مشكلتي لا استطيع البوح بها

[مشكلتي]

السلام عليكم ورحمة الله وبركاته

مشكلتي هي اني اسكن وحدي وزوجي يسافر كثيرا بحكم عمله و انا لااشعر بالاستقرار بين بيتي و بيت اهلي و لايمكنني البقاء لوحدي في البيت وليس لدي من يبقى معي لانني اسكن فوق اهل زوجي لكن ليس لديه بنات و انى اخاف وحدي خاصة في الليل
و المشكل الاكبر من هذا انني اشعر ان اهلي لا يحبون زيارتي المتكررة لهم و ابي يتصل بي و يقول لي ابقاي في دارك بنتك صغيرة (عام و نصف) باه ماتمرضش اشعر انني ثقيلة عليم ولااريد الذهاب لكن ماذا افعل ان سألني زوجي ?? فأنا لا استطيع ان اقول له هذا الكلام لكي لا يستعمله ضدي في يوم من الايام و يقول لي داركم كذا و كذا :::::::
عاونوني ولو بنصيحة و قولولي ماذا افعل و جزاكم الله خيرا

[yassmina93]

ابقاي في دارك حبيبتي و حاولي تشغلي وقتك بالعبادات و الادكار و المطالعة و الطبخ او الخياطة ادا كنتي تحبيها و زيد راهي بنتك معاك ماركيش وحدك
ربي معاك حبيبتي هادو غير وساوس الشيطان

[الطيب الجزائري34]

انت في نعمة لا تحسين بها . .. . . يتمناها من يسكن في وسط عائلي مشحون بالخلافات و التفاهات المنخصة للحياة .
ما عليك الا ان تملئي وقتك بالاشياء الجميلة . قراءة القران . مطالعة . ممارسة هواية . اما عائلتك تريد منك ان تعطي الاهمية لبيتك لانه هو مستقبلك.

[طيور الجنان]

اختي حاولي تبقاي في بيتك و قولي لعجوزتك و لا اخواتك يجيو يباتو معاك حتى تتعودي و تقدري تباتي وحدك. و لا قولي لراجلك اذا يقدر يديك معاه بحجة انك وبنتك تتوحشوه.

[خوخة40]

اولا حاااااااااااااااادري تقولي لزوجك باحساسك اللي يخص اهلك -- الزمان دوار

اما خوفك فلا مبرر له حسب المنشور

الا ادا كان هناك اشياء اخرى لم تعلني عنها

راكي في دارك و الحمد لله و على عين اهل زوجك في نعمة قليل اللي يتمتع بيها

[منير265]

أكتري الاستغفار و الاذكار فالوحدة موحشة حقاا
جاولي استغلال فراغك في هواية معينة ... مادام اتشرت قنوات الخاصة بالنساء و عندك انترنت حاولي تبدعي في هوايى لملء الفراغ و تقربي من العزيز الحكيم أكتر صلي الفجر صباحا في وقته مع بعدها القران فان قران الفجر كان مشهودا تصيرين في ذمة الله حتى بعد العصر ولا يمسسك ملل أبدااا و لا تنسي الاكتار من الصلاة على المختار و السلام عليكم
وفقك الله لما يحبه و يرضاه

[sarl02]

مجرد احساس بالوحدة القاتلة يختلجك ليس الا ....حاولي تتاقلمي مع وضعك الجديد ووفقك الله.

[AMINA.Z]

ستتعودين مع الوقت
لكني استغرب كيف لاهلك ان يرفضوك بعدما انجبوك و ربوك .... الله غريب
ربي يفرج عليك

[أم سلوى]

حاولي ان تكوني قوية وليس خوافة...اجعلي ونيسك بنتك الله يحفظهالك زهي كبيرة ما شاء الله...تقدر تتكلم وتنسيك وكي ترقد ارقدي...

[عثمان الجزائري.]

الحل زوجة ثانية كي تحسي بالأمان أعرف أن هذا مستحيل لذا أنا أمزح فقط، أليس لكي أخوات يبيتون معك أحيانا...حاولي ترك التلفاز مشتغلا مع أنه لا يوجد ما يخيف....و مكالمة أبوك فيها الصواب البنت في هذا العمر تحتاج للراحة التامة خصوصا الجو....لذا أنت لا تسببين لهم قلقا أبدا...و حتى أهل الزوج قد لا يعجبهم كثرة الدخول و الخروج...

[biologie2001]

اختي مادامك تسكنين فوق اهل زوجك لم الدهاب الى بيت اهلك .... انت في حماية اهله

[أنور]

مثلما قال الاخوة ، ابقي في دارك ومع مرور الوقت ستتأقلمين ، ومزية راك قريبة من الوسط العائلي ،بالتوفيق

[melissa lola]

تحججي قوليلو بنتي راهي تمرض كي نروح لدارنا الحس بزاف عليها وحاولي تتاقلمي مع طبيعة عمل زوجك

[سرور يخلف]

و الله يا اختي انت في نعمة بزاف يتمناوها
حاولي تعمري وقتك تعلمي حرف متلا هدا المنتدى يعلمو فيه بزاف حاجات كروشي اشغال يديوية و غيرها اتعلمي و عدي بها اوقات فراغك

[صباحات]

ادا راكي حابة نتبادلو ..............انا نحمد ربي كي نبقا وحدي يا لوكان ساعة...........راكي في نعمة ..ندبر عليك عمري الدار دراري