royal

fella food art · 2013-07-26, 16:29

السلام واش راكم مع رمضان
شحال من سيدة طلبت مني هادي الوصفة راني لبيت طلبكم اسمحولي طولت عليكم ان شاء الله تعجبكم لانها وصفة منعشة و لديدة جدا مممممممممم ههههههههه راني ندير في la pub

المقادير
*فاكهة مشكلة (لي تكون عندك)
*genoise
*creme chantilly
*crème mousseline
*super creme او معجون
*كيسان تكون شفافة او gobelet
*سيرو هو عبارة عن 1 كيلا سكر+3كيلات ماء يغلي لمدة 10د ثم يضيف له ملعقة صغيرة عطر الفانيلا
*للتزيين مكسرات و فواكه حسب الرغبة

طريقة التحضير

تقطعي الفواكه المتوفرة انا هادا واش كان عندي ;(

هادي سوبغ كريم راهي متوفرة في كل المحلات لي يبيعو دوزان الحلوى بمختلف النكهات سعر تعها 120DA
انا كانت عندي دوق كيوي و كرامال و كرز و لي معندهاش تقدر دير معجون

انا درت في ليGobelet

ديرو ملعقة تع معجون او سوبغ كريم

من بعد شوية لاجينواز تكونو قطعتوها اربا اربا مسكينة :-(

من بعد فرغو فوقها شوية سيرو

من بعد شوية فواكه

من بعد لا crème mousseline

من بعد زيدي شوية لاجينواز من بعد شربيها بالسيرو ثاني

من بعد شوية فاكية

و في الاخير ديري لاcreme chantilly

من بعد زوقوها حسب الدوق

مقادير بسيطة جداااااااا ديرو بيها تحلية لديدة و توالم في سهرات رمضان خليوه تبرد باش جي بنينة كثر
خير من لي تروحو تشريوها من الحوانت فيها غير الديشي

صحة فطوركم