مجلس التشاور ..جوهرة رمضان.. للاعمال الفنية

[ام حمزة22]

سلام
لبنات واش راكم ان شاء الله تكونو بالف خير
نهال ام كوكو راني بعتلكم 2 صور للقندورة
اما عن الحلوى وغرفة الضيوف راني بعتلكم حلوتي وصلوني الا ما عجبوكمش شوفو لي يصلح للفريق
انتدر ردودكم
صح فطوركم

[sakura be]

السلام عليكم
تحياتي ليكم بنات ويعطيكم الصحة
اعتذر لغيابي عن التشجيع وهاني رجعت ان شاء الله بالتوفيق للكل .

[صاحب الامل]

مساء النور للجميع
وتستمر سهرات رمضان
في يومها
الرابع
والليلة السهرة عبر قسم الكروشي
على الساعة 23.30
كونوا في الموعد

[fifiarch]

دعاء اليوم الخامس و العشرين

أللّهُمَّ اجْعَلني فيهِ مُحِبّاً لِأوْليائكَ ، وَ مُعادِياً لِأعْدائِكَ ، مُسْتَنّاً بِسُنَّةِ خاتمِ أنبيائكَ ،يا عاصمَ قٌلٌوب النَّبيّينَ .

كيف التحضيرات لاخر تحدي

تمنياتي بالتوفيق

[ام حمزة22]

سلام
شكرا فيفي على الدعاء بارك الله فيك وجعله يارب في ميزان حسناتك
آمييييييييييييييين
التحضير رانا معاها
فيفي انا اول مرة نخرج نشري قماش للقندورة في التحديات لي فاتو خدمت بالواجد في البيت اما هاد التحدي حبيت نخصصلو كل وقتي وان شاء الله نشرفو قسم الاعمال الفنية

[ام حمزة22]

اهلا بيك سكورة
شكرا على التشجيع
ولا يهمك المهم تكوني بخير وعلى خير ربي يحفضك ويهنيك

[ام حمزة22]

فيفي انا اعتدر اليوم علىالحضور في السهرة
حبيت اليوم الا كتب ربي نختم القران الا ما كملتوش اليوم ولا غدوة راح نتعطل وما نكملوش من عوايدي هاد الوقت راني كملت الختم و عاوت مالاول ربي يقدرني نختم اليوم الا كملت راني ندخل نسهر معاكم ما بقتليش بزاف ربي يتقبل منا ومنكم
آميييييييييين

[نهال13]

مساء البنات اسمحولى هدو ليمات مدخلتش ام حمزة يعطيك الصحة على لبعتنا ولشوفيها تصلح ديرا ها انا هد التحدى خدمت من راسى فيفى الاعمال ان شاء الله تكون في المستوى المطلوب

[ام حمزة22]

سلام
ام كوكو عجبني صالون نتاع نهال واعطاتنا حرية التصرف شوفي مع اعمالك وان اضم صوتي مع نهال ونعطيك حرية التصرف انا بعت اعمالي لي يعجبك خليه ولي ما يعجبش نحيه وانطلقي في تنسيق وتركيب الصور ما تنسايش سر المهنة والتدبيرة
بالتوفيق
صحفطوركم

[fifiarch]

مساء الخير وماشاء الله على النشاط

بالتوفيق ان شاء الله

وختمة مباركة ام حمزة

[ام حمزة22]

سلام
شكرا حبيبتي فيفي انا والحمد لله قدرتت نختم في الامس وقد ما فرحت بختم القران قد ما تحسرت عى الايام لي راحت تجري والله معاكم ما حسيت بايام رمضان كان اروع رمضان جوزتو في حياتي عمري ماكان عندي نشاط مثل نشاط هاد السنة عمري ما خيطت في هاد الشهر الكريم كنت دايما نقول الخياطة تعطلني على الدكر ولي عملتو في هاد الشهر الكريم ما كنتش متصورة نخدمو وهاد اكيد بفضل المنتدى واعضاء المنتدى والمشرفين بخصوص مشرفتنا الغالية فيفي
وقبل ما يتغلق الموضوع حبيت نشكر كل من اشرف على هاد المسابقة يعطيكم الف صحة وعافية
اشكر تاني كل الاعضاء لي مرو على هاد القسم وقامو بتشجيعنا
اشكر المنافسات لي كانو معانا في هاد المسابقة كل وحدة باسمها كانت منافسة شريفة لي قربت بين الاقسام وكونت صداقة ومحبة بيننا وان شاء الله نزيدو نتلاقاو في مسابقات اخرى
اشكر اعز شركائي ام كوكو و نهال و يعطيكم الصحة على الاعمال الرائعة لي قمتو بها كنا فعلا فريق هايل ما يهمنيش النجاح والفوز قد ما تهمني العلاقة لي كانت بين اعضاء الاقسام
فيفي خفت غدوة تخلاص المسابقة وتغلقي بسرعة الموضوع انا راني طفرتها قلت واشعندي ههههههههههه
ان شاء الله برك كي تدخلو ما تخافوش مالجرنان لي كتبتو وتقراوه
رمضان كريم
تقبل الله منا ومنكم
صح فطوركم

[ام حمزة22]

نهال ان شاء الله تكوني كملتي الحاما وبعتيه للمنسقة ومركبة الاعمال
بالتوفيييييييييييييييييييييييق

[أم ضياء عبد الرحيم]

صباح الخير ان شاء الله تكونوا بخير انا غبت عنكم عندي ظروف من ما منعني من المشاركة في هذا التحدى الاخير
عطر و بسمة الي قاعدين يخدموا ربي يعينهم
و ربي يعينكم و بالتوفيق ان شاء الله
و كيما قالت ام حمزة كانت صحبة طيبة ربي يبارك فيكم كامل و يجازيكم كل خير

[ام حمزة22]

سلام
جيادا ان شاء الله تكون امورك لاباس بقاي مع الفريق ديالك ولو بارائك في التحديات لي فانو مديتي كل ما عندك و مع ضروفك ما تخليتيش على الفريق كنت دايما السباقة في دخولك لالمنتدى والله ما دا بيا تكوني مع فريفك ولو بحضورك
ربي يحفضك ويخليك ويبعد عليك المصائب

[ام كوكو]

ربي يحفظكم حبيباتي و الله كلامكم طيب و عسل
ام حمزة مبارك عليك ختم القران الكريم و نقولك انو الموضوع حتى و انغلق علاقتنا راح تبقى باذن الله
جيادا ربي يحفظك و يبعد عليك كل شر