موضوع مميز ورشة الصدر الأزرق

amira79 · 2012-12-18, 14:56

البسملة1

و بدايـــة هذه تذكرة بدروسنـا السّابقة

/فن الكوشي بــأنامل حرائر الجزائــر {{ورشة قفّـازات}}
و هنا كان نِتاج عملكن
www.djelfa.info/vb/showthread.php?t=1140950

فن الكروشي بــأنامل حرائر الجزائــر {{ ورشة المفرش }}

بـ إشراف الجميلة ليلى
و في هذه الصّفحة جُمعت إبداعاتكن المميّزة
www.djelfa.info/vb/showthread.php?t=1146708

فن الكروشيه بأنامل حرائر الجزائر" ((ورشة صوكات و اكسسوار للشعر ))
تحت إشراف المُتألقة أميرة19
و هنا جمعت مشرفتنا الغالية -فيفي-
أعمالكن الإبداعية
www.djelfa.info/vb/showthread.php?t=1151196

فن الكروشيه بأنامل حرائر الجزائر" (( ورشة الصدر الوردي ))
بـ إشراف أميرة اللّمة المُتألقة دوماأميرة79

فن الكروشيه بأنامل حرائر الجزائر" (( ورشة علاقات العنب))
تحت إشراف أستاذتنا و معلمتنا الحنون
كرونـــو
وهنا كان موضوع اعمالكن
https://www.djelfa.info/vb/showthread...9#post12386839

هنا كانت ورشة القبعة والشال الرجالي للاخت ندية الجوري
https://www.djelfa.info/vb/showthread.php?t=1161658

صورة مقربة للغرز

خيط بلون واحد

مقاس صغير

تقسيم مختلف للألوان

لون واحد و بدون عقاش

أكثر لون أعجبني

اللوازم .....يلزملو 04 كبات خيط .........كل 02 من لون و ممكن لون واحد كل وحدة و دوقها اكيييد انا راح نستعمل خيط وردي مع خيط الأصيل تاع المفارش + 07 زراير تاع العقاش الفضي + 02 متر تاع الحاشية للتزيين اختياري انا ما درتهاش + وردة صغيرة للتزيين ......

*** أبدأ بالقياسات تبعو معايا مليح

بالنسبة للبنات الصغيرات كنت خدمت لبنت أختي عمرها 5 سنوات درت سلسلة تاع 280

بالنسبة للكبيرات انا ليا درت 350 سلسلة مع العلم اني سميمنة ههههههههههه.......كي تبداو السلسلة قيسو على كاش قندورة عندكوم قبل ما تغلقوها.

حاجة الأولى لي نديروها ندخلو العقاش في الخيط و بعدها نخدمو العدد المناسب من السلسلة

كي نكمل السلسلة المطلوبة نزيد 3 سلسلة كأول عمود +1 عمود ......... في نفس المكان

و العمود الثالث و في نفس المكان ايضا .............اي 3 اعمدة في نفس المكان

لي يجي فيه العقاش تبعو مليح

نبداه عادي نلف الخيط على الكروشي و نسحب المرة الأولى .........

.هنا نسحب حبة تاع العقاش حتى عند الكروشي

و نحطوها وراء الكروشي كما في الصورة

و نسحبو الخيط...........نزيدو نسحبو العقاشة الى أمامنا باليد ............. و نكملو العمود كي العادة تصبح لدينا الصورة التالية

و نكملو العمل كالتالي

2 عمود عادي + عمود فيه العقاشة + 3 سلسلة و نترك في الاسفل 1 سلسلة و نخدمو في الثانية + عمود فيه العقاشة + 2 عمود عادي + 3 سلسلة .............و يتكرر العمل الى اخر السلسلة

هنا انتبهو مليح ...... كي نكملو هاد المرحلة نساويو الصدر قبل ما ننتقلو للسطر التالي باه ما يجيش معوج لازم يجي على وجه واحد راهو صعيب شوية اخدمو غير بالعقل

يولي عندنا هاد الشكل

صورة مقربة

للانتقال للسطر التالي ندير 3 سلسلة بعدما سوينا الصدر طبعا و نخدمو 2 عمود في الفراغ تاع 3 سلسلة كما في الصورة + عمود فيه العقاش + 3 سلسلة + عمود تاع العقاش +2 عمود عادي

kakpop · 2012-12-18, 15:01

تسلمي على كل المجهودات المبذولة و جعلها لله في ميزان حسناتك
موفقة في الدورة

amira79 · 2012-12-18, 15:03

بقية الدرس...............

و بنفس الطريقة ننتقلو للسطر 3

بعد 3 اسطر نقطع الخيط و نخدم 4 اسطر وردي

نرجع للابيض و نخدم 4 اسطر ايضا

نعمل 5 سلاسل بين الاعمدة كما في الصورة الى اخر الصدر و هو مكان الحاشية

نجيو للفراغات تاع 5 سلاسل نخدمو فيه 8 اعمدة + 1 سلسلة + منزلقة في الفراغ التالي + 1 سلسة و نعيد 8 اعمدة في الفراغ التالي

اي فراغ فيه الاعمدة و لي موراه فيه منزلقة ...................و لي تحب دير العقاش تخدم 4 و دير عقاشة و تكمل 4 اعمدة الباقيين

نرجعو للجهة العليا للصدر نديرو 2 سلسلة بين كل عمودين و من الاسفل نخلو فراغ و نخدمو فراغ .......انا هاد السطر ما خدمتوش ما حبيتش يجي فيه الحاشية من الفوق

خدمت مباشرة 4 اعمدة في الفراغ الاول + منزلقة في الفراغ التالي حتى يخلاص السطر

هاهو الصدراكتمل

بصحتكم يا البنات

حنين الوطن · 2012-12-18, 15:06

ان شاء الله راني معاك في الورشه
ربي يوفقك و يحققلك ما تتمني يا رب

معليش تحطي صوره الصدر الازرق بعد اذنك

aminetiti119 · 2012-12-18, 15:07

واععععععععع بزال كملتش الوردي و هذا لزرق عجبني بزاف لازم نخدمو استاذة هذا يتخدم بلكتون برلي
جزاك الله الجنة

amira79 · 2012-12-18, 15:10

دوك نحط اللوازم

فرحة العمر · 2012-12-18, 15:30

وبإذن الله نطبق

amira79 · 2012-12-18, 15:40

أريد الكل يطبق ولا نزعف هههههههههههه

الاصيلة الخياطة · 2012-12-18, 15:41

ان شاء الله ربي يوفقك ويعطيك كيما يحب قلبك مشكووورة على المجهودات

amira79 · 2012-12-18, 15:47

العفو حبيباتي انا في الخدمة

zofa · 2012-12-18, 15:57

سما استاذة حبا ترديني نحب الصدورة بسيف ......... راكي نجحتي..... بلاك نخدم معاكم ان شاء الله

amira79 · 2012-12-18, 16:00

اقتباس:

المشاركة الأصلية كتبت بواسطة zofa

سما استاذة حبا ترديني نحب الصدورة بسيف ......... راكي نجحتي..... بلاك نخدم معاكم ان شاء الله

و المشكل وين راه ...........تتعلمي تلبسي من صنعة يديك

zofa · 2012-12-18, 16:15

لالا ماشي هاك انا كنت قلتلك كنت نحب نخدم غي هاداك الشكيل الصغير كي نشوف صدر و لا حاجة كبيرة نحب نتغاشى نقول 10 سنين و ما نكملهش مي نتي الله يعطيك الصحة غيرتيي النظرة تاعي بارك الله فيك

amira79 · 2012-12-18, 16:22

حاجة مليحة كي غيرتي النظرة تاعك .............زيدي شوية كوراج و ابداي معانا

zofa · 2012-12-18, 16:32

و ان شاء الله غدا نكون معاك الا ربي كتب