تحلــيـة اليــوم أكثــر من لــذيذة

بلقيس88 · 2016-01-03, 22:08

البسملة1

أهلا حبيـــباتــي انشاء تكونو كامل بخير بصحـــة و عـــافيـــة
اليـــوم جبتلكـــم تحلية تبــرد القلـــب

بدون اطــالة نروحـــو للمقـــاديــر مع الوصفـــة
بالنسبة لموس الشوكولا
1/2 ل حليب +50 غ نشــا + 100 غ سكـــر + 100 غ شوكولا سوداء

فــي كسرولة نخلط الحليب مع السكر و النشا و نديرها فوق نار متوسطة و نبقى نخلط حتى تعقاد نوخرها من النار و نضيف الشوكولا مقطعة قطع صغيرة و نخلط جيدا حتى تذوب الشوكولا هنا نكب المـــوس في قوالب خاصة و من الأحسن نلصق معاها البلاستيك الغذائي film alimentaireحتى ما ديرش شقفة
موس الكراميل:1/2ل حليب + 3 صفار بيض +100غ سكر+50 غ نشــا+100غ سكــر للكراميل

[SIZE="7"]نضرب الصفار مع السكر ثم نضيف النشا و نخلط ب الفووي,,,هنا نكون دايرة فوق النار سكر نرجعه كراميل,,,نفرغ الحليب و هو حامي فوق خليط البيض و نخلط بسرعة ثم نرجع الكل في الكسرولة على نار متوسطة و نخلط ب الفووي حتى تعقاد هنا نضيف الكراميل و نخلط بسرعة فوق النار و نبعد المزيج من النار و نكبه فوق اموس الشوكولا
نخليهم يبردو جيدا في الثلاجة
[/SIZE]

انشــاء الله تعجبكــم و تجربوها لأنها لذيــذة بزاف
دعاء من عندكم يكفيني

بشـرى · 2016-01-03, 22:48

يعطيييييك الصحة تشهي

nesrine rahmani · 2016-01-04, 00:13

اكيد لذيذة بالكراميل و الشكولاته ...شكرا

ملاك ملاكي · 2016-01-04, 10:53

بااااارك الله فيك اختي انا تاني درتها شحال من مرة وجات روعة شفتعا في قناة سميرة مي انا تدير بياض البيض في كلا الكريمتين
ونعمل كل واحدة في لابوش ادوي ونصبهم في نفس الوقت في كاسات التقديم تجي روعة
مشكوووووورة اختي يعطيك الصحة

celia16 · 2016-01-04, 11:51

يعطيك الصحة ,جزاك الله خيرا

بلقيس88 · 2016-01-05, 14:18

اقتباس:

المشاركة الأصلية كتبت بواسطة ملاك ملاكي

بااااارك الله فيك اختي انا تاني درتها شحال من مرة وجات روعة شفتعا في قناة سميرة مي انا تدير بياض البيض في كلا الكريمتين
ونعمل كل واحدة في لابوش ادوي ونصبهم في نفس الوقت في كاسات التقديم تجي روعة
مشكوووووورة اختي يعطيك الصحة

شكـــرا لك حبيبتي على مرورك الكريـــم انا هذه المرة بغيتها كيما الفلون شوية شادة روحها مي دي فوا نبغي نبدل نضيفلها كريم شانتيي تجي رووووعة كذلك