Stayfiya mission ** اعمال المشاركات **

[stayfiya]

السلام عليكم ورحمة الله تعالى وبركاته
مرحبا بالجميع
ان شاء الله تكونوا بالف خير

****




هذا الموضوع سيوضع خصيصا للاعمال الخاصة بكم
وبعد انتهاء الوقت المخصص لاول مهمة
والتي كانت
jupe

سنضع الاعمال التي وصلتنا


وقبل ذلك
نقوم بالتذكير بالمتسابقات اللي شاركو معانا
وهم







Racha2010
Biba04
...amel
موجو موجو
Polyma
ام ياسين الزهراء
ام رشدي
*منى*
تقوى اماني
ام معاذ ام معاذ
Faiza2008
شابر محمد
فخوره بحجابي
ندى قدور
امي العسل
Loudjeine2000
جيجليه
باسم وبيسان
حورية38





**************************************
*************************
*****************
********
**
*

[صاحب الامل]

مساء النور للجميع
وان شاء الله تكونوا بالف خير
وبارك الله فيكم على المجهودات المبذولة
واكيد تحية خاصة للاخت STAYFIYA
على التعب والسهر لوضع الافضل

*******

قبل التعليق
حيت نقولك ان هذا التعليق يعبر عن وجهة نظري
يعني كاين ناس ممكن تتقبل وكاين ناس ممكن لا
فاكيد راكم كامل مجتهدات وعملتو اللي عليكم
يعني هاذي بلا ما نزيدو نقولولها راكم في المستوى
ولكن انا تعليقي راح يكون حول النقاط اللي لازم تركزوا فيها المرات القادمة

************











الاخت رشا
العمل بشكل عام في المستوى
عجبني اللون اللي اخترتيه
اما الحزام انا ضد هذا النوع من الاحزمة هو سامبل وبسيط ولكن ما حبيتش السلسلة اللي هابطة منو
اما الجزء الداخلي لافينيسيون مليحة
وكنتي قد المهمة
فقط حبيت لوكان عملتي 2 بليات على الجنب نظن كان راح يكون افضل

وان شاء الله التوفيق في الاعمال القادمة

************************





الاخت ندى
بشكل عام نقولو كنتي موفقة
وكذلك لافينيسيو نتاعك من الداخل ممتازة
فقط ما حبيتش الحزام المستعمل
وبشكل عام بداية موفقة

*****************




موجو جوجو

ما فهمتش بصراحة اذا la jupe جاهزة او لا ؟؟؟؟؟؟؟؟
في انتظار المعلومة


*************







بوليما
الفكرة مليحة ولكن طريقة التنفيذ كانت ناقصة
وبالاجمال حاولي كي تحطي الصور تعتمدي في التصوير على المناطق اللي يكون فيها تفاصيل
باه نفهموا اكثر

*********





عمل متقن وواضح الاتقان فيه
انا ضد هذا النوع من الاحزمة بصح في هاذ la jupe حبيت الحزام ( ما نعرف علاه)
المهم بشكل عام
كنتي موفقة

**********







نقولك كلمة واحدة

top

سواء من ناحية القماش او الفكرة
باين عندك افكار
ولكن الاهم تعرفي تستغليهم
وان شاء الله مع التحديات او المهمات القادمة راح نكتشفوا هاذ الشيئ

**********







ام رشدي

رغم انه متقن
بصح حسيت انو باين مخيط ما نعرف علاه ؟؟؟؟؟؟
فيه حاجة غالطة
وش هي ما نعرف

********






منى باين اعتمدي البساطة من دون تكليف او الخروج من المعقول
بسيط انيق الفكرة تقليدية
بشكل عام كنتي موفقة
وان شاء الله في المهمة القادمة نشوفوا ابداعات اكثر

**************






ختامها مسك
مع ام باسم وبيسان
بصراحة عجبني المزج بين الااقمشة او القالون اللي استعملتيه
كان في القمة
وحسيت بنكهة ابداعية في la jupe نتاعك
كنتي في المستوى
افكارك قمة
بالتوفيق في التحديات القادمة

[stayfiya]

السلام عليكم و رحمة الله و بركاته
مساؤكم سعيد واش راكم
اليوم راني عيانه بغيت غير نحطلكم الملاحظات و نروح
راح نشكركم كي قدرتو طبقو الورشه هاذي من القلب و في نفس الوقت ميش راح نجاملكم
راح نولهكم لنقاط كي ما تبعتوش الدرس راكم طحتو في اغلاط و ان شاء الله راح تتفاداوها. المرات القادمه
و هنا تعرفو فايدة التطبيق لانك تشوفي بعينك الديفوات و تتعلمي الدرس في الميدان
نبداو على بركة الله
ميش راح نرتبكم على الزهر نبدااااو ب
منى


منى لاحظي انك كي ما ستعملتيش البانس في السجاف و فصلتيها مستطيل راكي تشوفي كيفاش جات مبوطه معناه الدخلاني يجي مشبوح بارابور لفوق نتي ما رقدتيش لخياطه من داخل كيما قتلكم كي تعودي لابستها يخرجلك السجاف و نقطه اخرى منى ني راني نلاحظ ان لخياطه نتاعك قريبه للحاشيه بزااف على الاقل تخلي واحد سم خاطر مع لغسيل را تزنق لخياطه و تتفتح الزيق زاق عرضي فيه شوي و ديريه على الحاشيه قدقد ميش بين الحاشيه و لخياطه اخر ملاحظه الفيرميتور نورمالمون تخيطي على حاشية السنسله ما يجيوش لي كوتي بعاد على بعضاهم خاطر كي تجمليهم راح تتعرضي لمشكل جيك بومبي
هي اي واحد ميش راح يلاحظ و حتى انت ممكن متكونيش تولهتي ليهم يعطيك الف عافيه حبيبتي تلبسيها بالصحه و لهنا
ثاني وحده فايزه

تطبيقك هايل من الباترون للفصاله للخياطه لنوع لقماش. قوليلي برك البانس هنا ماشي جاي مايل ادا كان تحت لبياسات هاذو من المفروض يجيو متوازيين مع بعضاهم ميش متوازيين مع خط الجنب من داخل و من برا مستيكيه صحيتي
ثالثهم شكوووون
ام رشدي


لقماش لي خيرتيه ماعلاباليش وعلاش جاني كي وشغل يتكسل. ليبانس تبانلي خرجتي طول ميش بالتدريج لانو جا شكلهم غير عادي يبانو دي بلي ميش دي بانس ولا نتي ما حددتيش مليح كيما وصيتكم بكتانه مشمخه و قوليلي هبطتي في البطن و الظهر و لا لالا انا ما بانليش؟ و بغيت لوكان درتي لخياطه من داخل احسن و حتى على حواشي الفيرميتور كون قتلتيها مليح بالحديد ما تحتاجيش ديري لخياطه. و زيد راهي تبان مديكاليا هههه بقاو لقفايل. من رايي كون درتيهم في كوتي مع البانس ليمن و درتي حجم اصغر و يجيو ثلاثه او اربعه تحت بعضاهم و حتى لوكان ديتي لقماش و غلفتيه عند لمزابي يجيو هايلين و تبانلك مشريه ميش مخيطه المهم يعطيك الصحه حبيبتي
موجو جوجو

. خدمتك مزال ما كمالتش. نعذرك المهم درتي لي تقدري عليه. فينيسيون مليحه و هايله فقط هنا الاشكال جات مبوطه ريكتيفيه كي جي تكملي لخياطه و ما تنسايش قيسيه ليماك و احكمي بليزيبانقل كيشغل راكي تخدمي على المانكان لازم باش ما توقعيش في حتى خطأ
رشا 2010


فهميني كيفاش لي بانس الامامي والخلف اليمين قدقد و اليسار نفس الشي كي نفتحو لا جيب جينا بانس صغير و بانس كبير هذا كي قلتي ندير من راسي هههه و من داخل لاه ما درتيهمش ؟؟ بنتك كي عادت رقيقه ما بانش الديفو !! و بالنسبه للعراوي من الاحسن يكونو فوق البانس كيما نشوفوهم في القش تاعنا و تعليهم شوي الباقي خدمتك نظيفه و متقونه
بوليما


لاجيب كنت حابه توري للبنات كيفاش فصلتي الفولون هاذي لي بانس وحده في الشرق و وحده في الغرب ما تبانليش درتي قياسات لي مديناهم. الديفو لي درتيه في البطن و الظهر مزالو يبان لخياطه ما حبيتهاش من فوق كتانك مليح ماكانش يحتاج تثبتي بخياطه برانيه كولور باهيه و الفوله مليحه مالغري راكي هربتي على المقرر هههه
لجين

كيما بوليما حنا جيب كلوش و نتي جيب. آبانو يعني ميش راح نديرلك ملاحظات غير حويجه برك. تبانلي كي تخيطي راكي تجبدي لقماش حتى يتكسل. و بما انو البانو يتفصل مايل معناه راح يولي يتكسل عليها بين لخياطات جات مبوطه و حتى لحديد بالماء و الفابور ميش راح يخلصك من المشكل هذا من فوق ما بانتليش مليح راهي الظلمه المهم يعطيك الصحه
باسم بيسان


من برا هلا هلا و من داخل يعلم الله ههه لالا راني نقصر بصح لوكان درتي دوبلير احسن.
لبياسه الدخلانيه راكي تلاحظي كيفاش راهي ملضوضه على لاطاي حتى خلقت التكماش تحتها
من رايي كون ما درتيش لباسه الفوقانيه وحدها و التحتانيه وحدها شوفي لقرون لي خرجولك في لي كوتي ؟؟؟
ما بانتليش كلوش تقدري تخطوي بيها نورماال؟ هههه راكي تتعكلي و تحصليها فيا
يعطيك الصحه
الوحيده لي مالقيتش فيها ديفو تاع ندو قدور

غير لقماش ما عجبنيش واللون و هذا ميش مشكل هههه فقط قوليلي نتي فصلتيها بالقماش مايل لالا ؟؟ جات هايله والله
علابالي راكم تشوفو فيا فلو بصح حبيت نولهكم لكامل المشاكل لي يواجهونا في لخياطه صغار و كبار مابغيتش نجاملكم نحوسكم تتعلمو على الصح
بارك الله فيكم وحده وحده
في كرونو و صاحب الامل

[faiza2008]

تصبحي بخير سطوف

[جلفااوية]

بصحتكم لبنات راكم ماشاء الله الله يبارك هايليييييييييييييييييييييين نجحتو في الامتحان بصحتكم بالتوفيق

[فريولة ابتسام]

.................................

[باسم وبيسان]

اعطيكم الصحة لبنات كامل
شكر خاص للاخت سطايفية على المجهودات لقمتها معنا هبلناها وصهرناها بصح كانت ايام

[جلفااوية]

و

المشاركة الأصلية كتبت بواسطة فريولة ابتسام

.................................

غير الحير واش الي بيك:confus ed::confus ed:

[stayfiya]

جلفاويه. هاذي لازمك تتعرفي عليها الاستاذه فريوله ابتسام اكيد غير الخير ورا هاذ النقط راهي حكمت بلاصه خاطر راهي من لجنة التحكيم هي و الاخ عمر
لبنات نتلاقاو غدوه ان شاء الله سلام

[باسم وبيسان]

المشاركة الأصلية كتبت بواسطة stayfiya

جلفاويه. هاذي لازمك تتعرفي عليها الاستاذه فريوله ابتسام اكيد غير الخير ورا هاذ النقط راهي حكمت بلاصه خاطر راهي من لجنة التحكيم هي و الاخ عمر
لبنات نتلاقاو غدوه ان شاء الله سلام

هههههه سطايفية واش رايحييين نسمعووو انتقدات ربى تستر وقيلا زهقات علينا ياك تحامى علينا ياك احنا تلاميدك ولالالالا
تصبحى بخير

[ام رشدى]

صباح الانوار ليكي اختي سطايفية ولكل لجنة التحكيم انشاء الله خير

[*منى*]

صباح الفل على الجميع
ماشاء الله لبنات جيباتكم خرجو هايلين نتاعي عادت ماتبانش قدامهم


المهم كي تدخل لجنة التحكيم نشوفو يادرا انا ؟؟؟؟؟؟؟؟؟؟؟؟؟؟؟؟؟من ضك ما نعتش وجهي ندرق خير

[ندى قدور]

صباح الخير والخيرات تبارك الله على البنات يعطيكم الصحة بصح اغلب الصور ما ظهرتش

[*ام عبد الكريم*]

صباح الخير لبنات كيف اصبحتو ...مشاء الله على الخياطات كامل هايلين يعطيكم الصحة استمتعنا كثيرا نتمنى تكووون ورشات اخرى ان شاء الله شكرا سطوف على تعبك معنا

[*ام عبد الكريم*]

المشاركة الأصلية كتبت بواسطة ندى قدور

صباح الخير والخيرات تبارك الله على البنات يعطيكم الصحة بصح اغلب الصور ما ظهرتش

صباح الخير اخت ندى ...الاخت سطيفية خيرت منهم برك انا ثاني بعثلها بزاف و خيرت غير 4 برك