**ملكة الفنون**عرض نتائج التصويت.....كونوا على موعد مع التتويج قرييييبا

[fifiarch]

جمعة مباركة اخواتي

جد سعيييدة بالردود الطيبة كطيبة ارواحكم

طبعا الحفلة مانديرهاش حتى نظمن تكونو الكل حاضرين

مممم على الاولاد الصغار معليش نجيبوهم ونلموهم كامل مع وحدة تنشطهم

هههه نمدوهم لموني من الصباح وهي تدافع عليهم

وطبعا كيما قلتو كلكم اكيد انتم ملكات واكبر دليل اعمالكم الرااائعة

سعيدة انها صارت تحف تحطوها في بيوتكم وتتذكرو بيها دايما الدورة

[kika85]

ام حمزة مزية كي راكي معانا في المسابقة اموا لقيتك تخبي بنتي بنتي عاقلة ما تخافيش ....خارجة لماماها هيهيهيهيهيه

[mimimouni]

فيفي قابلة نحكم لولاد راني موالفة بيهم راني اسيستونت ماتارنال
بصح كيعاد فيها بنات نجيب وليد اختي لي مربياتو يخير من الزينونات
يالا يالا شكون عندها لبنات تبان كيكا وزيد راهو يهبل اسمه جمال الدين اسم على مسمى الله يبارك
لي عودة نشوف العروض ههه

[mimimouni]

وفي انتضار حب وويصال راهي مابانتش نتمنى تكون لباس

[mimimouni]

لبنات نسيت نسقسيكم باذن الله الاسبوع هذا نطلع لدزاير حبيت تورولي حوانت تاع المارسوري
ملاح في الجي سونتر ولافي القبة ولا وين بلايص قراب ليهم وشكرا
هيا يا الفحلات

[oum sabrin]

مساء النور لبنات راكم تخطبوا بلا بيا
باش نتفاهمو حبيبتي ميمي ماكاش غير لبنات و السبع ديالي لي راهو في الصورة كامل نسيتيه ههههههه هداك نديلو بنت كيكا صغيرة عليه غير بشهرين تقريبا راني قرعجت هههههه باينة تخرج كل صبع بصنعة كيما ماماها لابروف راهي بدات ترولي في الحاشية من صغرها ياك ركي قابلة بيه كيكا
وبنتي بلا ما نشكر بزاف نخليك تشوفي و قوليلي ميمي ههههه و وليد ختك شحال في عمرو
مرحبا بيك في العاصمة حبيبتي ميمي بالنسبة للميرسوري كاين في القبة لي موالفة نشري من عندهم كي تجي ان شاء ماشي مشكل

[mimimouni]

لالا سبع الله يبارك ربي يحفظهملك
جمال الدين عنده ٥ سنين ونص وراهو شباب يهبل واش رايك

[ام حمزة22]

سلاااااااام
واشراكم لبنات هدا وين جيت من عند اهلي ما قدرتش ندخل ندير رد خفت الوالدة ربي يحفضها تزعف عليا

لبنات راكم مع الخطبة ربي يكمل رانا نستناو فالعرس
ميمي ربي يحفض جمال الدين راه قدقد مع صبرين اما عن المارسوري مثل ما قالتلك ام صابرين كاين فالقبة جيهت لقواص وكاين ماشي بعيد القبة بضبط في باش جراح فتحو 2 حوانت واش نقلك جديد في جديد
قوليلنا برك واقتاش تشرفي ونحن في الموعج بادن الله

[ام حمزة22]

المشاركة الأصلية كتبت بواسطة mimimouni

اهلين بيكم
العزيزة ام حمزة اكيد الغالية متبداش حتان تخبرنا كامل نكونو باذن الله مجموعين
بوه عليك يا كيكا بنتك على العين والراس رانا كامل عارضينها تجي بالشان والطبع علاه تغميها فالساك مسكينة
تزهيلنا الحفلة
اختي زينب الفوز باللقب ماهوش راح يدير فرق لانو الهدف الاول للدورة هي التعلم
والحمد لله كامل تعلمنا وتطبيقك خير دليل ورائع يعنى كامل فزنا
وكيما قالت ام حمزة زينا بيوتنا باشياء حنا اللي صنعناهم
خاصة طقم الكريات السحرية هبل كامل لي شافوه حسيت بالفرحة كي نحطه في السني تاع القهوة

ميمي حتى انا راني دايرة حالة بالطقم نتاع الكريات السحرية والله سحر جميع لي شافو وراني حطيتو في سنية قهوة مهرجان السفرة راح تشوفيه عن قريب بادن الله

[oum sabrin]

الله يبارك على جمال الدين راهو كبير على بنتي ب 4 اشهر ههه ربي يحفظهم ما شاء الله عليهم خلاص انا درنا لافير
كيكا ما بانتش واقيلا ما عجبهاش زكرياء وليدي هههه
اهلا ام حمزة اتمنى تكون العائلة كامل بالف خيييير

[ام كوكو]

يعطيك الصحة فيفي متعتينا بدورة و مسابقة قمة و تعلمت الكثير معاكم
يعطيكم الصحة البنات كل وحدة باسمها و كامل ربي بارك ملكات بالتوفيق
فيفي راني نجي للحفلة و راكي على بالك كوكو هو الاول ما تحاوزيهش راه صغير وعاقل قوليلي وقتاش

[ام حمزة22]

المشاركة الأصلية كتبت بواسطة ام كوكو

يعطيك الصحة فيفي متعتينا بدورة و مسابقة قمة و تعلمت الكثير معاكم
يعطيكم الصحة البنات كل وحدة باسمها و كامل ربي بارك ملكات بالتوفيق
فيفي راني نجي للحفلة و راكي على بالك كوكو هو الاول ما تحاوزيهش راه صغير وعاقل قوليلي وقتاش

اهلين بااحبايب الغاليين نورتينا بوجودك ام كوكو وكوكو راه على العين والراس ربي يحفضو مدام كاين لي يتهلة فالاطفال ارواحي وحيبي كوكو

ان شاء الله تدخل نهال وتكمل الفرحة

[kika85]

ام صابرين راني قااااااابلة اديها بحوايجها هههههههه حتى لا كوش ديالها اديها بيه ههههههه وليدك الله يبارك عليه مسرار الفقوس وحتى بنوتي شويبة الله يبارك وتع الصح شاطرة تحب تتعلم كلشي ويشرفني تكوني انتي عجوزة بنتي ..خاطر نعزك والله .......اييييه بنتي كبرت وجاوها الخطابة الدنيا راهي تجري ههههه ام صابرين واسمو وليدك????
ميمي ما يغيضكش الحال رانا لقينالو لجمال الدين واحدة شويبة تان كيما هو...

[kika85]

ام كوكو نورتينا بحضورك

[ام حمزة22]

المشاركة الأصلية كتبت بواسطة kika85

ام صابرين راني قااااااابلة اديها بحوايجها هههههههه حتى لا كوش ديالها اديها بيه ههههههه وليدك الله يبارك عليه مسرار الفقوس وحتى بنوتي شويبة الله يبارك وتع الصح شاطرة تحب تتعلم كلشي ويشرفني تكوني انتي عجوزة بنتي ..خاطر نعزك والله .......اييييه بنتي كبرت وجاوها الخطابة الدنيا راهي تجري ههههه ام صابرين واسمو وليدك????
ميمي ما يغيضكش الحال رانا لقينالو لجمال الدين واحدة شويبة تان كيما هو...

مبروك علينا بنت كيكا
كيكا ابن ام صبرين راه عندي حتى انا نسال فيه ههههههههه ونقلك اسمو زكرياء لوكان تشوفي بسلامتو شحال حلو ربي يحفض ويسترو
وربي يحفض عروستنا بصح ما قلتيناش اسمها