صفعة اخرى بالنسبة للتوظيف على اساس الشهادة ؟؟؟؟؟

Algeriano 113 · 2012-01-12, 15:49

السلام عليكم
ورد هذا المقال في جريدة اخر ساعة ليوم الثلاثاء الفارط
لكم التعليق

الظل الخفي · 2012-01-12, 17:07

ربي يجيب الخير

بارك الله فيك

moonlight19 · 2012-01-12, 17:27

سيدي مليح زادو لهوا و الريح
هذا مثل تاع بكري يعني بلادنا من بكري فيها مصداقية وشفافية في المسابقات.......
و زادو دارو توظيف على اساس الشهادة- كل واحد يدخل جماعتو و بني عمو......-
ربي يهدي ما خلق

فرناس وهران · 2012-01-12, 17:36

كل شخص له رايه و انا اقول رايي بكل صراحة
هناك من اعتبرها صفعة و انا اعتبرها جيدة بالنسبة لي لانني متخرج جديد و لدي معدل قريب من الجيد و ليس لدي خبرة
لم اوفق في الامتحانات ربما يكون من مكتوبي امتحان شهادة
انا مثلي مثل اي متخرج من الجامعة و كل شخص يحسبها كما تناسبه لذى لا تنتظر ان يكون الجميع ضد القرار

ultras BE · 2012-01-12, 22:29

اقتباس:

المشاركة الأصلية كتبت بواسطة فرناس وهران

كل شخص له رايه و انا اقول رايي بكل صراحة
هناك من اعتبرها صفعة و انا اعتبرها جيدة بالنسبة لي لانني متخرج جديد و لدي معدل قريب من الجيد و ليس لدي خبرة
لم اوفق في الامتحانات ربما يكون من مكتوبي امتحان شهادة
انا مثلي مثل اي متخرج من الجامعة و كل شخص يحسبها كما تناسبه لذى لا تنتظر ان يكون الجميع ضد القرار

تمسخر بنا متخرج جديد تحوس تنجح في مسابقة على أساس شهادات ههههههههههههههههههههه
ياو خلي ديبلوم تاعك يغمل وروح تخدم كاش 4 و لا 5 سنين ومبعد أهدر

امين83 · 2012-01-12, 22:47

اقتباس:

المشاركة الأصلية كتبت بواسطة فرناس وهران

كل شخص له رايه و انا اقول رايي بكل صراحة
هناك من اعتبرها صفعة و انا اعتبرها جيدة بالنسبة لي لانني متخرج جديد و لدي معدل قريب من الجيد و ليس لدي خبرة
لم اوفق في الامتحانات ربما يكون من مكتوبي امتحان شهادة
انا مثلي مثل اي متخرج من الجامعة و كل شخص يحسبها كما تناسبه لذى لا تنتظر ان يكون الجميع ضد القرار

أخي فرناس شوالا هذا صاحبي ..ههههههه و انا حسبتك رايح تفهم ....
عندك في الامتحان الكتابي اخي فرناس فرصة خير من الشهادة با الرغم من انك حديث التخرج ...نقولك علاش ....لأنه أقدمية الشهادة 1أو 2 نقطتين و الخبرة نقطة 1 عن كل سنة و أنت ما عندك هذه تسمى 3 او 4 نقاط الفرق بينك و بين واحد اقدم انا عندي 6 سنوات و راني داخل 7 منذ تخرجي و 5 سنوات غير تشغيل و مارانيش طامع تماما في التوظيف على اساس الشهادة ...عندك مستوى و لا ماعندك عندك خبرة ولا لا و الله ما يستعرفو بها ......زيد رانا غير في الخسارة قرابة 6000 مسابقة حتى نسيت وين جوزتها ...ههههه و رايح و جاي و بات ساهر الليالي خسارة المادية ...من بعد يقولك توظيف عل أساس الشهادة رايح يردنا من الصفر 0 .....
الله يجعلنا مخرج من هذه المصيبة يا ربي

امين83 · 2012-01-12, 22:53

اقتباس:

المشاركة الأصلية كتبت بواسطة ultras be

تمسخر بنا متخرج جديد تحوس تنجح في مسابقة على أساس شهادات ههههههههههههههههههههه
ياو خلي ديبلوم تاعك يغمل وروح تخدم كاش 4 و لا 5 سنين ومبعد أهدر

هههههه
ألا كتبله ربي سبحانه الله يسهل ..المهم كي يربح يديرنا حفلة بصح حفلة و نفرحو معاه ....هههه

djo761 · 2012-01-13, 00:18

ربي ايجيب الخير ..و كل واحد ربي يجازيه على حساب قلبو..

فرناس وهران · 2012-01-13, 08:50

اخي ultra سمعني مليح كل المسابقات يدخلوا فيهم بن عمي و صاحبي و... بصح يدخل واحد زوج ماشي غاع هاذي وحدة
الزاوجة صاحبي راك غي تشكل التنقيط تاعك خليه عندك اقدمية الشاهدة نقاط شحال 2او 3 نهار المقابلة قالوا المقابلة 3 نقاط
اذا كان دخل واحد و قعد يكعرر عليهم و داير روحه رابح بالاقدمية و الخبرة تاع الشكيل عنده غاع 6 نقاط فرق على المترشحين الاخرين
و قعد يشكل عليهم تم ما يحوسوش عليه يدخل معاهم انا في رايي ديبلوم قديم ماشي سلم عندنا
و يا امين 83 رواح نقولك راني فاهم غاية شا كتب خونا و شا كتبت انا
اخي عندي ديبلوم deua في 2005 و عندي ديبلوم مركز تكوين 2007 و شهادات دار الشباب 4 و ليسانس 2010 كل هاذ الشهادات دخلت و فوت امتحانات و الله غالب ما ربحتش ليس لاني حابس لكن ما كنتش متمكن من بعض المواضيع و كاين ناس كانوا يفوتوا معايا يقروا طيارات و كاين اللي كانوا ينقلوا و انا خدمت عادي و كان عندي معدلات شابة لكن الله غالب
في مرة شاركت في امتحان على اساس الشهادة و كنت ثاني مترشح دخل صالة المقابلة
هل ممكن انت تبقى 45 دقيقة في مقابلة تشرح فيها دراستك حول المذكرة تاعك ؟؟ اخي المقابلة اللي درتها معاهم كنت قادر ندخل بها خدام عندهم لكن المشكل تاعي تاع في تخصص الشهادة هم كان خاصهم محاسب و انا كنت تخصص تسيير و تسويق
انسى اخي امور العرف و بني عمي و اذا كان هكذا لماذا قدمت الملف تاعك
كنت تخليه و ما كان له تدفع مين عارف بلي ما غديش تربح
اخي ultra
انت راك دافع الملف نتاعك و ما راكش مزين النية في ربي
نصيحة في سبيل الله لا تنتظر النتيجة اذا كنت لا لا تثق في القدر
الحمد لله
امين 83 راني داير نذر و ان شاء الله ننجح فيه مع ربي و راني ان شاء الله نعرض كل اعضاء المنتدى و ليس حفلة كيما شي حفلات الجماعة اللي يعرفوني يعرفو الحفلات نتاعي و راني مسجل وحدة في الفايسبوك اللي حاب يشوفها يتصل بي
الدنيا امتحانات من يوم تولد الى قبض الروح الحر من اغتنم دروس ما فات و هيأ للآت
https://www.djelfa.info/vb/showthread.php?t=836079

sanakabo · 2012-01-13, 09:44

هي الثورة قادمة لا محالة
والحكومة تتخبط وستحرق
كلمة إرحل قادمة وهم يلعبون