|
في حال وجود أي مواضيع أو ردود مُخالفة من قبل الأعضاء، يُرجى الإبلاغ عنها فورًا باستخدام أيقونة ( تقرير عن مشاركة سيئة )، و الموجودة أسفل كل مشاركة .
آخر المواضيع |
|
استفسار حول عيادة الليزك تونــس
|
أدوات الموضوع | انواع عرض الموضوع |
2015-10-20, 18:44 | رقم المشاركة : 16 | |||||
|
اقتباس:
لانو سعرها عندنا اكثر منها بكثير قولي فيها سهم صغير وكي تحطها في عينك تبلاسي روحها وحدها؟ + وهل اول مرة درتها ثمثم والفتها او عانيت شوية باش توالفها + اه شفت المشكل تاع النقص تاعك وين الناس لي عندهم ميوبي وراثية لازمهم زيارة على الاقل كل 6 اشهر مي حنا في دزاير نقولو كل عام كنت تنقص ومتفيقش بروحك والنظارات مهمش يتبعو في النقص وبالتالي ميفيدو ش كليا + راني قتلك اخي في اللزيك في الجزائر يحبسو لل 12 وهذيك راهم حالات خاصين جدا الاكثرية يحبسو في 8 والحمد لله لي قالولك انو السمك مليح باش يقدر يعاونك تنقض اليمنى لكن نصيحة ت=شوف عدة طبة كاينني لي يحوسو غير على المال + ليكورفلوتون حاول تنساهم بلاك يروحو عليك لانو مرات لما نشغلو بالنا بيهم يزيدو واذا متنحاولكش لما تشوف طبيب قولو يزيد يشوفهملك + الجفن لا علاقة ليه باليكور فلوطون بلاك عندك حساسية كي تقلب جفنك تلقاه حمورة او لا نورمال وعينينك تحسهم جافين او لا وهل يديرلك وخز + لا متخافش على عروق العين مدامك عالجت الثقب هو كي ميتعالجش لي نخافو يكبر ويولي يجبد الشبكية على العروق لكن الحمد لله انت عالجتو وتهنيت منو + بالنسبة للاوسيتي عندي وحد الفيشي فيه ليفالار تاع عين صحيحة ظرك نقارلك بينهم ورايحة نقول للاستاذة تشوفيلي وان شاء الله خير ربي يشافيك اخي والحمد لله انك لحقت لل 25 سنة ظرك تبدا تستابليزالك لاميوبي تاعك وان شاء الله يلقاولك حل ليها سواء بالليزر او العدسة تاع الزرع فقط حاليا انتبه للنظاراة والعدسة ومتحبش عليهم الطبيب كيما كنت دير واي نصيحة تحتاجها اخي راني في الخدمة وقت مجا في بالك سوال اسالهولي لي عرفتو نفيدك بيه ولي معرفتوش نسقسيلك الاساتذة تاعوعي راهماطباء وبالنسبة للعناوين تاع احسن الاطباء تاع الجزائر وتونس رايحة نمدهملك اخي وفيها خير انش اء الله
|
|||||
2015-10-20, 20:06 | رقم المشاركة : 17 | |||
|
السلام عليكم , و أشكرك جزيل الشكر على تواصلك معي لوكان رحت لطبيب كان يقلعني هههههههه . بالنسبة للعدسات هوما العاديين 5.000 د ج و هاذو قالولي special torique قعدو 30 يوم باش وجدو و سعرهم 8000 د ج لا يوجد فيها سهم و كي نحطها لازم نحرك عيني يمين و شمال باش تحكم روحها و كي نقلبها نلقاها معوجة بعض الشيئ هاذا بالنسبة للعدسة اليمنى تفضلي الصورة : اما اليسرى بالفعل كي نوضعها في العين تبلاسي روحها في 3 ثواني . في الحقيقة والفتها بعد شهر كنت نرمش عيني بزاااف في الايام الاولى و بعض الاحيان نحسها جافة العدسة خصوصا في وقت المغرب كاين قطرة توضع في العين و العدسات لاصقين بالعين ممكن تقوليلي عليها هاذ القطرة ممكن تخفف من المعانات لا توجد احمرار في الجفن . نخمم في عيادة السعادة او عيادة حموش هاذو لي نعرفهم انا و الله أعلم و القرار يرجع ليك انصحيني بعيادة مليحة بتونس و الجزائر و هل تونس أحسن ؟؟؟؟؟؟؟ و نســـــيت باش نقولك انو الشبكية تاعي رقيقة حسب ما قال الدكتور , و هل كي تكون رقيقة ما يصلحش الليزك أو زرع العدسة ؟ و بارك الله فيك
|
|||
2015-10-20, 20:26 | رقم المشاركة : 18 | ||||
|
اقتباس:
هههه شفت انا ناقشك بدعوة خير في ظهر الغيب او في صلاتك + يعني مافيهم سهم مفيهم نقطة كيما الفقاعة تاع الماء ما قالولك كي تبلاسيهم النقطة هذيك او السهم وين تحطو او قالولك يبلاسيو رواحهم مقالك لوبتيسيان والو وهل انت تثق فيه ثقة عمياء او اول مرة تخدم عندو + العدسة هكا منقدرش نعرفها اخي لازم تكون في يدي + هذيك تاع تحرك عينك اي لونتي دير هكاك باش تحكم القرنية ان شاء الله لا قعدت نديرلكم موضوع شامل عن كيفية استعمال العدسات اللاصقة وبعض النصائح + القطرات لا منمدهمش انا الطبيب لي يمد انا سقسيتك اذا انت راك تمشي بالدوا ومادام متمشيش بيه اذا عينك مفيهاش جفاف الحمد لله + الحمد لله اذا معندكش حساسية احتمال الجفن يوجعك من لالونتي لانها ساعات تحتك فيه + ان شاء الله ظرك نكتبلك اسماء الاطباء ومش في الجزائر العاصمة فقط + الشبكية رقيقة بسبب الميوبي معظم لي يعانيو منها عندهم مشاكل في الشبكية + لا علاقة بالليزك وعدسة الزرع بالشبكية لانهم يصراو في الغرفة الامامية من العين في القرنية او بين القرينة والعدسة |
||||
2015-10-21, 11:42 | رقم المشاركة : 19 | |||
|
في الحقيقة قالي روح كونتروليهم عند الطبي و من بعد ارجعلي نوريلك كيفاش تلبسهم انا صراحة كي رحت للطبيب قالي راهم ملاح لم ارجع للوبتيسيان أي لبستهم وحدي . |
|||
2015-10-21, 12:59 | رقم المشاركة : 20 | ||||
|
اقتباس:
يخي حالة يخي وهاك رحت للطبيب علاش مقالكش كيفاش ديرهم ولا غير يحكمو الدراهم خلاص ميهمهمش حاجة اخرى سبحان الله بلاد لعوج + راني قتلك لاميوبي تاثر شوية على الشبكية ولكن تتقطع اثناء العملية هذي مستحلي لانو مكانش طبيب يريسكي بشبكية مريض ويدخلو للعملية اخي هذي ديرها في بلاك اخي شوف الان نحطلك عناوين اطباء وروح ليهم اخي وان شاء الله تلقا الجواب اليقين |
||||
2015-10-21, 13:17 | رقم المشاركة : 21 | |||
|
شوف اخي رايحة نبدالك بالجزائر |
|||
2015-10-21, 13:19 | رقم المشاركة : 22 | |||
|
نصيحتي زيد شوف اطباء الجزائر وشا يقولو واذا مقنعكش كلامهم روح لتونس اخي |
|||
2015-10-22, 22:49 | رقم المشاركة : 23 | |||
|
بالنسبة لقضية كونطروليهم ممكن قصدو نديهم لطبيب يشوفهم و يتأكد من القطر الخاص بالعدسة و و درجة التصحيح الخاصة بها لأن لوبتيسيان كومونداهم من وهران و الله أعلم . قالي لوبتيسيان كونطروليهم و ارواح نوريلك كيفاش تلبسهم انا صراحة تهاونت ما رحتش نسيت باش نخبرك بأنو هاذ لوبتيسيان خدمت عندو نظارة المدة الأخيرة هو من المفروض يستعمل زجاج اسمه top ليكون سمك الزجاج قليل , و أنا صراحة كنت أجهل أنواع الزجاج الخاص بالنظارات الطبية المهم ثقت فيه و نصحني قالي نديرك organique قالي نوعية راقية و مش عارف و ملاح و مينكسروش قالي يجوك ب 7.500 د ج الزجاج وحدو بدون احتساب الكادر قتلو انا موافق مبعد كي وجدو و الله صدمت نفسيا العدسة اليسرى سميكة جدا جدا جدا رحت لوبتيسيان واحد اخر قالي من المفروض يديرك top يجوك اقل سمك و أقل تــكلفة قالي ب 3500 د ج تبانلي, المهم كي رجعتلو باش نتفاهمو على النفاق تاعو قالي top يجوك ثقال و يتعبوك و معرف بدا يبلعط و الله عيب على جال زوج دورو يربحو الذنوب و يخسرو الزبون و ما يرضيوهش حسبي الله و نعم الوكيل . , بــارك الله فيك على عناوين الأطباء و فيما يخص نوع ليلونتي هوما lentilles toriques souple هكذا قال لوبتيسيان و على حد علمي كاين الصلبة و اللينة و كاين لي يتلبسو 3 ايام او 15 يوم اما لي عندي تاع استعمال يومي يعني كل يوم قبل النوم ننزعها المصنع لي يخدمهم اسمو cornelia هكذا مكتوب في الزجاجات لي جاو فيهم . و جزاك الله كل خير |
|||
2015-10-23, 19:45 | رقم المشاركة : 24 | ||||
|
اقتباس:
+ فعلا التوب غالي ومش اي اوبتيسيان يقدر يفينيه مليح راني قتلك لازملو كادر يكون صغير واحد كبير يجي فيه الزجاج باشع ويزيد يكبليكسي لي يرتديه + هل اليسرى في النص رقيقة وفي الحواشي خشينة يعني تبان كلي زوج زجاجاات فو قبعضاهم ممكن تصورهملي اخي صورة على الوجه مش الجانب باش نقلك واش من نوع + لوبتيسيان لوخر قولو ينعتلك الزجاجة قبل ميصنعهالك لانو كانين ديزوبتيسيان ربي يسامحهم يطيحو السوق على بعضاهم هكا باش يكسبو الزبون صورهملي ونقلك وينا ابتيسيان عندو الحق + شوف اسيدي علاش يجيك الطوب ثقيل راهو اخف لانو رق من التيتان تعيش صورلي النظارة تاعك وحطهالي نشوفها + شوف اخي حسب السعر لي قتلي عليه وحسب لي قتلي انو ليمنا نبلاسيها وحدي واليسرى تبلاسي روحها وحدها بسهولة راني شاكة بلي وحدة طوريك والاخرى سفيريك ياريت تديهم لاوبتيسيان او لطبيب اخر يوشوفهم لانو في الصورة ميبانوليش اخي + فعلا كورنيليا تاع وهران وكاين حاليا ماركة اخرى جزائرية احسن منها اسمها سوفلاكس تاع البرج والاحسن طبعا هي مينيكون لكنها غالية شوية على الباقيين كمل بلي راهي عندك وكي تنتهي صلاحيتها بدل لامارك اياض اخي كيما قتلك متجاهلش لاستيجماتيزم لي عندك لانو لميوبي مع لاستيجماتيزم مش ملاح ويدير تعقيدات اخرى وربي يشافي وان شاء الله لما تزور الاطباء طمني واش قالولك اخي وانا راني قتلك لما تجاوبني الاستاذة على الاوسيتي نقلك وشا قاتلي ورايح نحاول نديرلكم موضوع على العدسات عن قريب باش تثقفوا فيهم ربي يشافيك اخي واي سوال راني هنا |
||||
2015-10-24, 22:09 | رقم المشاركة : 25 | |||
|
السلام عليكم |
|||
2015-10-28, 19:06 | رقم المشاركة : 26 | |||
|
بارك الله فيك و ربي يحفظم نقدر نقول انت الطبيبة تاعي ههههههه , تفضلي الصور الخاصة بالنظارة لي دارها ميسيو لوبتيسيا : آخر تعديل أم عاكف ( الأم المعلمة ) 2017-04-15 في 13:27.
|
|||
2015-11-21, 15:06 | رقم المشاركة : 27 | |||
|
أين أنت على رصيف الأمل ؟؟؟ |
|||
2015-12-19, 13:48 | رقم المشاركة : 28 | |||
|
السلام عليكم |
|||
2015-12-21, 20:40 | رقم المشاركة : 29 | |||
|
السلام عليكم اخي آخر تعديل أم عاكف ( الأم المعلمة ) 2017-04-15 في 13:28.
|
|||
2016-06-30, 09:15 | رقم المشاركة : 30 | |||
|
wech sahbi kach khbar 3andek kach madert fiha |
|||
الكلمات الدلالية (Tags) |
الليزك, استفسار, تونــس, عيادة |
|
|
المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية
Powered by vBulletin .Copyright آ© 2018 vBulletin Solutions, Inc