لما المسارعة الى الطلاق ...

[sabrina el-chark]

هو ابغض الحلال لكنه حلال
صح كاين حكايات تحير اسباب تا فهة و الضحية هي الزوجة و الاولاد
الراجل كي يطلق ينضر مي ماشي كيما المراة هو يقدر يعاود حياتو عادي و يزوج و يجيب وحدة صغيرة و جديدة في الكرتونة
لكن المراة ...تتدمر يكفي فقط نظرة المجتمع لها و لاهلها و حتى اولادها من بعد
معناها انو المراة مهما تكون متحبش تقضي عالى حياتها الا ان كانت مجبرة او مضطرة بمعنى تعرف انو صلاحيتها انتهت هنا ممكن تتمسك بالطلاق

[mrmilano1984]

شوفو النصاري كي عايشين كل واحد وحدو يعرفو عقليتهم مليح فاش يعجبوني بزاف كي توصل 18 سنة كل واحد يدبر راسو كي البنت كي الراجل حتي الوالدين مايدخلوش رواحهم في حياتهم ابدا لانهم يعلمو كل واحد وعقليتو لدا مثلا الراجل هو لي يشوف المرا لي يحب يعيش معاها سواء تزوجها او عاش معاها كصديقة علابها ماكانش الصداعات اليومية
هنا لعرب عايش مع باباه ويماه وخاوتو وووو العائلة تاعو وتاعها كل واحد عقلو كفاه داير هههههه لعرب هدا قبيح هدا يحرش هدا يعمر هدا يدي النميمة وووو لدا يكثرو طبعا المشاكل وفي الاخير يصرا الطلاق
انا حند لله نعيش وحدي ونبقي وحدي والا طفرت نجيب مرا طيب وتغسل لي الحوايج وراها فرات لول لي يقولو بلي ماكانش لي تغسلك وتطيبلك وتداوك نجبها تدرلي كل شيء الخادمة ونخلصها

[oum imane83]

المشاركة الأصلية كتبت بواسطة sabrina el-chark

هو ابغض الحلال لكنه حلال
صح كاين حكايات تحير اسباب تا فهة و الضحية هي الزوجة و الاولاد
الراجل كي يطلق ينضر مي ماشي كيما المراة هو يقدر يعاود حياتو عادي و يزوج و يجيب وحدة صغيرة و جديدة في الكرتونة
لكن المراة ...تتدمر يكفي فقط نظرة المجتمع لها و لاهلها و حتى اولادها من بعد
معناها انو المراة مهما تكون متحبش تقضي عالى حياتها الا ان كانت مجبرة او مضطرة بمعنى تعرف انو صلاحيتها انتهت هنا ممكن تتمسك بالطلاق

ربي حلله لحالات متعسرة لانه رحيم ولطيف بعباده ولا يكلف نفسا الا وسعها ..... لكن في ايامنا نشوفو بانه فيه ازواج غير ناضجين على سوداء وبيضاء او شربة اوفريت يطلقو ما يحاولوش يسايرو بعضاهم .... وخاصة الي يتزوجو في سن مبكرة .. شكرا لمرورك اختي

[oum imane83]

المشاركة الأصلية كتبت بواسطة mrmilano1984

شوفو النصاري كي عايشين كل واحد وحدو يعرفو عقليتهم مليح فاش يعجبوني بزاف كي توصل 18 سنة كل واحد يدبر راسو كي البنت كي الراجل حتي الوالدين مايدخلوش رواحهم في حياتهم ابدا لانهم يعلمو كل واحد وعقليتو لدا مثلا الراجل هو لي يشوف المرا لي يحب يعيش معاها سواء تزوجها او عاش معاها كصديقة علابها ماكانش الصداعات اليومية
هنا لعرب عايش مع باباه ويماه وخاوتو وووو العائلة تاعو وتاعها كل واحد عقلو كفاه داير هههههه لعرب هدا قبيح هدا يحرش هدا يعمر هدا يدي النميمة وووو لدا يكثرو طبعا المشاكل وفي الاخير يصرا الطلاق
انا حند لله نعيش وحدي ونبقي وحدي والا طفرت نجيب مرا طيب وتغسل لي الحوايج وراها فرات لول لي يقولو بلي ماكانش لي تغسلك وتطيبلك وتداوك نجبها تدرلي كل شيء الخادمة ونخلصها

التربية السليمة لها دور مهم ... الي يربي اولاده سواء بناتا ودكور على مباديء جيدة واسس متينة في صغره كي يكبر يطلقو ويخليه يدبر راسو ويتكل من جهته .. ويتدخل غير في الوقت الحاجة و في مصلحة اولاده واستقرارهم .. وليس عكس ما يفعله بعض الاولياء لدرجة قريب يحبسو لهم النفس بدافع المحبة وان الولد او البنت ما يعرفش صلاحه ... وعلاش يقبلو يزوجوهم اصلا كي ماراهمش تاكلين عليهم ...ربي يهدي ما خلق ويصلح احوالنا .