خيانة زوجية

أم دارين · 2013-09-25, 04:17

السلام عليكم

من متابعتي لمواضيع المشاكل الاجتماعية التي يطرحها الأعضاء في المنتدى لفت انتباهي تناقض كبير يحمله الكثير

بالمختصر إذا امرأة كتبت موضوع أن زوجها يخونها ترى كل الردود إلا القلة القليلة تطلب منها الصبر ومحاولة إرضاء زوجها والبحث عن السبب الذي جعله يخونها وووووو
لم أرى موضوع لزوجة تحون زوجها لكنني أتوقع الإجابة أن يطلقها فهي عاهرة
لأن بعض المواضيع التي من المفروض لا تقارن بالخيانة كزوجتي لا تطيعني أو زوجتي تريد سكن لوحدها أو غيرها من المشاكل تجد الأعضاء يسارعون بحط اللوم على الزوجة

علما أن أغلب الردود تحمل الترهيب من الله في كل المواضيع إلا إذا تعلق الموضوع بخيانة الزوج فالكل يتغاضى وكأن الأمر عادي بل والأدهى يطالبون المرأة بالصبر

شرع الله لا يفرق بين امرأة ورجل والخائن سواء كان الزوج أو الزوجة فلا مجال للنقاش

لكن مجتمعنا الذكوري الذي ربانا على أن ما يفعله الرجل أيا كان عظيما نتغاضى عنه لكن ما تفعله المرأة حتى لو كان حرق العشاء فهو ذنب لا يغتفر

إذا كتبت مراهقة مشكلة أنها تحب شخص على الفيس بوك تنهال عليها الردود بأن ما تفعله حرام وعليها التوبة ووووو
لكن زوجة زوجها يخونها مع امرأة الكل يتناسى شرع الله مع أن كلنا نعلم أن زنا المتزوج من أكبر الكبائر

أتمنى من الجميع أن يحاولوا مراجعة أحكامهم ونظرتهم للأمور وأن يرتكزوا على حكم الله الذي لا يفرق بين الرجل والمرأة فالمذنب أيا كان جنسه العقوبة واحدة والحكم واحد وأن يحاولوا إبعاد ما ربانا عليه مجتمعنا الذكوري عند حكمهم على اّلأمور المطروحة والرد على المشاكل

فإذا كان بنظرهم على المرأة أن تصبر لخيانة زوجها فليكن بالمثل إذا خانت المرأة زوجها
أما إذا كانوا يرون خيانة المرأة لزوجها ذنب لا يغتفر فأيضا خيانة الزوج لزوجته ذنب يغتفر
فشرع الله لا يكيل بمكيالين

~~نايفز55~~ · 2013-09-25, 09:14

السلام عليكم

نعم يحق لزوجة تخلي عن زوجها خإن ولا شرع ولا عاطفة في هذا خائن خائن ربما انت قرأتي بعض ردود وليس كل

هناك من يرد فقط مهم يكتب رد و يشارك لكن ليس هناك من يعطي حل فعلي نعم معاك حق فبما قلته

هي دئما احد الطرفين مخطئ نتيجة جهل وكفر

وبرك الله فيك .

ravanaflora · 2013-09-25, 11:44

عندك حق اختي ..أنا العبارة لي تخنقني في مجتمعنا هي " الراجل مايتعيبش " و " الراجل عيبو في جيبو "
لااااالا الراجل يتعيب إذا كان هذا العيب يتعلق بالدين والأخلاق والتربية
وهاذي لي خلات المجتمع يفسد كاين أمور في عرفنا وعاداتنا وتقاليدنا غالطة
الطفل الذكر كي يكون صغير حتى مايشبعوهش حنان بحجة أنو يولي جايح ويحرموه وبالتالي يخرج عنيف وناقص حنان وعلابالكم باش يحاول يغطي هذا النقص ..والادهى والأمر أنو لو تزوج ومالقاش هذا الحنان عند مرتو يحوس عليه برا ويلجأ للخيانة
زائد أنو في التربية يفرقو بين البنت والولد من ناحية ثقافة الحلال والحرام
فمثلا البنت لا غلطت حرام وعيب وعار وكارثة أما الولد ماعليهش
يا ناااس الحرام حرام على البنت وعلى الولد ..كيما المرأة لازم تكون عفيفة الراجل ثاني لازم يكون عفيف

وواش ينتظر شخص يتمسخر ببنات الناس إلا أنو ربي يبتليه في أختو أو مرتو أو بنتو ..والعكس صحيح
وماتقولوليش يا الرجال البنات هوما لي ولاو مايحشموش وهوما لي يجو برجليهم ووووو ...الأسطوانة هاذي رانا حافظينها
ربي يسهل عليها ..كل طير يغني بغناه وكل واحد يعمل بأصلو وتربيتو وأخلاقو

ولينا نسمعو قصص تشيب شعر الراس ...استسهلنا الحرام وحللنا لأنفسنا أمور محرمة وهذا كامل منين بعدنا على طريق ربي وعلى الحياء والحشمة

ربي انشاء الله يسترنا ويعافينا ويستر جميع المسلمين والمسلمات

ravanaflora · 2013-09-25, 11:45

عندك حق اختي ..أنا العبارة لي تخنقني في مجتمعنا هي " الراجل مايتعيبش " و " الراجل عيبو في جيبو "
لااااالا الراجل يتعيب إذا كان هذا العيب يتعلق بالدين والأخلاق والتربية
وهاذي لي خلات المجتمع يفسد كاين أمور في عرفنا وعاداتنا وتقاليدنا غالطة
الطفل الذكر كي يكون صغير حتى مايشبعوهش حنان بحجة أنو يولي جايح ويحرموه وبالتالي يخرج عنيف وناقص حنان وعلابالكم باش يحاول يغطي هذا النقص ..والادهى والأمر أنو لو تزوج ومالقاش هذا الحنان عند مرتو يحوس عليه برا ويلجأ للخيانة
زائد أنو في التربية يفرقو بين البنت والولد من ناحية ثقافة الحلال والحرام
فمثلا البنت لا غلطت حرام وعيب وعار وكارثة أما الولد ماعليهش
يا ناااس الحرام حرام على البنت وعلى الولد ..كيما المرأة لازم تكون عفيفة الراجل ثاني لازم يكون عفيف

وواش ينتظر شخص يتمسخر ببنات الناس إلا أنو ربي يبتليه في أختو أو مرتو أو بنتو ..والعكس صحيح
وماتقولوليش يا الرجال البنات هوما لي ولاو مايحشموش وهوما لي يجو برجليهم ووووو ...الأسطوانة هاذي رانا حافظينها
ربي يسهل عليها ..كل طير يغني بغناه وكل واحد يعمل بأصلو وتربيتو وأخلاقو

ولينا نسمعو قصص تشيب شعر الراس ...استسهلنا الحرام وحللنا لأنفسنا أمور محرمة وهذا كامل منين بعدنا على طريق ربي وعلى الحياء والحشمة

ربي انشاء الله يسترنا ويعافينا ويستر جميع المسلمين والمسلمات

imane bela · 2013-09-25, 13:49

ana nekrah kelmet ana radjel w enti mra
-_-
yakhi rana 3arfin elkhiyana ezawdjiya wach houwa el3i9ab eta3ha sa soi le radjel wela lelmra
besah kima 9olti enti rana fi moudjtama3 doukouri

Angleeyes · 2013-09-25, 13:55

صح اختي عندك حق بصح واش رايحة تديري مجتمع ذكوري تافه يعرف يحاسب المرأة فقط و كي تقوليلو علاه يقلك المرأة ناقصة عقل على اساس هوما لي كاملين عقل!!!!!؟؟؟

mounia 85 · 2013-09-26, 11:14

عندك الحق 100/100 وراني شايفة الظاهرة هادي في المنتدى بزاف
راني معاك في كل كلمة قلتيها ...ياريت كاش واحد يحط موضوع باللي مرتو خانتو ونشوفو الردود اللي فالاغلب راحا ماتزيدش على كلمة ولا زوج "طلقها" او "اخطيك منها" او
"وجاي تسقسي؟؟؟"
ربي يسقم لحوال

بنت الرضى · 2013-09-26, 14:10

يعطيك الصحة اختي على هذا الموضوع
والله كلامك في القمة

khadija mayar · 2013-10-01, 11:43

بارك الله فيك أختي
فشرع الله لا يكيل بمكيالين