فكرة وتدبيرة من تجربتيي....شاركينا واحدة

[سهيلة السلفية]

باركك الله

[liza38]

فكرة جميلة عن الصابون شكرا أختاه

[شوشو 11]

السلام عليكم
هدي مدة ما ترفع الموضوع ان شاء الله يرجع كما زمان للفايدة

[محمد التبسي]

bravo bravo bravo

[ام البنتين]

هل جربتم طهي آلتاي في البراس تاع القهوة كنت أظنها خطيرة ولكن جربتها و آلتاي جا هائل خاصة الناس لي يحبو آلتاي خفيف توضعي غيرة آلتاي في المكان المخصص للقهوة بعد ما كنت حطيطي الماء طبعا و من فوق حطي وريقات نعناع و خلي الماء يطلع عادي و شوفي النتيجة بنفسك ،جربي سيدتي و أعطينا رأيك

[شوشو 11]

السلام عليكم

رمضان قرب وان شاء الله تفيدونا بافكاركم

[بعيدة المنال]

حبيبتي شوشو هاني جيت كيما وعدتك ربي يرزقك ويهنيك راه موضوع رائع وأنا من العام الماضي مستفادة منو غير الزمان ينسي
أختي أم البنين البراس يكون جديد وتخصيه للشاي أو هو هو تاع القهوة لأن القهوة تبدل طعم الشاي والعكس صحيح

[تنهنان تي تي]

كي تجي طيبي طاجين زيتون ويكون الزيتون مالح بزاف غليه مع شوية سكر او شمخيه ساعة قبل الاستعمال

كي تكوني تقلي في البطاطا ديري ملعقة خل للزيت فانه يقلل امتصاص الزيت

ادا التصقتلكي الكيكة في المول شمخي فوطة بالماء السخون ولمجي المول فيها باش تتفاعل مع البخار وتنصل بكل سهولة

[شوشو 11]

اهلا وسهلا بالغوالي نورتم وعطرتم الموضوع

اختي بعيدة المنال شككككككككرا لزيارتك ويكفي مرورك وبصمتك هنا
ان شاء الله توالفي تكثري الزيارات اني متاكدة من خبرتك


اختي تنهنان اهلا وسهلا وتشرفنا بمرورك

والف شكر على افكارك رووووووعة روووووووووعة ومنجدة وقت الضيقة

[شوشو 11]

المشاركة الأصلية كتبت بواسطة chouchouta26

استعملي سائل غسيل الأواني لتنظيف سيراميك الحمام فهو يبقيه لماعا على عكس مسحوق الغسيل
و لإزالة الترسبات الناتجة عن الصابون على جدار الحمام حكيها بخليط من الخل و سائل غسيل اللأواني و كيس خميرة كيميائية

يعطيك الصحة اختي
انا ادعم فكرتك وانا مجربتها ونااااااااااجحة
شكرا

المشاركة الأصلية كتبت بواسطة سهيلة السلفية

باركك الله

وفيك البركة وننتظر مرورك مرة اخرى

المشاركة الأصلية كتبت بواسطة ام البنتين

هل جربتم طهي آلتاي في البراس تاع القهوة كنت أظنها خطيرة ولكن جربتها و آلتاي جا هائل خاصة الناس لي يحبو آلتاي خفيف توضعي غيرة آلتاي في المكان المخصص للقهوة بعد ما كنت حطيطي الماء طبعا و من فوق حطي وريقات نعناع و خلي الماء يطلع عادي و شوفي النتيجة بنفسك ،جربي سيدتي و أعطينا رأيك

بارك الله في اختي على التجربة والنصيحة
لكن مجرد راي وليس من التجربة...انه ادا طيبتي التاي فيها ما تعاوديش ترجعيه للقهوة على خاطر القهوة حساسة للروائح الاخرى والعكس للتاي

[شوشو 11]

عندي حل مؤقت للنمل جربت معاه كل الحيل وما جابت نتيجة
لقيت الثقب تاعو بعيد عليا ...حطيتلو في الطريق باتيكس تع الفئران راه اصلا مرسوم فيها نمل ومن تم اختفى وممكن بدل طريقو الى وجهة اخرى

على فكرة لازم المطبخ يكون نقي من السكريات خاصة باش ما يتجمع عليه

[دائمة الحمد]

مرحبا بموضوعك الرائع من جديد شوشو
استفدت منو الكثير السنة الماضية
جيت زائرة فقط كانش ما تفكرت تدابير لي عودة بها

[بعيدة المنال]

مساء الأنوار كيف حال الجميع ان شاء الله فحلات ونحلات
تدبيرتي اليوم خاصة بالعاملات أنا نطبقها من مدة وخرجت علي مليييييح خاصة أن زوجي يرفض تماما الأكل البايت وأضطر الى القيام باكرا لتحضير الغداء وكرهت من ريحة الدوزين خاصة الفورة الأولى تقولشي نتوحم بلا وحم فاهتديت الى هذه الفكرة كحل ووحدة ما تقلي خطر على الصحة الطياب على 5 تاع الصباح هو الخطر
والفكرة هي كل نهاية أسبوع ندوزن كمية كبيرة تاع ساس المرقة الحمراء = اللحم ماشي شرط بزاف قيس وجبة على حساب الظروف أو الزوائد تاع الدجاج ( الرقبة وروس الجنحين والظهر...) دائما نخبيهم وين ما يعودش كاين اللحم نبنن بيهم الماكلة - البصل - الزيت - التوابل -الطماطم - الملح -الثوم .... عادي مرقة حمراء ونقليها مليح على نار هادئة لما تنشف نزيد قيس فنجان ماء ونخليه ينشف ثم نقدر وش محتاجة في ذلك الوقت مع اللحم والباقي من الدوزين نحطو في بورت مونجي ونخليه يبرد ونجمدو وين ما حبيت نطيب فقط نقلي اللحم في قليل من الزيت ( راه كاين في البداية ) ونحط كمية من الدوزين المجمد نكون فكيتلها التجمد من الليل أو نحطها مع الماء العادي ماشي سخون ونغلق والمرق صالح للحبوب الجافة أو الشربات ،الخضر.... وطبعا كين الزيادات البسيطة على حساب كل أكلة أما المراقي البيض نديرهم كي ما نخدمش على 8 بغرضي
نفس العمل مع صلصة الطماطم من أجل السباغيتي أو الماقرون
لي عندها تعليق إيجابي تقولوا وإلا تتكفل تطيبلي الغدا

[oum radja]

السلام عليكم مزيا رجعتو الموضوع
عندي تدبيرة مليحة لتنضيف اواني تاع اينوكس مهما كانت متسخة كيما البراد تاع لاتاي ولا القدور و الطواجين
جيبو بسينة فيها الحاجة لي بغيتو تنقوها وديرو معاها الصابون تاع الماشينة نصف كاس يكفي وديرو عليه الما مغلي
خلوه مدة ومن بعد اغسلو هاذاك الماعون عادي بصابون تاع المواعين وشللوه مليح ورايحين تشوفو الفرق
انا عن نفسي نخليهم يباتو في هاذاك الصابون و الما حامي وغدة من ذاك نحكهم شوية برك ونشللهم والله العظيم النتيجةرايحة تفرحكم

[أم مبين]

الله يبارك موضوع رائع