المنحة.......بعد التحويل

[ilosa23]

السلام عليكم
من فضلكم خذو سؤالي بعين الاعتبار ونتمنى يجاوبوني اللي فاتو على نفس المرحلة
في شهر جويلية قمت بتحويل عقد لانام من ولاية الى ولاية اخرى وتم قبول الملف في شهر اكتوبر وتم تنصيبي في شهر نوفمبر في الولاية المستقبلة
حابة نعرف من شهر جويلية الى نوفمبر يخلصوني والا ميخلصونيش في هادو الاشهر؟ علما اني كنت بصدد التحويل
وجزاكم الله كل خير

[ilosa23]

25 مشاهدة
اين الردود؟؟؟؟؟؟؟

[kaka17]

يا أختي تخلصي عادي حقك ما اروحش اخدمي البونتاج عادي وادفعيهم و استقبلوك
......
ممكن يا أختي نموذج عن طلب التحويل انا حاب نحول من الولاية الى ذائرة تباعه للبلدية في نفس الولاية ربي يحفظك

[ilosa23]

بصح شكون اللي يمضيلي على البوانتاج كي نخدمو واصلا يقولولي كنتي تبدلي يعني كنت موقفة
هدا نموذج التحويل انا كان عندي سبب للتحويل وهو زواجي في ولاية اخرى



السيد (ة) : ...............................
موظف في إطار عقود ما قبل التشغيل

إلى السيــــد : مدير المؤسســـــة

الموضوع :طلب الموافقة على تحويل مكان عقد العمل

يشرفني أن أتقدم إلى سيادتكم المحترمة بطلبي هذا و المتمثل في طلب الموافقة على انتقالي إلى مؤسسـة ...................... الكائن مقرها بـ : ..................... ، علما أنني موظفلدى مؤسستكم في إطار عقود ما قبل التشغيل تحت برنامج (...) رقم العقد : ........ المؤرخ في : ................... لمدة : ................
في انتظار موافقتكم تقبلوا مني فائق الإحتــــــــرام و التقديـــــــر.

في : 25/02/2016

موافقة المدير إمضاء المعني

[kaka17]

عادي خذي البونتاج نتاعك للمؤسسة المستقبلة لي راكي فيها افهموك و اعتقد الشهر لي كنت تقوم بالتحويل تخصليه في االوكالة لي كنت فيها اما لما تدفعي الملف في الوكالة الجديدة تخلصي الاشهر تم
المهم الاشهر نتاوعك ما اروح ما والو
وزيد سقسي في الوكالة

[ilosa23]

بارك الله فيك

[kaka17]

لا شكر على واجب توجهي للوكالة لي راكي فيها إفهومك زين وتأكدي انك تدي حقك كامل بإذن الله

[مريم 2013]

حتى انا لدي نفس السؤال ارجو اجابة واضحة من فضلكم

[kaka17]

الإجابة الواضحة أنك حقك ما اروح تخلص الشهر نتاع التحويل بشكل عادي المهم تقريبي من وكالة التشغيل تفهمي اكثر وادي البونتاج تأكي أنك تدي حقك

[ilosa23]

ذهبت وسالت وقالولي معندكش الحق في الخلاص لانك كنت موقفة
وماعندكش البوانتاج

[kaka17]

كفاش قالو لك موقفة
انا 2 اصدقاء داروو اتحويل خلصوو شهر نتاعهم اثناء التحويل في الوكالة الاولى لما جابو العقد الجديد بدا و يدفعو البونتاج في الوكالة الجديدة

[MESTERGO]

يجب ان تأخذي لبونتاج الى مديرية النشاط الاجتماعي مباشرة بيرو الادماج

[hannoun 23]

المشاركة الأصلية كتبت بواسطة ilosa23

السلام عليكم
من فضلكم خذو سؤالي بعين الاعتبار ونتمنى يجاوبوني اللي فاتو على نفس المرحلة
في شهر جويلية قمت بتحويل عقد لانام من ولاية الى ولاية اخرى وتم قبول الملف في شهر اكتوبر وتم تنصيبي في شهر نوفمبر في الولاية المستقبلة
حابة نعرف من شهر جويلية الى نوفمبر يخلصوني والا ميخلصونيش في هادو الاشهر؟ علما اني كنت بصدد التحويل
وجزاكم الله كل خير

اختي تعيشي فهميني كيفماه حولتي العقد تاعك انا تاني راح نحولو من ولاية الى اخرى بسسب اني ساتزوج في ولاية اخرى و هل هذه المدة 03 اشهر طولت بسبب الوكالة الجديدة ام القديمة لانو انا راح نروح لولاية بعيدة بزاف منقدرش نروح و نرجع تعيشي اختي فهميني و ربي يسهلك انت تاني