بيتك جنتك ورضاء ربك مبتغاك 2 - الصفحة 159

سمراء الدنيا · 2013-03-10, 13:20

الله اكبر كبيرا...و الحمد لله كثيرا ....وسبحان الله بكرة و اصيلا..
صلاة الظهر

gandouzi houda · 2013-03-10, 13:51

مساء الخير يا وجوه الخير

بنت الجزاير الغالية · 2013-03-10, 14:09

السلام عليكم و رحمة الله و بركاته
هل من مجيب

ام باديس · 2013-03-10, 14:24

مساء النور لكل الاخوات الحاضرات والغائبات
واهلا وسهلا بالجديدات اللواتي انضممن الينا
فاطمة ربي يشفيلك بنتك من البوحمرون ماتخافيش راه يجي ساهل ماشي كيما بكري
تفكرت راني حملتك طرح السؤال فاطمة اليوم دالتك رانا نستناو فيك

بنت الجزاير الغالية · 2013-03-10, 14:39

فطيمة ربي يشفي بنتك و يعافيها يا رب
راني ملاحظة أم محمد يحي طولت علينا الغيبة ربي يطمنا عليها
اليوم نضت عالسابعة درت الفطور فطرتهم و راحو يقروا و من بعد لميت الفراش و رحت ادوشت و صليت الصبح و دخلت للمنتدى كان النت ثقيل ما تفوت مشاركة كان يفصل أكثر من مرة وليت خرجت و رحت للكوزينة دوزنت غداي درت روز بالخضرة و رحت للماعن غسلتهم و رحت للغرف كنستهم و مسحت أرضيتهم و نضمت روحي واتوضيت و وجدت الغداء جاو الولاد اتغدو و صليت الظهر و غسلت ماعن الغداء و سيقت الكوزينة و جيت معاكم شوي و نروح نقرا القرآن
بالنسبة للجمالي درت تقشير للبشرة بالشب و الصابون و بعدها رطبتها و مشطت شعري
الرياضي مازال على 3 و نص
بالنسبة لغرفة الجلوس عندي راه تشعل نظفتها ماعندهاش ياسر رايحة ندير الأسبوع هذا غرفة النوم باه ما تفوتونيش يعني اليوم عندي ترتيب الخزانة و التلفاز بإذن الله

oummalak · 2013-03-10, 15:15

اسعد الله مساءكم واش راكم حباباتي توحشتكم لكن الله غالب كل الظروف راهي ماشي مواتية ربي يجيب الخير
تهلاو في رواحكم نحبكم كثير
سامحوني المشاركات كثيرة ما قريتهاش الكل
سلامي لكل غزالاتي

بنت الجزاير الغالية · 2013-03-10, 15:40

أم ملاك واش راكي يا الحنونة رانا توحشناك حتى وينك واش حكمك علينا
اموووووووووح

نايليةوافتخر · 2013-03-10, 15:40

مس الخير بنت الجزائر وام ملك وشراكي ربي يكون معاك حنا ثاني توحشناك وراها صليحة قايمة بالواجب ماتحيريش علينا
تطبيقي لنهار اليوم نضت صليت الفجر وقريت جزئين ورجعت رقدت شوية وكي نضت طيبت القهوة وفطرنا ورفدت القش خرجتو يتشمس وصلحت وسيقت الشومبرة والصالة ماعنديش غرفة جلوس ورحت للكزينة غسلة الكويزينيار والحيوط والثلاجة وغسلة الموعين ورحت غسلت الصوندريات (الدوسات نتاع الرجلين) ونقيت الدوش والتوليت حاشاكم ودرت قدايا بطاطا مفورة بالبيض تقدينا غسلت المواعين وتوضيت وصليت ودوشت وقيلت وكينضت توضيت وجيت للميكرو بصح مازال عندي مشكل تحدي الوقت مازلت ثقيلة فالخدمة

سمراء الدنيا · 2013-03-10, 15:59

تطبيقي لنهار اليوم
صليت الفجر و قريت الاذكار و 2 احزاب لحقت للنمل........فطرت لولاد و راحو لميت لفراش و فرغت الهول (هو للي نقعدو فيه) نحيت الريدو و الكاش ريدو حتى لغدو نغسلهم و هبطت الورد و لي فاز من فوق البيبليوتاك و غسلتهم و راهم يقطرو

..... مسحت لبلافو و الحيطان غير لا كانش عنكبوت لاني ماشي بزاف مللي نقيتهم

تغدينا

كان الراجل راقد ما قدرت نخدم والو جيت ريحت شوي في الميكرو و صليت الظهر و زدت قريت حزب و نص حتى للقصص و نضت درت الكيكة لمسقية نتاع منى راهي تبرد و جيت نطل عليكم ...ما قدرتش نزيد نخدم راني عيانة

سمراء الدنيا · 2013-03-10, 16:01

مساء الخير ميمي و خولة كيراكم
ام ملاك طلت علينا و راحت ...مسكينة عندها العرس نتاع خوها الله يسخرلو و يكون في عونها

سمراء الدنيا · 2013-03-10, 16:02

اقتباس:

المشاركة الأصلية كتبت بواسطة ام باديس

مساء النور لكل الاخوات الحاضرات والغائبات
واهلا وسهلا بالجديدات اللواتي انضممن الينا
فاطمة ربي يشفيلك بنتك من البوحمرون ماتخافيش راه يجي ساهل ماشي كيما بكري
تفكرت راني حملتك طرح السؤال فاطمة اليوم دالتك رانا نستناو فيك

السؤال طرحاتو فطيمة في صحبة طيبة و رانا نجاوبو ثم