لمحت الماضي وجرح السنين اللي يبكّينا
وذكرى الحب والغربة ودمع العين يحرقنا
تمرّ فـ بالي الأيام قبل ترحل خطاوينا
وحلمٍ مات يا (فلانه) مع الترحال يسرقنا
كبرنا والالم جمرة وسوط البعد يكوينا
ذبحنا والتعب قصة وريح الهجر تكسرنا
ذبل غصن الحياة اللي ربت فوقه امانينا
وحزن وآهـ تظهر في ملامحنا تفسرنا
كثير أشياء تجرحنا وتسكن في مأقينا
ولو نضحك ولو نسلى/ دروب الآآآهـ تشرحنا
صحيح إن الحياة دروب لا يمكن تسلّينا
تألمنا / تعذبنا / وذكرى الامس تجرحنا
يا ( بنت النور ) لو طال التعب والوقت حادينا
هي الدنيا مثل ما أعطت يجيها يوم تحرمنا
خذي من محجر عيوني بقايا من حكاوينا
وهاتي حزنك وهمك وخذي ما كان يفرحنا
يكفي طفلنا يبقى وتكبر معه اسامينــا
رغم فرقى السنين وكل حاضر منه يحرمنا
كتبتك والسنين اللي تجّمعنا تبكّينا
على موال غربتنا ودمع البين يحرقنا
مخرج :
ذات خريف أذِن القدر لأوراق الشجر أن تتناثر
, وتتقشّف معه القلوب ,
فـ كانت سياط الفراق تضربَ بـ يدٍ من حديد ,
حتى أنتزعت تلاصق القلوب من مكامن الحب وترياقه ..
فـ كانت النتيجة حتمية ( رحيل الغرباء ) ..!
( تقرير عن مشاركة سيئة )، و الموجودة أسفل كل مشاركة .
2018-02-19, 19:09
ذكرى الحب والغربة
العرض العادي
