيه بزاف الماء تقدري تنحيلو الماء غير بشوية ويقعدلك اللبن عاقد وان شاء الله فهمتوني شوفو معايا الصور

[I اهنا كي احطيتو مع الاول [/COLOR][/FONT][/SIZE]
اهنا كي دار الرغاوي يعني بدات الزبدة رايحة تخرج درتلو الملح باه الزبدة اتعود مالحة
واهنا بدات الزبدة تتجمل

واهنا غدوة كي برد نحيتلو الزبدة
وهادي الزبدة شوفو شحال بزاف وبنينة مانحكيلكمش
وهنا اللبن واجد
شوفو في الكاس قعدت هاديك الزبدة صغيرة ماترفدتليش

واهنا كملت وان شاء الله عرفتو مليح الشرح وانكون فهمتكم مليح والي ماتعرفش هادا المخادة راني عرفتكم عليها ودعوة تخير تكفيني حبيباتي

[mina1333]

بارك الله فيك
كون تبعثيلي كاس

[lyzzabel]

ممممممم و ممممممم ما نكدبش عليك غيرتيني باللبن هاتي قاع الغراف مشي غي الكاس ممممم ،، يعطيك الصحة يا الحنييينة و هديك المخادة اول مرة نشوفها هنا ،، بارك الله فيك ميمتي الغاالية

[hanamohamed]

ماشاء الله عليك ام رحاب

[om kamilia]

الله يبارك ام رحاب يشهي و لآ لقيت الالة نشريها
يبان رائع و الاهم خدمة يديك بحنانك وحبك ونقية و يامييي كي يكون بحليب البقر

[x ام رحاب x]

المشاركة الأصلية كتبت بواسطة mina1333

بارك الله فيك
كون تبعثيلي كاس

اهلا وسهلا بيك على ماضن مراكيش بعيدة عليا ارواحي بردي قلبك عندي

المشاركة الأصلية كتبت بواسطة lyzzabel

ممممممم و ممممممم ما نكدبش عليك غيرتيني باللبن هاتي قاع الغراف مشي غي الكاس ممممم ،، يعطيك الصحة يا الحنييينة و هديك المخادة اول مرة نشوفها هنا ،، بارك الله فيك ميمتي الغاالية

سامحيني حبيبت قلبي شهيتك وراكي بالحمل والله كون جيتي قريبة ليا نشقالك ونبردلك قلبك سامحيني ايلا شهيتيه

المشاركة الأصلية كتبت بواسطة hanamohamed

ماشاء الله عليك ام رحاب

الله ايسلمك حبيبتي وشكرا على المرور

ليزا هادي راهي تتباع في كل بلاصة حطي عينك وين ايبيعو الماعن تلقايها

[mokhtar bensaid]

ممكن طريقة لوضع موضوع جديد في منتدى الجلفة شكراا على الشرح 1

[x ام رحاب x]

المشاركة الأصلية كتبت بواسطة om kamilia

الله يبارك ام رحاب يشهي و لآ لقيت الالة نشريها
يبان رائع و الاهم خدمة يديك بحنانك وحبك ونقية و يامييي كي يكون بحليب البقر

سامحوني انت وليزا راكم تتوحمو وهادا راه بحليب البقرة راه ايشهي تاع الصح حطي عينك وين ايبيعو الماعن تلقايها ان شاء الله وربي يجازيك على المرور

[الصابرة المحتسبه‎ ‎]

باركة الله فيك ياغالية في مزان حسناتك

[omjoujou]

خسارة معنديش المخاذة وتالي ذرك نجربو ونحطلك تطبيقي الصراحة هذاك الكاس لايقاوم يبرد القلب بربي ان شاء الله اذا لقيت المخاذة هنا في باتنة نشريها ونعود نخدم اللبن في الدار على طريقتك
في ميزان حسناتك عزيزتي جزاك الله الجنة

[أثر]

السلام عليكم ورحمة الله وبركاته

ماشاااء الله لاقوة الا بالله

لا اطيب من كوب لبن باارد مع التمر...في هذا الجو الحار

تم التقييم

[حياة نور الدين]

بارك الله فيك اختي العزيزة عمري ما شفت هادي الالة والله شرحك وافي وكافي الله يحفظك وينور طريقك ويفرج عليك

[x ام رحاب x]

المشاركة الأصلية كتبت بواسطة الصابرة المحتسبه‎ ‎

باركة الله فيك ياغالية في مزان حسناتك

الله ايسلمك حنونة شكرا على المرور

المشاركة الأصلية كتبت بواسطة omjoujou

خسارة معنديش المخاذة وتالي ذرك نجربو ونحطلك تطبيقي الصراحة هذاك الكاس لايقاوم يبرد القلب بربي ان شاء الله اذا لقيت المخاذة هنا في باتنة نشريها ونعود نخدم اللبن في الدار على طريقتك
في ميزان حسناتك عزيزتي جزاك الله الجنة

ان شاء اللهتلقاي وتعودي تفني في اللبن شكرالمرورك

المشاركة الأصلية كتبت بواسطة الأثر الجميل

السلام عليكم ورحمة الله وبركاته

ماشاااء الله لاقوة الا بالله

لا اطيب من كوب لبن باارد مع التمر...في هذا الجو الحار

تم التقييم
[font="arial"]فرحني مرورك اختي وربي يجازيك





[/font]

المشاركة الأصلية كتبت بواسطة حياة نور الدين

بارك الله فيك اختي العزيزة عمري ما شفت هادي الالة والله شرحك وافي وكافي الله يحفظك وينور طريقك ويفرج عليك

شكرا حبيبت قلبي والله دعواتكم تكفيني وماشي خسارة فيكم

[آسيا 27]

يعططيك الصحة ام رحابو

[البحر الصافي]

بارك الله فيك
لازمني نشري المخادة ونجربو مممممم سخفت