دورة " اللَّهُم بلغنـــــا رمضان 1438 لا فاقدين و لا مفقودين

[ام تينة]

مضى زمن النوم اخوااااااااااااااااااااااااااااااااااااااتي

هذه سقيا شعبان
كانوا قليلا من الليل ما يهجعون


.
عَنْ عَبْدِ اللَّهِ بْنِ عَمْرِو بْنِ الْعَاصِ رضي الله عنهما قَالَ : قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ : ( مَنْ قَامَ بِعَشْرِ آيَاتٍ لَمْ يُكْتَبْ مِنْ الْغَافِلِينَ ، وَمَنْ قَامَ بِمِائَةِ آيَةٍ كُتِبَ مِنْ الْقَانِتِينَ ، وَمَنْ قَامَ بِأَلْفِ آيَةٍ كُتِبَ مِنْ الْمُقَنْطِرِينَ ) صححه الألباني في صحيح أبي داود (1264) .

هل تريديييييين ان تكونين من المقنطرييييييييييييييين اي قنطار من الاجر
او كوني من القااانتين
او اضعف الايمان لا تكوني من الغافلين
قومي بركعتين خفيفتين بسورة الناس والكافرون متلا

او اجتهدي اكتر ان كنت من اصحاب الهمم العالية الجزء الثلاثون والتاسع والعشرين الف اية

قيام الليل شرف المؤمن

وقد قاااااال قدوتناااااااااااااااااااااااااااااااااااااااااااا صلى الله عليه وسلم

عليكم بقيام الليل، فإنه دأب الصالحين قبلكم، وقربة إلى الله تعالى، ومنهاة عن الإثم، وتكفير للسيئات

1*4
واحد في اربعة
قيام الليل=داب الصالحين
=قربة الى ربكم
=منهاة عن الاثم
=تكفير للسيئات

[ام تينة]

من تقرر اليوم وتعاااااااااااااااااهد ربها بقااااااااااعدة 1*4
من تريد شرفهااااا وقدرها

الله ربك الرحمان يدعوووووووووووووووووووووووووووووووووووووووك
هل من سائل فاءعطيه

هل من مستغفر فاءغفر له

[رندة.]

اصبحنا واصبح الملك لله والحمد لله، اللهم اعنا على ذكرك وشكرك وحسن عبادتك.
صباح الخيرات والمسرات لكل الفراشات.

[ام متين]

اصبحنا واصبح الملك لله والحمد لله
اللهم اعنا على ذكرك وشكرك وحسن عبادتك
الللهم يسر لنا امورديننا ودنيانا

[الفجر القادم]

اصبحنا و اصبح الملك لله و الحمد لله لا شريك له لا اله الا هو و اليه النشور.
اللهم اعنا على ذكرك و شكرك و حسن عبادتك.
صباح مبارك في هته الايام المباركة في هذا الشهر المبارك.
نسال الله التوفيق للجميع.

[ام تينة]

[ام تينة]

الضحى



لن ينفعك هنااااااااااك احد
الا ما قد قدمت من حسناااااااااااااااااااااااااااااااااات

[ام شمسو محمد]

السلام عليكم ...الانترنت راهي ثقيلة ...و الدخول للمنتدى شبه مستحيل ....كيف الحال فراشات وين وصلتو في التحضيرات

[ام شمسو محمد]

تنظيم الوجبات في رمضان


من اجل كسب الوقت و تقديم خدمة طعام مناسبة لازم تديري تنظيم لوجباتك في رمضان ...حاولي تديري مخطط للوجبات الاسبوعية ..و لما لا منيو لكل الشهر الكريم ..على اساس مخطط الوجبات تقدري ديري لائحة التسوق ...و تعاوني روحك بالتحضير المسبق ..

مخطط الوجبات

تخطيطك للوجبات لازم يراعي كل الاذواق و الرغبات ..و يتضمن خضر و فاكهة الموسم ..يحتوي على تنوع في اللحوم و الاجبان و الاطباق و يكون متوازن بشكل صحي ...يفضل تسجليه و تعلقيه في الثلاجة مثلا ...بناء على مكونات الوجبات راح تكتبي قائمتك للتسوق ..

قائمة التسوق


اكتبي قائمتك حسب الوجبات اللي خططتيلها ...هناك مكونات لازم تشريها بشكل اسبوعي ..الخضر الفواكه الالبان .....الخ ...و هناك مكونات اخرى يمكن تضيفيها كل اسبوع ...ما تنسايش تطلبي من افراد الاسرة يكتبو الحوايج اللي ناقصتهم ..ادوات مدرسية ..جوارب ..ياورت ...ملمع الاحذية ..الخ ..خصصيلهم بلوك نوت مثلا ...هكذا يتعلمو يعتمدو على انفسهم من جهة و من جهة اخرى تحصلي على النظام
المطلوب ..

حضري الوجبات مسبقا

تخطيط الوجبات الرمضانية بشكل اسبوعي مفيد جدا و لكن يمكنك ايضا تخططي لكل وجبات الشهر و هذا افضل ..قيامك بالاعداد المسبق راح يضمن لك اختصار عمليات التقشير و التقطيع و الغسيل التي تليها فضلا على الوقت الثمين و الطاقة اللي تبذليها ....تخصيص صبحة واحدة افضل بكثير من عدة ساعات كل اسبوع في هذي الاعمال

اجمعي الوصفات اللي تقدري تجمديها ...و حضري المكونات تاع هذي الوصفات ....على سبيل المثال ..2 مغارف تاع صوص تومات يكفيو 5 وصفات ...انتي حضري ل 10 وجبات مثلا..كل وصفة اجمعيلها مكوناتها و ابداي في الطهو ...

كي تحضري الاطباق خليهم يبردو ...قسميهم لحصص...حطي الحصص في حاويات مختلفة و اكتبي على كل حاوية تاريخ التجميد و المحتوى و جمديهم ...سواء اخترتي التخطيط الاسبوعي او الشهري حاولي دائما تطبخي بكميات كبيرة و تخبي الاحتياط ..

ربح الوقت و المال


كي طيبي 500غ تاع روز او 2 كيلو يديو نفس الوقت ..نفس الشي بالنسبة لشربة تاع 4 اشخاص او 12 شخص

في رمضان كي تطيبي كثري دوبلي الوصفة و جمدي بفكرة الحصص في اكياس التجميد باش تقدري تستعملي فقط الكمية اللي تحتاجيها اذا لقيتي روحك ماعندكش الوقت ..اذا كان عندك اطفال صغار ايضا تقدري تجمديلهم وجبات متعددة باش مايروحش وقتك كامل في المطبخ ...الكثير من الوجبات راهي تتجمد جيدا خصوصا الشربة مثلا او الحساء ..

التحضير المسبق يسمحلك ايضا بتقليص مرات التسوق ...يمكنك شراءالفاكهة مرة في الاسبوع و الخضر و و منتجات الحليب مرة كل اسبوعين ...بينما السكر والقهوة و منتجات التنظيف و الفرينة ....تشريهم مرة وحدة في الشهر .

[ام شمسو محمد]

تحضيرات رمضانية امنة و اقتصادية و حافظة للوقت


الخبز و القاتو

الخبز و القاتو ييبسو في يومين او ثلاثة حتى اذا حطيتيهم في الثلاجة ...باش تحصلي على اقصى استفادة...جمديهم و كوليهم في وقت لاحق ...

البغرير ...المسمن ....الكريب

سواء درتي كمية كبيرة و بقالتلك ...او حبيتي تحضري لرمضان ...جمديهم منفصلين و اجمعيهم في اكياس التجميد و كي تحبي تتناوليهم اجبديهم و سخنيهم في الميكرووند او الفرن او الطاجين ....ماراحش يفسد طعمهم يبقاو بنان .

الروز

اذا حبيتي تحضري كمية كبيرة من الروز و تحفظيها اطول فترة ممكنة ...انشري الروز بعدما طيبيه و يبرد على ورق الطبخ و حطيه في المجمدة ...و مبعد اجمعيه على شكل حصص قد ما تحتاجي حطيهم في اكياس التجميد ...تقدري تزيديلهم الخضر ...باش تحصلي على وجبة جاهزة للتسخين ( الروز المقلي )..

الفطائر Les tartes

..سواء بالتفاح او الفراولة او التوت ...ماكيش مضطرة تستناي موسم الحصاد ...بفضل المجمدة تقدري تحصلي على فطائر بهذي الفواكه طيلة السنة

بعدما طيبي لاتاغت و تبرد حطيها في المجمدة ...في كيس التجميد .....كي تحبو تتناولوها رجعيها للفرن في درجة الحرارة 90 لمدة دقائق قبل التقديم

الذرة ...الكبال... الماييس Le maïs

تقدري تحتفظي بالذرة من اجل السلطات ...المهم تخلي الذرة في الكوز تاعها و احتفظيلهم جيدا بالاوراق اللي تغلف الحبات ..هوما اللي يعزلو كوز الذرة و يحميوه ...

الطماطم

الطماطم تحتوي على الكثير من المياه ...لذلك افضل من انك تحطي الحبات كاملة في المجمدة ...انك تجففيها قبل ما تجمديها ....قطعي الحبات على 2 طيبيها في الفرن على 100 درجة ..مع شوية ثوم مرحي و اعشاب عطرية (كسبر ...معدنوس ....) و شوية زيت زيتون ..

كي تبرد حطيها في المجمدة ...تقدري تستعمليها في السلطات او مع المعجنات او كل التحضيرات اللي تستعمل الطماطم .

Les pâtes المقرونة و السباغيتي ...

اذا حبيتي تجمديهم لرمضان او من اجل الاطفال او احيانا ما نقدروش نقدرو الكميات بدقة و تفضل لنا ... برديهم بعدما طيبيهم و حطيهم في المجمدة.....قسميهم لحصص كافية باش مايفسدوش و تقدري تقدّري حاجتكم... ضعيهم في اكياس فرغيها جيدا من الهواء و حاولي تسطحي الكمية في الكيس باش تجمد مليح ...كي تحبي تقدميهم ...املاي الحوض بالمياه الحارة و اغلقيه و حطي فيه اكياس المعجنات ..لانها تذوب في حمام مائي ساخن ..

الفرينة و الحبوب

كيما الفريك ...المرمز ..اذا خفتي عليهم من السوسة و كنتي راح تحتفظي بيهم مدة طويلة حطيهم في المجمدة ما يروحلهم والو ...فرقيهم في اكياس منفصلة باش ما يتكثفوش ..

الهريس La purée

تقدري تجمدي لابيري فقط بالطريقة التالية ....شكليها على شكل كويرات صغيرة باستعمال ملعقة المثلجات ..انشريهم على
papier sulfurisé و حطيها في المجمدة..هذي الطريقة تسمحلك كذلك بتقدير احتياجك بدقة ..

عجينة الكعك

هذي طريقة باش يبقى تحت يدك دائما عجينةتاع قاتو مستعدة للطياب في اي لحظة ..اخدمي عجينتك تاع ال****ز و شكلي كويرات باستعمال ملعقة المثلجات كيما لابيري ..انشريهم على ورق الطياب و حطيهم في المجمدة ثم اجمعيهم في اكياس التجميد ...

الطريقة الثانية هي انك تشكلي عجينتك على شكل طولي كيما الباغيت تاع الخبز و تقطعيها قطع متجانسة او تجمديها كيما هي باغيت
غطيها بورق الالمنيوم

الشربة

درتي كمية كبيرة من الحريرة و بقاتلك ...باش تتجنبي تناولها المتكرر اللي يسبب الملل تقدري تجمديها في علبة بلاستيكية محكمة الاغلاق او اكياس تجميد مع مراعاة ترك شوية فراغ لانو التجميد راح يزيد من حجم القطعة ..استعمال حجيرات الجليد يضمنلك الحصول على الحصص المناسبة ..

المرق

المرقة اللي طيبي فيها الخضرة او اللحوم ممتازة لمرافقة اطباقك و طبخها ...بعدما طيبي الخضارتاعك و تبرد مرقتهم فرغيها في حجيرات الجليد و جمديهم و اجمعيهم في اكياس التجميد

الساندويتش

تقدري تجمدي لي ساندويتش بوضع كل قطعة في كيس ...مع الزبدة و لاموتارد ماكانش مشكل في التجميد و لكن مع المايونيز و السلطة و الطماطم راح تلقاي مشكل ...لذلك هذو المكونات اصيفيهم بعد ازالة الجليد .

مركز الطماطم

اذا خفتيها تفقد صلاحيتها تقدري تجمديه على شكل لوحة مستطيلة و بما انها تستعمل بكميات قليلة كسري جزء او قطعيه و اضيفيه لتحضيراتك

الخضر مقطعة مكعبات

باش ما تستغرقيش وقت في غسل الخضار و تقشيرها و تقطيعها في رمضان حضري حصص تكون جاهزة للاستعمال الفوري ...قطعيها دوائر او مكعبات من اجل فعالية اكبر في التجميد و الاذابة

العجينة المكسرة La pâte brisée...عجينة الخبز و عجينة البيتزا ..


تقدري تجمدي واش تحبي من الان و تستعمليهم في رمضان في تحضيراتك المختلفة مع اختصار للوقت و التكاليف ..

الليمون

جمدي عصير الليمون تحتاجيه في تحضيراتك المختلفة ...اعصريه و حطيه في حجيرات الجليد يتجمد ...ماتنسايش الزاست كل شي مفيد في الليمون .

الاعشاب العطرية

الكسبر او المعدنوس او الكرفس او النعناع ...باش تربحي الوقت قطعيهم و حطيهم في حجيرات الجليد مع الماء او مرقة محضرتها مسبقا ...الكميات اللي راح تحصلي عليها مناسبة تماما لاطباقك بدون تضييع

اللحوم المتبلة

تبلي الدجاج او اللحم مسبقا و حطيه في المجمدة ...عند الحاجة تلقايه واجد و طيبيه مباشرة ...عملي جدا ...

الاطباق المطبوخة منزليا

في رمضان كي تطيبي لازانيا او غراتان او احد الاطباق اللذيذة كثري الكمية و جمديها بحيث تقدري تتناوليها اكثر من مرة في الشهر او اذا جاوك ضياف و ما عندكش المصروف تلقاي وجبتك جاهزة ...ربح للوقت ..

السمك

تقدري تجمدي السمك طازج او كروكيت راح يحافظ على طعمو كما انو وجبة محببة ..الكروكيت قطعي السمكة على طولها و شمخيها في صفار البيض و الشابلور ...انشريهم على ورق الطبخ في صينية و جمديهم ثم اجمعيهم في كيس بلاستيكي ..

البطاطا المقلية

اذا حبيتي تقلي بطاطا و لقيتي الكمية كبيرة ...البقية اذا حطيتيها في الثلاجة تفقد قوامها و طعمها ...الفكرة هي انك ما تطيبيهاش حطيها في كيس تجميد مع قطرات زيت ...لاحقا كي تحبي طيبيها حطيها في الفرن طيبيها و تناوليها

التحضيرات المكونة من العجين


السوفلي و الكرواصون المالح و ....الخ يصلحو تماما للتجميد ....حضري حصص متعددة و احشيها بما شئت لحم ..جاج ...تون ...طماطم ....جمديها ...و استعمليها عند الحاجة ...

هذو تحضيرات يختصرولك الوقت في رمضان ..او اذا كنتي عاملة ...يتميزو بالامن و السلامة ....و يتمتعو بقدرة عالية على حفظ وقتك و ميزانيتك .

[ام متين]

مساءكم طيب يا ام شمسو انانجمد اللحم لما يشريه الحمص الجلبان بكمية قليلة لان ما يكلوهش بزاف وعصير اليمون اذا كان متواجد بكميات كثيرة لكن الباقي كل فري اكيد الحاجة االي تطيب جديدة احسن صدقني ام شمسو في السنوات الي فاتو قبل مانتزوج وخاصة في رمضان لما نطيبو الشربة ويبقى شوية نحلف لامي ان ما تخلطاش مع الجديدة وكان عيب ان يجيك ضيف وتحطي حاجة بايتة وحتى الوالد نتاعي ما نحطولوش الحاجة الصابحة لكن الحال تغير والناس كامل تحضر الاكل مسبقا ربي يقدرنا على كل الامور الي فيها خير دنيانا وخير ديننا

[ام شمسو محمد]

ام متين ..انا كنت ضد التحضير المسبق و نكره التجميد و الطعام المجمد و ما نحبش النعمة الصابحة ...و لكن كي تشوفي في رمضان الاوقات الفاضلة تضيع ...او كاين اخوات عندهم مشكل الوقت بحكم العمل او التربية ...صدقيني يا ام متين هذا حل لكثير من هذي المشاكل...اللحوم هوما اخطر شيء يتم تجميدو وكانو امهاتنا يجمدوهم من عقود ...فقط يخليها الواحد في الحد المقبول ...تجمدي اطباق لرمضان او تحضيرات تساعدك ...او حوايج تجمديهم بدل ما ترميهم ...في رمضان ممكن تضيعي نصف اليوم في الاعدادات و التنظيفات مهما كانت قليلة ...يدير الواحد الاجراءات الاحتياطية و العقلية راهي تتبدل نسال الله العافية و البركة في الاوقات و الاعمار و الاعمال

[رندة.]

اصبحنا واصبح الملك لله والحمد لله، اشهد ان لا اله الا الله واشهد ان محمدا رسول الله.
صباااااح الخيراااات والمسرات لكل الفراااشااات

[حياتي كلها امل]

اللهم بك اصبحنا وبك امسينا وبك نحيا وبك نموت واليك النشور
صباحكم الله بكل خير

[ام شمسو محمد]

اصبحنا و اصبح الملك لله رب العالمين ...اللهم اني اصبحت منك في نعمة و عافية و ستر فاتم علي نعمتك و عافيتك و سترك في الدنيا و الاخرة ...

اسعد الله بالنور و السرور صباحكم ام متين و حياتي كلها امل و رندا