الجزء 189 من كوزينة حراير الجلفة ..كوزينة أغلى حراير

[nihal159]

صباح الخير عليكم يالحراير، ذخلت على الطاولة الملوكية لأختنا حيوتة و الوافدة هيلينا، ماشاء الله عليكم، أصبرو عليا خوتاتي ماشفتش مليح التفاصيل، نحط مشاركاتي و من بعد نرجع نمحص و ندقق ههههههههههه، أنا كما تعرفو للأسف مانقدرش نصور طاولة الافطار كاملة لاني مانحطش كلشي في ضربة واحدة، درك نفهمكم بالصور ههههههههههههههه درتلكم درس ههههههههههههههههههه

[nihal159]

انا نحضر الطاولة فيها الماء و العصير و البيتزا صنع منزلي طبعا لازم تكون حاضرة لانو الزوج مايكلش البوراك، طاجين الحلو و حبات تمر، لما ياذن الاذان نكسرو الصيام و نروحو نصليو و كي نرجعو نسربي الجاري لي هو شربة فريك ثم الطبق التاني، هذي طاولتي

[nihal159]

هذي دولمة درتها تاني ايام رمضان، يخي قلتلكم الدولمة نطيبها فالكوشة، هذي قبل ماتذخل

و هذا شكلها بعد ما طابت، انا ندير فيها فلفل حاو، كورجات و بطاطا، و الخضر بعد مانحشيهم نقليهم فالزيت و من بعد نحطهم يطيبو مع لاصوص تجي وحد البنة رهييييييييبة، و الفلفل بعد ماتقليوه قشروه باش كي يطيب مع الرق مايجيش مر، و يمد ذوق مذخن للمرق رووووووووعة

[nihal159]

هذي مرقة بيضاء بكريات صدر الدجاج مفروم و محشيين فرماج، و الصوص فيها جزر و زيتون، صورتهالكم من البرمة هههههههههههههههه

و هذا شكلها في صحن التقديم، الصورة من الأرشيف

[ام لجين و فيصل]

صباح النور نهولة
كوزينتك مبروكة و رمضانك كريم ان شاء الله

[nihal159]

ماسيدوان ، ندير كمية كبيرة و كل مانحتاج نخرج كمبة و نزيد عليها المايونيز و صلصة

[nihal159]

هذي معقودة، درتها رابع أيام رمضان

[ام لجين و فيصل]

هذا فطورنا البارح شربة فريك و دولمة و سلطة فلفل و باتنجال

[nihal159]

مطلوعاتي البطبوطات ههههههههههه قولو ماشاء الله على قول زيكا هههههههه

[nihal159]

سحوري، مسفوف بالتمر و الزبيب مع اللبن طبعا، الزوج يسحر بالبريوش و الحليب

[ام لجين و فيصل]

هذا صحن مارية قاتلي صوريهولي هههههههههههههههههههه

[ام لجين و فيصل]

هذا مطلوع درتو النهار الثاني تاع رمضان كي صامت مارية

[ام لجين و فيصل]

هذا الحلو الغني عن التعريف ههههههههههههههه


و هنا مارية عملتلي التمر على شكل وردة على قولها

[أم رقية نسرين]

اممممم صبحت على مهرجان مأكولات نهولة ماشاء الله يا ختي جوعتيني عالصباح ههه بصحتكم
ام لجين بصحتكم فطوركم
سوسو ختي التحلية سخفتني انا نمووووت على الشكلاطة و الستاج متحتاجيش معندك متزيدي الله يبارك عليك

[nihal159]

بسم الله ماشاء الله و لا قوة إلاّ بالله؛ ياحراير الجلفة فاليشهد التاريخ أنكم حرات الحرائر؛ حيوتة ماشاء الله شهادتي فيك مجروحة( لالا مسلوخة طول هههههههههههههه)؛ طبق الرسكلة رائع يعطيك الصحة؛ سحوبتي تعرفي نقطة ضعفي الجلبانة من يديك علاه ياختي علاه ههههههههههه شهيتيني و الأذان مازال بعيييييييييد؛ مريومة كلشي حطيتيه رووووووعة المطلوع؛ الكسرة؛ البوراك؛ الجاري؛ السلطة كلشي روووووعة.
الوافدة هيلينا مرحبا بيك و صح رمضانك؛ ماشاء الله أمتعتينا طاولتك تشهي.
سوسو يا سوسو ؛ واقيلا حنا لي نجيو نديرو عندك ستاج هههههههه ؛ الله يبارك كلشي فووووور و يعطيك الصحة راكي نحيتي على أمك غبينة كبيرة ههههههههههههههه؛ ربي يوفقك و ينولك لي في بالك.
فيفي طاولتك تشهي و التحليات ولا أروع؛ و الله يا كتاكيت فاجأتوني هههههههههههه كنت حاطة جيلكم ماكان ماكان ههههههههه ضهرتو حرات تاع الصح؛ راني نتأسّف و نتحسّر لأنو أنس ولدي مازال صغيييييييييير و إلا راني خطبتلو واحدة منكم ههههههههههه بسلامتو من صغرو يحب الماكلة يؤبرني أنّوسي هههههههههههه لازملو واحدة حرة و لهلوبة كيما سوسو و فيفي ههههههههههههههه.
أم لجين زارتنا البركة؛ صح رمضانك و كل عام و أنتي بخير؛ طاولتك تشهي و النوارة تاع التمر تهبّل هههههههه ربي يحفظلك وليداتك و تشوفيهم كما تحبي و أكثر.