مشروع 1 مواد غذائية عامة

[ssaffaire]

tout commerce lié à la consommation alimentaire est bénéfique bon courage

[mohamed cherie]

السلام عليكم ورحمة الله تعالى و بركاته
اخوتي الكرام اريد انشاء محل مواد غدائية عامة superette
المبلغ 150مليون سنتيم
المحل في الييت يعني لا توجد مصاريف الكراء + المحل مساحته 90متر مربع و الواجهة 9 امتار
هل يكفي المبلغ ام لا للعلم فقط اريد ان تكون superette عصرية
هنالك مشكل اخر انه يوجد حولي 3 محلات للمواد الغدائية 2 منهما تقليدي يعني غير على حسابهم هههههههه و يبيعو غالي اما الاخر فهو محل كبير و له زبائن و يبيع بسعر ممتاز لكن عنده مشكل النظاقة وغير منظم اطلاقا يتواجد مقابل بيتنا اي تفصل بيننا الطريق فقط
هل يؤثر هذا على المشروع
وهل يمكن ان اعرف هامش الربح ان امكن
للاشارة فقط يوجد حوالي 13.000 ساكن في المنطقة
وشكرا[C

[mohamed cherie]

السلام عليكم ورحمة الله تعالى و بركاته
اخوتي الكرام اريد انشاء محل مواد غدائية عامة superette
المبلغ 150مليون سنتيم
المحل في الييت يعني لا توجد مصاريف الكراء + المحل مساحته 90متر مربع و الواجهة 9 امتار
هل يكفي المبلغ ام لا للعلم فقط اريد ان تكون superette عصرية
هنالك مشكل اخر انه يوجد حولي 3 محلات للمواد الغدائية 2 منهما تقليدي يعني غير على حسابهم هههههههه و يبيعو غالي اما الاخر فهو محل كبير و له زبائن و يبيع بسعر ممتاز لكن عنده مشكل النظافة وغير منظم اطلاقا يتواجد مقابل بيتنا اي تفصل بيننا الطريق فقط
هل يؤثر هذا على المشروع
وهل يمكن ان اعرف هامش الربح ان امكن
للاشارة فقط يوجد حوالي 13.000 ساكن في المنطقة
وشكرا

[موحاديف]

المشاركة الأصلية كتبت بواسطة gigi1991

مشروع محل المواد الغذائية العامة مشروع سهل و بسيط حجمه على حسب الميزانية ابتداءا من 40 مليون بدون ثمن كراء المحل
مستلزمات المشروع
frigo mural ب 12 مليون
frigo persentoire ابتداءا من 3 ملاين
congelateur presentoire pour glace ابتداء من 4 ملاين
من الافضل شراء الثلاجات جديدة
رفوف من الافضل تكون المنيوم و تغطي جدار المحل عل الاقل 2 مليون
كونطوار المنيوم زجاج لعرض بعض السلع مثل الكوسمتيك و غيرها ب 2 مليون
كراء المحل
اعمل حسابك يعني لازم تخرج الكراء كل شهر مالزمش يكون محل بكراء 3 ملايين في الشهر مقابل 20 مليون سلعة فقط لازم يون سعر الكراء مناسب لراس مال السلعة و حجم المشروع و مكان المحل و اتوقع كل ما يكون المشروع كبير يكون مصاريف التسيير كبار (كهرباء عمال صيانة....)
من المستحسن يكون في مكان تجمع سكاني او مقابل الادارات العمومية او المدارس او الاحياء الجامعية او على الطرق العالية الحركة
حذاري تكون كاري بجوار محل له نفس النشاط الا اذا كان مشروعك اكبر من مشروعه
اعداد المحل
المحل لازم يكون مكتمل اشغاله يعني الجدران مسبوغة الارضية متواجدة بالاضافة للاضاءة (تساعد بزاف في الليل لاظهار المحل)
اعمل حساب للماخذ الكهربائية بها ماخذ ارضي بسبب الثلاجات
اشتري فروطوار و مكنسة معطر جو و ماء جافيل
لازم يوميا تنظف المحل تاعك
شراء السلع
لسلعة اقسام** مشروبات - ماء - ياغورت -اجبان - علب و كانيت عصير- حلويات و بار شكلاطة-- زبدة -- زيوت--مصبرات --- بسكويت-- عجائن - كسكسي- طماطم مصبرة---سميد و فرينة-كرنطيطة-- توابل-- مواد تنظيف --- صابون --- مواد تجميل --- مواد الحلويات--- سكر--- مواد تغليف-- مواد صيانة--- مساحيق تنظيف-- شيبس-- خبز --- حليب-- فاكهة -- خضر-- بيض
تختلف كمية المشتريات حسب المنطقة اي منطقة امام المدارس او في الطريق العام كثر من الماء العصير المشروبات السكاكير و غيرها من السقايط
لازملك شوية من كل شيء و تقد تزور المحلات باش تعرف واش عندهم سلعة
دير قائمة بها كل المواد و بعد زور محلات الجملة و اطلب منهم الاسعار و قارنها
يوم الشراء روح مع 2 صحابك واكري رونو ماستير اتفاهمو على السعر اولا و روح للمحلات و اشتري السلعة صحابك يعاونوك باش يحسبو معاك كمية السلعة و تاريخ الاستهلاك و يعاونوك باش تهبط السلعة و ترتبها
حذاري من الياغورت و الاجبان لازم تشوف ضروف التخزين
ادارة المحل
لازم تخدم سجل تجاري الكونترول مرة على مرة يزوروك ماهوش حاجة صعيبة تديه في 48 سا اقصى تقدير
اذا تحوس على النجاح الحقيقي لازملك تلتزم بدقة بالمعطيات التالية**
اوقات الافتتاح من 6 صباحا الى 10 ليلا بدون توقف الفطور اتناولو داخل المحل ماتقولش هذا وقت مافيهش زبائن اذا ربحت سنتيم راك في الفايدة
يوم الجمعة تحل مباشرة بعد الجمعة لانه وقت زيارة الضياف يجوزو لعندك باش يشتروا مشربات ......
اذا عييت شوف شكون يشد في بلاستك و لاحقا نعطيك طريقة باش تعس العمال تاعك
دير دفتر دون فيه **
قسم به السلع المتواجدة سعر الوحد و الربح في الوحدة
قسم تسجل فيه يوميا كل مساء شحال بقاتلك سلعة من كل نوع في الحانوت وشحال كان كاين البارح دير الفرق باش تعرف شحال بعت و قارن مع المال في الصندوق(هذه طريقة تحاسب روحك و تحاسب العمال تاعك)
دير خزنة صغيرة في المحل و زيد قسم في الدفتر كل يوم دير شحال حطيت في الخزنة و اذا خرجت دير القيمة و ماذا فعلت بالمال
دير قسم دون فيه املاحظات على المحل سلوك الزبائن و العمال و افكار لحل المشاكل و تطوير المحل
بالنسبة للمنافسة احذر من جيرانك ربما يحاولوا يصابوطيوك ولا يضروك كاين بعض الخاوة ربي يسامحهم مايعرفوش ان الرزق على ربي و ما يعرفوش المنافسة الشرعية لازملك تواجهم بحزم و ذكاء يعني ابدا بالتي هي احسن و اذا كملوا ادي جماعة و روح حاورهم اذا استمروا كاين الشرطة حط شكوى بالتشهير و المنافسة غير الشرعية صدقني راح يدوروا بعدها في رايهم
لازم تعامل الزبائن باحترام و تساعفهم حتى و لكان تكون تصرفاتهم غريبة شوية ولا حتى فظة
الضرائب
روح لمصلحة الضرائب يفهموك واش دير و رح يعطوك ورقة تعمرها اما عند المحاسب ب 6000 دج او تتعلم تعمرها وحدك عن طريق الانترنت "طريقة ملا استمارة g50"
الفترتين الاولتين دير بلي ماخدمت والوا neant و الباقي لا تصرح بكل مداخيلك صرح بلى دخلت 7000 دج
نصائح اخرى
لازملك تعمل حسابك بلي المال لي دخلو السنة الاولى تقتطع منه سعر الكراء و المصاريف و غيرها و الارباح تعاود تستثمرهم في المحل
اصبر على المحل 3 سنوات من بعد تقدر تدي كل الارباح لروحك
الستة اشهر الاولى حساسة اذا شفت بلي مكانش رقم اعمال كبير حوس على الاسباب ربما طريقة في التعامل ربما السلعة قليلة ربما المحل ما يبانش او ميعرفوكش الزبائن .... وحوس على السبب و ماتنساش التجارة صبر و مجاهدة الذات
راني عارف كاين نقائص اذا تفكرت حاجة راني نزيدها و المهم اتكلوا علا ربي و اتخذوا الاسباب او ماذا بيكم تشلركونا افكاركم
سلام

السلام عليكم ورحمة الله أخي أريد فتح محل لبيع حفاضات الأطفال و مستلزمات أخرى خاصة بالأطفال مثل الحليب .... بالإضافة الى بيع مواد التنظيف بكل أنواعها و لدي رأي مال 500.0000,00 دج ،انا الآن أبحث عن محل للكراء ،فبماذا تنصحني أخي الكريم ،ما هي المسلزمات التي يجب ان تتوفر في المحل مثل التغليف الداخلي للمحل ba13 ، أنواع الأدراج،... ، مساحة المحل ، أرجو إفادتي أيضا بأسواق بالبيع بالجملة لهذه المواد و طريقة نقل البضاعة للعلم انا أسكن بولاية في الجنوب الغربي ،وهل هذه التجارة مربحة ، بالتوفيق أخي

[موحاديف]

السلام عليكم ورحمة الله أخي أريد فتح محل لبيع حفاضات الأطفال و مستلزمات أخرى خاصة بالأطفال مثل الحليب .... بالإضافة الى بيع مواد التنظيف بكل أنواعها و لدي رأي مال 500.0000,00 دج ،انا الآن أبحث عن محل للكراء ،فبماذا تنصحني أخي الكريم ،ما هي المسلزمات التي يجب ان تتوفر في المحل مثل التغليف الداخلي للمحل ba13 ، أنواع الأدراج،... ، مساحة المحل ، أرجو إفادتي أيضا بأسواق بالبيع بالجملة لهذه المواد و طريقة نقل البضاعة للعلم انا أسكن بولاية في الجنوب الغربي ،وهل هذه التجارة مربحة ، بالتوفيق أخي

[Sara Majnona]

بارك الله فيك أخي على هذه النصائح القيمة و جعلها في ميزان حسناتك

[mribrahim]

سلام عليكم
نصائئح جيدة جدا عندي صديق له حانوت مواد غذائية قالي أهم شيء هو
المعاملة و أوقات الفتح لأنو الناس راح توالفك هكا و النظافة و كذالك الأسعار يجب أن تكون تنافسية

[anis massi]

ليكن الله في عونك

[wadee2015]

نصائح صاحب الحرفة ان شئت خذها وان شئت اتركها اياك والكريدي اقضي عليه بالأسعار التنافسية ان شاء الله 4 دينار فائدة في السلعة الوحدة الكريدي يبدا مع زبائن vib ان صح التعبير 3 سنين يشرو من عندك يعني تعرفهم وتعرف عقليتهم خابزهم وعاجنهم ذوك يمكن تكرديهم بمبالغ معقولة مع الوقت يفهم الزبائن عقليتك ويولو يكردو من عند غيرك ويقصدوك لرخس الاسعار بكثرة

[punishern97]

مشكور اخي بارك الله فيك

[omarove]

بعد تجربة طويلة في هدا الميدا ..شخصيا لا انصح به حاليا ...توا كثرو محلات المواد الغدائية بحكم هي اسهل تجارة الي يحك راسو يفتح محل في دار يكسر حيط من دارو و يفتحلك بجنبك ولا سجل تجاري ولا اي شيء ...وروح انت واخدم معاه واعرف ان الرزق بيد ربي بصح روح وسط البلاد و سوف تجد الباعة الفوضوين ناصبين كل المواد الغدائية و بسعر والله احيانا اقل من سعر الشراء بالجملة ..كيف هدا الله اعلم ...و زد الى هدا تجارة الي فيها السلع تتبيريما مع الوقت و فيها برشا منافسة و اكيد اعوان الرقابة الدين همهم هو ليس خدمة الزبون بقدر تغريم التاجر مهما كان وخاصتا التاجر الصعيف اما الي ناصب امامهم في الشارع فابدا لن يمسوه بنضرة وليس بكلمة ...التجارة المليحة هي كل تجارة مفيهاش مواد تموت مع الوقت ...الياغورت 15 يوم يموت ...العضام في الصيف ووووو و ايضا التجارة المليحة هي التي سلعها تزيد مع الوقت ولا تنقص ..مثل الخشب البلاسيك او الكانكيري ..الدهب السايغي كي يشري يستفيد و يربح وكي يبيع يستفيد و يربح وكي لا يبيع ولا يشتري كاس ايضا مفيد و رابح لان راس مالو يوميا يزيد لان الدهب يوميا يزيد ...وفي الاخير يا حبيبي انا هنا مش بش نفشلك لان كل بلاصة وليها اسباب نجاحها او اسباب فشلها انت عمل على ربي و اسعى وادا شفتي بلي متساعدكش كباشرة غير ولا تتورط و تضيع وقتك ...تدكرت حاجة ...ا

[tahaz]

موضوع اكثر من رائع بارك الله فيك

[ben23sa]

بارك الله فيك

[zifou]

machrooo3 mliii7 . rabbi y3awnak

[moharchicom]

بارك الله فيك أخي، وربي يوفق الجميع