بسكوي بالفواكه الجافة من مطبخي

[ام رويدة]

ان شاء الله تكونو بخير
وصفة اليوم عبارة عن بوتي فور او بسكوي فرنسي
يعني المقادير مختلفة نوعا ما على اللي نعملوه والذوق كذلك

ذوقو اقرب الى القرمشة منه الى الهشاشة

يعني من داخل يكون طري ولكن من بو كله قرمشة يشبه شوية للك...و.......كيز

تفلسفت بزاااف خلي تجربوه وتكتشفو الذوق
المقادير


375غ زبدة بحرارة الغرفة
200غ سكر ناعم
2بياض البيض
450غ فرينة
قرصة خميرة كميائية
فانيلا
فواكه جافة
سيرو اوشاربات
الطريقة

نضرب الزبدة والسكر مليييح بالباتور..نضيف بياض البيض والفانيلا
ثم الفرينة وقرصة الخميرة الكيميائية....ونخلك كلش راح نتحصل على عجينة تلتصق نوعا ما
يعني تكون طرية بالزيادة...ديرها في بوش ادوي ولا بستولي تاع البسكوي
وشكلي اشكال كما تحبي وزيني بالفواكه الجافة

ودخليها للفرن على نار هادئة حتى تحمار من الجوانب تحبي تشعليلها تزيد تحمار شوية مالفوق
انا شعلتلها لاخاطر ما حبيتهابيضة

السيرو تكوني حضرتيه ما نحتاجوش بزاف فنجان ماء و2ملاعق سكر تخليه فوق النار حتى يذوب السكلر
مباشرة كي تخرجي الحلوى تاعك ديريلها شوية سيرو بالبانسو وهي سخونة والسيرو دافي
وخليها حتى تبرد وقدميها

تقدري ديري نصف الكمية كتجربة...واسمحووولي ما صورتش كلش






شوفو العجينة كفاه تكون



















ملاحظة البسكوي راح يهبط في الفرن يعني ما يبقاش شد روحو ..وهدي هي الوصفة...

وفي الاخير ادا عجبتكم لاتنسوني من صالح دعائكم

[ماريا.م]

يعطيك الصحة اختي....باين بنييينن سورتو كي قلتي يقرمش امممم
لكن كي تدهنيه مايرطابش؟؟؟؟

[ام عبدو و ملاك]

يعطيك الصحة ام رويدة باين بنين كل وصفاتك روعة

[ام رويدة]

المشاركة الأصلية كتبت بواسطة ماريا.م

يعطيك الصحة اختي....باين بنييينن سورتو كي قلتي يقرمش امممم
لكن كي تدهنيه مايرطابش؟؟؟؟

الله يسلمك لا اختي ما يرطابش يقعد مقرمش ...شكرا لمررك

المشاركة الأصلية كتبت بواسطة ام عبدو و ملاك

يعطيك الصحة ام رويدة باين بنين كل وصفاتك روعة

الله يسلمك اختي بارك الله فيك

[طالبة النجاحْ~]

شكرا لك اختي وصفة رايعةةة

[أم شيماءْ]

روعة تسلم اديك

[اسمهان79]

اممممممم ماشاءالله خرجلك روعةةةةةةة
سلمت يمناكي حبيبتي
وجعله في ميزان حسناتك
وأحلى تقييييييييييم

[*توبــــة*]

يمييييي هاااااااااايل حبيبتي

كل مرة نستنى تحطيلنا الجديد تاع حلوياتك

يعطيك الصحة وربي يحفظك حنونة

[fatisousou]

يمي يمي والله غير شهتيني اكييييييييييييد بنينة قيد التجريب انشاء الله شكرا لك ومع تحياتي لك

[البحر الصافي]

يعطيك الصحة رائع

[ام سراج وملاك]

يعطيك الصحة هايل بصحتكم

[أم ريمة*]

ماشاء الله باين بنين مع لحليب بارك الله فيك

[أم ملك]

بارك الله فيك و جزاك الله الخير الكثير

[x ام رحاب x]

يعطيك الف صحة حبيبتي والله على شكلها باينة بنينة تسلم ايدك وربي يخليك لوليداتك

[أم ضياء عبد الرحيم]

سخفتيني أم رويدة جا هايل يعطيك الصحة