هل أطلب الطلاق؟

[مشكلتي]

السلام عليكم انا ابلغ من العمر 25 سنة وتزوجت في اوت يعني عندي 4 اشهر فقط زواج، المشكلة اني اكتشفت زوجي يشاهد افلام اباحية لكن الافلام الخاصة بالشواذ وبين الرجال فقط اسمحولي على هذا الكلام ومرة شفت في الفايسبوم يتحدث مع رجال في مواضيع مخلة بالحياد ويبث صور خاصة بيه والمشكلة مش صورة وجهو وانما صور اخرى (نتمنى تكونو فهمتوني) وكي واجهتو طلب السماح وحلف ميزيدش يهدر معاهم وبعدهت بشهر تقريبا زاد رجع للعادة تاعو بصح يتفرج فقط ميحكيش والحاجة هاذي خلاتني نكرهو ونفقد الثقة فيه ديما موسوسه من جهتو حتى الدعاد مقدرتش ندعيلو من كرهي الشديد له، حتى في شهري الاوا كعروس ضربني زوج خطرا المرة الاولى كي قتلو منحبش نروح لداركم نحب نقعد في داري خاطر كل عشية يهبطني لدارهم يعني متمتعتش خلاص
والمشكل الثاني هي امو عندها المفتاح تاع داري قتلو متصلحش تعطيها المفتاح وانا مش راضية قالي هاذي يما ومنقولها ويغيضها الحال، وزيد وليت ندعي ربي منهزش بلكرش وظهر عندي كيست مبغيتش نداوي ورحت للطبيبة شرالي الدوا بصح محبيتش ناكلو خفت نحمل ونطلق وصلت لدرجة نخمم في الطلاق ليل ونهار نخاف نظلمو نخاف نطلق ونندم اعطوني حل ربي يستركم

[katiya]

اختي حالة تاعك صعيبة مايحس بجمرة غير لعفس فوقها وكاين امور تقدري تصبري عليهم وتتجاوزي لكن مانضنش هد حاجة تقدري تصبري عليها حاولي احكمي عليه بروف وخليه عندك واعلمي العايلة تاعك بالمشكل واذا ثبت الامر انه شاذ الطلاق احسن حل وربي يعوضك

[مراد سابقا10]

انت مذكرتيش علاقتك بيه كيفاش عادية ام لا ؟؟؟؟؟؟

المهم اصبري عليه قليلا مكانش اطلبي الطلاق بدون تردد يعود يقدر الله يجيبلك السيدا او

مرض جنسي خطير .

[الرأي الاخر]

احذروا تخريب البيوت بنصائحكم

[نورسين.داية]

السلام عليكم

عزيزتي العرف هو قانون أسسه أناس عاديين و كسر القواعد العرفية نشاهده يوميا ........................ لو عرفنا الطلاق هو عبارة عن مشروع لم يكتب له الله عز وجل النجاح ....

بمعنى لا تحصري نفسك تحت مظلة عبارة مطلقة لأن هذه العبارة تكتب على ورقة لدى مصالح الحالة المدنية دون سواها و لا علاقة لها بإسمك الذي هو ممكن أسماء أو خنفوسة او ناموسة .
المهم


يجب أن تبحثي في عن أصل المشكلة لأن المشروع يستحق المثابرة للتواصل شريطة أن تكون معطياته الأصلية موجودة ، مثال لا يؤمن بروح مسؤولية إنسانة ترافقه و لا إبن سوف ينجبه أو عائلة هنا .........سمحيلي أنا شخصيا لن أتوانى دقيقة واحدة في التفكير لفض العلاقة .

ميول الزوج شاد و هو ميول مثلي 100/100 ............عمليا وواقعيا ما أدراكي أنه يخصص لذلك ساعات من النهار التي هو غائب عنكي فيها ؟؟؟؟؟

بالتالي الرواية غير دقيقة التفاصيل .

الوازع الديني مفقود تماما .....تلاحظين أن تلك الوالدة التي ربته على حقها في ملكية مفتاح المنزل نسيت أن تربيه تربية دينية .....(و لو أن مفتاح المنزل ليس مشكلة ...المهم كل إنسان يعرف حدوده ...........تذكري من توفي بإختناق الغاز .....)

لا أستطيع أن أقول تمسكي أو فضي العلاقة لكن يجب أن تستشيري و تبحثي بنفسك عن أبعاد التصرف و قابلية الطرف الثاني لتصحيح الوضع .

يمتنع ثم يعود ............أمر نسبي و إذا المدة تتجاوز السنة سمحيلي ...........ربي سهل عليه الى الجحيم ....الله لا يردو......

بالتوفيق عزيزتي

[Rofrof]

الاخت الهربة تسلك
ماتشوفيش موراك وقولي لداركم وش كاين
ماتزيديش معاه نهار.
ربي يخلف عليك ماخير

والله المستعان ربي يعافينا.

حكاية يماه ماتهمش وماتجبديهاش لاداعي، مشكلتك هو ميولاتو الجنسية، وعملتي مليح كي ماداويتيش، بالاكي ترفدي منو احذري احذري
ربي يخلف عليك ان شاء الله وكلي ربي.

[حورية تو]

لديك حلان يا إما يتعالج مما هو فيه أو الطلاق هذا إن كان يفعل هذا الأمر على أرض الواقع فقد ينقل لك عدوة. لا قدر الله*

[قدور بن عاشور]

اتمنى أنك اتخذتي القرار الوحيد الصحيح و هو الفرار من هذا الشاذ،

إذا لم تفعلي بعد فانصحك الآن و انت تقرئين هذا التعليق فري بجلدك الآن و ماتزيديش دقيقة،

كان على والدك السؤال عن هذا الشخص قبل قبوله و لكن المهم الآن هو الفرار منه و لاتلتفتي خلفك.