|
في حال وجود أي مواضيع أو ردود مُخالفة من قبل الأعضاء، يُرجى الإبلاغ عنها فورًا باستخدام أيقونة ( تقرير عن مشاركة سيئة )، و الموجودة أسفل كل مشاركة .
آخر المواضيع |
|
||¬ سلسلة صحة العيون الحلـــ _03_ ـــــقـة ¬|| العدسات اللاصقة نعمة ام نقمة على مستخدمها؟
|
أدوات الموضوع | انواع عرض الموضوع |
2016-07-05, 00:45 | رقم المشاركة : 31 | |||||
|
اقتباس:
صح فطوركم اخي حسام + لا بالعكس راكم تعاونوني بزاف باش نتفكر لي كنت ناسياتو ونثبت لي راني عارفاتو ونتعلم لي معنعرفوش ونحوس عليه يعطيكم الصحة ربي يقدرنا ونقدرو نجاوبوكم + الله يبارك مزال ملحقتش لل 25 مزال قدامك الوقت انا رايي سوييفي حتى هذاك العمر وشوف اذا لقيتها ستابيليسزات دير العملية ملاحظة فقط 25 هو السن الاقصى للثبات تقدر تستبيليزي روحها قبل هذا السن خاصة وانك دذير الكوراكسيون تاعك بانتظام + شوف اخي الغلطة لي يديروها ليزوبتيسيان سيكو ميتابعوش الجديد ومايروحوش يشوفو ليصالون دوبتيك راهي اوكازيون باش يتلاقاو ليفورنيسار ويشوفو ليمارك الجدد ويسقسيوهم على الجديد باش يعرفو الاحسن راهم يجيونا حتى من تونس والمانيا وفرنسا ربي يهديهم شوف اخي حنا في سطيف كاينة مارك اخرى اسمها سوفلاكس احسن بكثير من كورنيليا هي مخدومة في البرج ولاماتيار تاعها يجيبوها من فرنسا كاين ليلونتي لي يتبدلو كل شهر وكان كل 15 يوم في مينيكون مارك مليحة بزاف مي غالية شوية كاين ايضا بوشيلومب فيها ثاني تاع كل يوم وتاع شهر فيها بزاف هذو شوية غاليين مي تستراحو فيهم سيرتو انت اخي حسام عندك جفاف في العين يعاونوك + السوليسون ثاني اخي لازم يبقا ديما مقفول وميتعرضش للشمس وتوله لدات تاعو عندو اجال صلاحية محددة + جربو مش رايح تندم شوية غالي مي مليح + شكرا على لادراس انا نسمع بمهني رضا ثما + شوف اخي icl راهو نوع من لامبلون كاين بزاف لارتيزون وستار وغيرهم شخصيا معلاباليش وشا يخرج انت عليك راهي فيها حسابات اخي تحدد وشا يخرج عليك + الدكتور حموش مليح مي مهوش الاحسن في الجزائر العاصمة كاينة كلينيك ديار السعادة واكاينة كلينيك ابن الهيثم ما شاء الله اصبرني نسقسيلك يديروه او لاك نولهكم لحاجة الاطباء تاع العينين راهم عندهم تخصصات لذلك مرات الناس يقولولك هذاك الطبيب مليح واحدي يقولولك لالا وانت تستراح عند واحد بلاك واحد اخر لالا لانو ببساطة كل واحد عندو مشكلة في عينو ومش كيفكيف لذلك اخي خليني نسقسيلك مليح على لي يديرو الزرع ونقلك شكون الاحسن + السعر والله معلابالي مي نسقسيلك وي علابالي هذاك هو المشكل مزال مديماريناش حياتنا قولي وشا راك تقرا اخي لازمك دير حصالة ههه امزح + اصبرني بعد العيد نديرلك تقرعيجة عليهم كامل ونخبر اخي ويناه لمليح والاسعار + ياخي الليزك راهو مش قضية نقصك واحد ولا اثنين ولا 10 من عينك القضية هو الريسك تاع الليزر على القرنية كيما تعرف عين الميوبيك جاية كبيرة وبالتالي تتوسع معاها الاعضاء تاع العين وتولي مش سميكة وفراجيل يعني هو ميصلحلكمش لانو القرنية تاعهم رقيقة بزاف وكون يبداو يديرو ليزك تتعرض لثقب او مشكل يفقدها البصر فهمت علاش يمنعوكم منها راهي عندها شروطها وانت شخصيا ممنوعة عليك لانو الميوبي تاعك تاثر على سمك القرنية تاعك فهمت اخي + وي الرسول صلى الله عليه وسلم سماهم الحبيبتين عندك حق + اي سوال اخر تفضل بيه اخي راني في الخدمة
|
|||||
2016-07-05, 04:09 | رقم المشاركة : 32 | |||
|
salam w 3alikom okht "" 3ala rassif l2amal "" saha ftourek w rabi ychafilek lwalida w t9oum bslama |
|||
2016-07-05, 14:18 | رقم المشاركة : 33 | ||||
|
اقتباس:
ناديني سطايفية فقط باش متكتبش اسم العضوية كامل اصدقائي كامل في المنتدى يعيطولي السطايفية + امين يارب شكرا + خبر مليح انو ستبيليزات روحها + والله كنت حاطاتك دومان سيونتيفيك بيولوجي ولا حاجة اخرى لانو عندك بزاف ديموسيونتيفيك خاصة تاع العين ربي يعاونك اخي هههه وي راني شايفة يالله نافيقي كاش تجارة وربح سريع باش دير العملية ههه امزح قرايتك اولا علاه كاينة سيونس كوميرسيال في غيليزان كنت حخاطة يبعثوكم ولاية اخرى + وي امهلني يامات باش نجمعلك معلومات + لا اخي منسيبورتيش الفايسبوك معنديش كونت تلقاني غير هنا في الجلفة هو الوحيد لي راني مشاركة فيه من المنتديات اعتذر + امين اي سوال اخر تفضل بيه بيناما نقرعجلك صح فطوركم وصح عيدكم |
||||
2016-07-05, 16:30 | رقم المشاركة : 34 | |||
|
hhhhh alors salam w 3alikom stayfa |
|||
2016-07-05, 18:59 | رقم المشاركة : 35 | ||||
|
اقتباس:
a h bon kont hatatha jami3a sghira bark je pense hia markaz jami3i mouch jami3a + oui medcine à oran je connue plusieurs étudiantes yakraw sciences médicales + c bien oran jami3a kbira wm3tarfine biha malgré kaynin des spicialités medyine ghir chi3a tama donc tu est étudiant à belgayed bon chance mon frère + aya mlih ghlazna wstayfia ytfahmou + nchallah akhi bark yamat wnkoun jabtlak quelques informations ida 3andak questions khrine rani hna saha ftourkoum |
||||
2016-07-06, 11:48 | رقم المشاركة : 36 | |||
|
مبروك للفائزين لسنة 2015/1436 اختي في الله سطايفية عيد مبارك وسعيد وكل عام وانتي بخير. و مـــــــــبروك عليك جائزة عضوة مميزة و مزيدا من نجاحات وتألق وان شاء الله دائما ناجحة. والى موضوع شكرا على معلومات عدسة وحسب ما عرفت موضوع ادا كانت عدسة طبية لافادة عين كلام لا نقاش فيه وادا كانت عدسة لزينة عين فمهلكة . سلام......... |
|||
2016-07-06, 23:47 | رقم المشاركة : 37 | ||||
|
اهلا اخي ايمن اقتباس:
|
||||
2016-07-06, 23:56 | رقم المشاركة : 38 | ||||
|
اقتباس:
|
||||
2016-07-07, 00:17 | رقم المشاركة : 39 | ||||
|
اقتباس:
رانا هنا ونتعلمو لهجات جظائينا الحبيبة ونعلموها باذن الله شكرا لانك محيتها صح عيدك اخي |
||||
2016-07-08, 22:33 | رقم المشاركة : 40 | |||
|
اخي حسام خليت رد في الموضوع الثاني تاع خونا كريم |
|||
2016-07-12, 17:45 | رقم المشاركة : 41 | |||
|
d'ac stayfia
|
|||
2016-08-07, 15:32 | رقم المشاركة : 42 | ||||
|
اقتباس:
موضوعك جا في وقته راح نحكيلك مشكلتي واتمنى من عييكش بطول موضوعي المشكلة تاعي هي كاتالي اولا انا عندي 32 سنة وعندي نقص نظر واستجماتيزم في نفس الوقت البارح فقط رحت عند ophtalmologue تاعي للفحص الدوري الي نديرو كل سنة في سنة 2010 الطبيب في البليدة قالي بلي المفروض نظري مستقر وكان -3.25 للعين اليمنى و-3.75 للعين اليسرى وبعد سنة اي سنة 2011 لطبيب اخر في الحراش قالي تاني بلي الطبيب تاع 2010 اعطاك نظارات توالمك وكملي غير بيهم يعني ما غيرتهمش سنة 2012 وليت لطبيب تاع الحراش وقالي كاين تعيير طفيف في عينيك وغيرلي النظارات من -3.25 لليمنى الى -3.75 ومن -3.75 للعين البسرى الى -4 وبقيت ندير الفحوصات كل سنة 2013 2014 2015 وكنت محافظة على النظارات توعي البارح اي فحص 2016 تقولي الطبيبة بلي تبدلي النواظر وبلي نظري توحل من -.3.75 للعين اليمنى الى -4.50 ومن -4 الى -4.50 والاستجماتيزم بقا هو هو طيلة السنوات وهو على التوالي -1.25 .....120 درجة للعين اليمنى و -1.25-----60 درجة للعين اليسرى مافهمت والووووووووووو عينيا راهم ينقصو كل ثلاث سنوات ولا وشنواااا وانا اصلا كنت حابة ندير لازيك قالتلي بلي نشوفوك منا على ثلاث سنوات اذا استقر نظرك تقدري ديري لازيك ممبعد خغت وقلت نلجأ للعدسات اي ماركة تنصحيني بيها عييت من النظارات كرهت مليييييييييييييييييت منهم راهم رجال ويلقاو التاويل فمابالك انا فتاة علما انو في شهر افريل وماي اصاب بحساسية موسمية من حبوب الطلع افيديني بارك الله فيك |
||||
2016-08-10, 23:27 | رقم المشاركة : 43 | ||||
|
اقتباس:
راكي تقولي راكي 32 سنة كاش مابقا للستابيليزاسيون نورمالمون راكي سيبون لاميبوبي تستابيليزي روحها في 25سنة فما فوق وانت سيبون راي في الثاثينيات هذي الطبيبة راكي سير منها وزيد الليزك يندار في عمرك نورمال اذ استوفى شروطو + قوليلي عندك الما في عينيك او لا + الزجاج لي ركباتولك شفتي بيه احسن او لقديم احسن + شوفي اختي انا نشك في ثلاث احتمالات بما اني معلاباليش اقزاكت واش عندك اما الطبيبة مهيش كاليفييي وقاعدة تخرط او احتمال عندك الما في عينيك لانو ينقص الشوفة وان كنت استبعده لانك مزلتي صغيرة قوليلي عندك تراتمون فيه ليكورتيكيويد او لا او الاطباء الاخرين ممدولكش الاكوراكسيون كاملة وهي عطاتهالك نصيحتي شوفي طبيب اخر وبما انك في العاصمة رايحة نوجه لكلينيك ابن الهيثم في الابيار هوما نوثق في كلامهم وهم احسن الاطباء عدنا وهوما ايضا مركز متخصص في العدسات رايحين يوجهوك لاحسن ماركة واحسن نوع لعينك وعندهم ليراديو وكلش نصيحتي ليك متترديش تروحي ليهم باش تطمني على عينيك شخصيا رني نرسلهم من سطيف لثما وانت راكي قريبة ثما ربي يشافيك تفضلي رقم الهاتف تاعهم احكمي رونديفو العنوان الكامل هو 4 شارع شريف طيبة شريف شاطوناف الابيار امام مسجد الفرقان 021.79.19.39 021.9278.72 EMAIL: contact @ ibnalhaythem .com ركبيها في بعضاها طمنيني عليك لما تزوريهم واي سوال اخر انا تحت تصرفك + بخصوص نوع العدسات والحساسية لي عندك راهو طور المجال وكاينين عدسات يوالموك فقط زوري الطبيب ويرحمها ربي |
||||
2016-08-11, 10:13 | رقم المشاركة : 44 | ||||
|
اقتباس:
راح ندير بنصيحتك ونغير العيادة الي راكي تقولي عليها ونشوف بيناتنا اختي تخلطولي كامل لحسابات كنت عقدت العزم على الليزك لانو كرهت من النظارات وممبعد فشلتني الطبيبة لانو قالتلي مازال نظري ما تسقمش ونستنا ثلاث سنوات وخفت من الليزك ----سؤال اخير ... اريد معلومات على العدسات اليومية الي نديرها يوم ونحيها وسمعت بماركة accuvue من jhonson and jhonson بصح مالقيتش هنا في الجزائر وكي حبيت نشري من النت قالك ماكاش توصيل للجزائر يا اختي تعيشي هل عندك فكرة او معلومات او نصايح وين نلقاهم واكون لكي شاكرة لانو مارانيش حابة العدسات السنوية الان الجواب على اسئلتك ..... قوليلي عندك الما في عينيك او لا لالا ما عنديش الما في عينيا الزجاج لي ركباتولك شفتي بيه احسن او لقديم احسن تقدري تقولي الجديد احسن بدرجة صغيرة جداااااا كاين حروف ما شفتهمش قالتلي بلي هادي اقصى درجة تصحيح لكي قوليلي عندك تراتمون فيه ليكورتيكيويد او لا ايه عندي تراتمو فيه كورتكوييد فعلا ومؤخرااا نشربو بزاف كومبريمي وبخاخ للانف .... بصح واش علاقة الكورتكوييد بالموضوع ممكن تفهميني شكرااا لكي يا اختي والله فرحني ردك وراني نستناااا ردك |
||||
2016-08-11, 22:23 | رقم المشاركة : 45 | ||||
|
اقتباس:
+ العيادة لي بعثتك ليها ماش ءالله كفئ هوما يحدولك اكزاكت وشا كاين واذا كنتي حابة ديري ليلونتي تلقاي عندهم كل الانواع واذا كنتي حابة ديري ليزك ولقاو بلي يوالكم رايحين يوجهوك باش ديريه لانو هوما ميديروهش كاينة كلينيك ديار السعادة مليحة ودير ليزك مبدئيا زوري هذي قبل ومن بعد ساهل الحال + وي النظارات يعيو شوية خاصة النسا يكرهو منهم ديري عدسات مبين يقرو يديرولك الليزك او لا + هذي الماركة امريكية وفعلا مليحة بزاف بصح منخدموهاش في الجزائر حنا نتعاملو مع ماركات اخرى كاين جوتابل وكاين تاع كل 15 يوم وكاين تاع شهر وكاين لي تندار في اللي وتتنحى الصباح وتبقاي نهار كامل بلا بيهم كي تروحي للكلينيك يقتارحو عليك الافصل لك في الجزائر نتعاملو مع بوشيلومب وبريسيلانس + الحمد لله انو معندكش الما وكنت من الاول نستبعد ذلك والكورتيكيويد قصدت تاع العين ومراكيش ديري فيه مرات ياثر في الشوفة هذا مكان اذا مكان حتى مشكل والحمد لله يبقالك مشكلة لاميوبي ثما يشوفوهالك وباذن الله تخرجي راضية من عندهم لانو مهيش كبيرة عندك ربي يفرحك انش اءلله لما تخرجي راضية بعدسات او ليزك واي سوال اخر راني في خدمتك تحياتي اختي |
||||
الكلمات الدلالية (Tags) |
العدسات اللاصقة |
|
|
المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية
Powered by vBulletin .Copyright آ© 2018 vBulletin Solutions, Inc