محتاجتكم

[مشكلتي]

السلام عليكم
مارح طول راح أدخل فالموضوع مباشرة
أنا بنت بدرس في الجامعة متربية وخاطيني لخارجات وجامي هدرت مع ذكور يعني إذا هدرت سلفلي كراس ولا نعطي كراس يعني غير موضوع القراية برك المهم عرفتني صديقتي على شاب في الفايس بوك على أساس نتعرف ومنبعد يجي يخطب يسكن في نفس الولاية لكن يخدم في ولاية أخرى كنت رافضة في الأول علابالي بروحي سنسبل بزاف ونجيبها غير في روحي نفسيتي لوامة ولكن ما بعرف شو صارلي وقبلت تكلمت معاه فالفايس ومبعد طلب مني رقم الهاتف معطيتهولوش حتى لدورقا ملاين أصر عليا بزاف قولتوا أنا لنعيطلك !!!!!!! وندمت المهم ورجعت نعيطلوا مرة ولا زوج مرات في الأسبوع بالماسكي باش ميسروليش مشاكيل كنعيطلوا بالماسكي دقائق معدودة فقط بسأل عن أحوال فقط
هو عندوا لخدمة بزااف وكيدخلش للفايس وأنا عندي مدة معيطلوش
والله نحس بروحي مخنوقة وغير حابة نبكي برك راني بين وبين من جهة نبكي على روحي كيفاش وليت ونحس بذنب بزااف ومن جهة معلاباليش بلاك والفتوا
أنصحوني وجهوني راني ضايعة

[نورسين.داية]

أنتي متناقضة عزيزتي ماكتبته في البداية يختلف عن ماكتبته في النهاية ......هذا هو الحل


لكم أكره الناس الذين يتحدثون بلهجة غير لهجتهم أو لغتهم الأصلية

[سجل أنا جزائري]

أختي كامل بنات يقولك هكذا أنا خاطيني و خاطيني و خاطنيني

و مبعد تقولك أني تعرفت هناك تنافض شوي ؟؟

المهم أختي الحل باين اذا صح كنتي بنت فاملية تقطعي العلاقة مباشرة و نهار يجيك يخطبك من والدين هذي حكاية أخرى

أما تبقاي هكذا ما تحوليش تقنعينا بيلي راكي خاطية و متربية و و و و راكي كيما تني كيما البنات اللي راهم يضربو المواعد كليكما عندكم واحد الفرق برك نتي راكي في البداية الطريق و اذا كملتي في هكذا تولي كيفهم او أكثر ...

[loulou88]

السلام عليكم
اختي انا نقلك جملة واحدة: اقطعي الشك باليقين
كيفاه؟ حطيه في امر الواقع كيفاه؟ يا ولد الناس جاي تخطب باب دارنا مفتوح قلتي لا مع الف سلامة
وهكذا تكوني مرتاحة نفسيا

[dabour1]

الحل هو الدار يجي يخطب لأن الفيس بوك وهم الحقيقة يجي يخطب وعلى الأقل يجي للدار يشوفك مع دارهم و إلا أقطعي العلاقة فورا نصيحة أخ و إياك تعطيه سر ولى صورة ولى حتى شيء ربما هو إنسان غير سوي أو النفس الأمارة بالسوء ويستغل ذلك باش يهددك و في هذه الحالة إياك الرضوخ له مهما كانت النتيجة...........

[naamane3]

كنتي خاطيك ومن بعد اصبحتي تاع ميليو
وباش ترجعي خاطيك امحي رقمه
وامحيه من الفيس بوك وقبل كل هذا
امحيه من دماغك واستغفري الله كثيرا
وامحي كذلك صديقتك التي اوقعتك في مثل هذه المشكلة

[فضيلة ابراهيم]

التائب عن الذنب كمن لاذنب له استغفري توبي اقطعي العلاقة فورا الفايس بوك عالم افتراضي يعني سراب وقولتي خفت والفت بيه يعني تكملي ولف حتى توصلي لسمح الله لحاجة اخرى وانصحي صاحبتك وحاجة اخرى اهدري بلهجتك اعلاه سمعتي مرة اللبنانية تهدر بلهجة الجزائرية

[knives66]

يخي قال يجي يخطب علاه راه يطول في لحديث

ما تعبيش روحك بندم إذا موش حاب يجي يخطب قوليلوا تهلي في روحك وهذيك هيا طريق

[الجليس الصلح]

السلام عليكم ورحمة الله
اذا كانت نيته حسنة يأتي لخطبتك وإلا صار ما تفعلينه انت وهو
لعب وما عليك سوى قطع علاقتك معه

[ايهان]

واللله يا بنتي اخطيك من العلاقات المشبوهة راكي تبداي هكا ومن بعد تكمليها اسوا
ننصحك اتلهاي بقرايتك والزواج والله ماهو شطارة ماهو قفازة راهو مكتوب اللي ليك والله ربي يجيبو لرجليك واللي ماهو ليك غير يعييك
توبي لربي واخطيك من الفايسبوك والتلفون روحي تقولي مشكلة الاخ سمايل في منتدى المشاكل الاجتماعية خطب وحدة ومن بعد اكتشف راهي كانت علاقة مع واحد بالتليفون وصاحبو لي قالو روحي يابنتي واقراي بلاكي زيد تصرالك زيها واش دراكصاحبتك ماقالتلوش على كل معلوماتك ولا حتى الرقم. تاعك..........توليهي مازالك صغيرة والشيطان صعيب
اخطيك من صحبة السوء ومن علاقة مشبوهة نصيحة من ام

[كلنا راحلون]

المشاركة الأصلية كتبت بواسطة سجل أنا جزائري

أختي كامل بنات يقولك هكذا أنا خاطيني و خاطيني و خاطنيني

و مبعد تقولك أني تعرفت هناك تنافض شوي ؟؟

المهم أختي الحل باين اذا صح كنتي بنت فاملية تقطعي العلاقة مباشرة و نهار يجيك يخطبك من والدين هذي حكاية أخرى

أما تبقاي هكذا ما تحوليش تقنعينا بيلي راكي خاطية و متربية و و و و راكي كيما تني كيما البنات اللي راهم يضربو المواعد كليكما عندكم واحد الفرق برك نتي راكي في البداية الطريق و اذا كملتي في هكذا تولي كيفهم او أكثر ...

444444444444444444444 ماتساش نسبة قليلة حاطين ريسانهم حابين يديرو ديار ولمقابل مادوخش انذال خاطبين ويتكلمو فلهاتف مع لبنات ومايتكلمو مع خطيباتهم تناقض .....................ولي درات دار 1000مبروك
السلام عليكم


الى الأخت صاحبة مشكلة منطق 1 / 0


يتقدملك الى بيتكم خطبة وتعجيل او قطع علاقة قبل سقوطك في دوامة ولف

موفقة