~¤ô¦¦§¦¦ô¤~ بيتك جنتك و رضاء ربك مبتغاك 7 ~¤ô¦¦§¦¦ô¤~

[ام متين]

صباح مبارك وجمعة مباركة للجميع

[ام متين]

[سرور2]

صباح النور لبنات

صباخ النور ام متين

هدون النهارات لهيت غسلت الزور كملتهم وتهنيت وكملت الشنبرة انتاعي

وكل منخدم غرفة نخدم معها قجر يعني انتاع خزانة ولا ملابس الاولاد ولا قجر من قجور الكوزينة

البارح نضفت بيت رقاد تنضيف عميق ولمدت القش باش نخسلو هدون اليومين الكوزينة ثاني كل مرة نخدم جهة كملت الثلاجة وتحت البوطاجي ثاني نضمتو وفرزتو. وحتى الثلاجة كملتها موالي كوزنيار والماعن فوق بوطاجي والفايونص انتاع البوطاجي ونتهنى

حابة قبل رنضان بيومين ولا 3نخدم بلا بقلاوة ونخدم لتارت باش نظير بيهم الكيش لرمضان معولة على لتارت انتاع الهام جربتهم من قبل وخبتهم غير في الثلاجة ومصرالهم والو يعني ندير كمية لباس بيها ونحبد بشوية باذن الله

السبور راني يوميا ندير

الاكل الصحي كيف كيف راني غير مع الخضر مفورة او لحن مشوي او نعوضو ببيض مطبوخ اما المرق نحيت كاااامل الزيت منو شتى فيه لحم ولا بدونو ندوزن بلا زيت

اما السلطات ندير زيت زيتون فيهم منو يشبع ومنو مفيد

هدون هم ايام لفاتو
اما تجهزات لرمضان مزال مصرفت والو ومنضنش نوجد يعني كل يوم بيومو وربي ورحمتو

هذي ايامي يوم موفق للجميع

لبنات ياريت تعطوني نوع صانبو تكون رحتو قاوية وزينة

انا بيا نسكن ميامي الرسطورات نضل نسيق كيف كيف نرة هاك زيرجع الذباب حتى ونسيق 10مرات في النهار اكيد حطولي مع صور

من بعد نطل كشما نلقى باش نبعثهم يشرولي ونكمل تنضيف

[ام متين]

سرور ربي يقويك اختي انا نستعمل مزيل الكلس ومعقم ويخلي رائحة طيبة نتاع aigle برائحة الخزامى لونه بنفسجي

[ام متين]

بما ان اليوم مخصص للجانب الديني فياريت يا شاطرات نحاولو نكملو التنظيفات والتحضيرات خلال هذا الاسبوع ان شاء الله ونخليو 3 ايام للراحة الراحححححححححححححححة حتى نتمكن من الصيام والصلاة ونقوم بيها على اكمل وجه واحنا مرتاحين وماشي نتعب نتعب ويلحق الوقت ما نقدروش نوقفو حتى لاداء الصلاة المفروضة لان رمضان شهر خاص والعبادة لازم تكون على قدر هذا الشهر المبارك

[ام متين]

وا لاكيد المؤكد اننا نساند بعضناالبعض لان انا شخصيا استمد قوتي من الله ثم انتن من بعدة طاب يومكن

[hanamohamed]

يامن بيده مقاليد الأمور و الخير كله اجعل لأحبتي في هذا اليوم
دعوة مستجابة ومع كل نسمة هواء كربة منزاحة و في كل لحظة قربة و طاعة
وِعآفي كِل مرِيَض وِأرحِم كُل مِيت .. وأشَرِح صُدِوِرِنآ إنِكَ علىُ كُل شئَ قَديرُ ..

[omelbanin]

ام متين ،هنا محمد شكرا على الادعية .
ختي سرور ،ننصحك بعملاق ،منظف وريحتو شابة وقاسحة ويقولك تطرد الحشرات

[omelbanin]

حبيبتي ام صفصف،اذا بنتك تقرا السنة الثالثة ،كاشما عندك مواضيع نتاع الرياضيات، والفرنسية . صوريهملي تعيشي ،مازالني مع المراجعة ما كملوا ما هناونا.
ربي يعطيك ما تتمناي.

[سرور2]

سلام لبنات

شكرا ليكم على الاقتراح لصانبو

كملت اشغالي اليوم نعتبرو راحة مع اني سيقتوفرزت ومعسبور هديك هيا

منغدوة كما نزيد نضف

اختي ام البنين روحي لعمي قوقل واكتبي

(الموقع الاول لدراسة في الجزائر ) راهيهبطلك كاملالاختبارات في جميع المواد وجميع الفصول انت اختاري الفصل الثالث وهزي وش تحبي راه فيه تمارين واسئلة روعة حتى مكن يدروهم نفس العمليات او التمارين او الاسئلة

يعني موقع هايل من جميع النواحي

[omelbanin]

شكرا شكرا ختي سرور ،لقيت المواضيع مصورين. انا ما نحبش نحمل لاني نكونيكتي ب 3g سما تنقصلي بزاف الانترنات.

[سرور2]

العفو اختي

تقدري حتة تعطلها البورطابل وتحل شفهي عادي يعني المفيد في الموقع والتمارين

[حياتي كلها امل]

السلام عليكم يافرشات غبت نهار لقيتكم افنسيتو في الصفحات الله يبارك.
اهلا ام صبرين زهيتي الحالة وشراكي ام متين و الله غير عقلك يوزن بلد كيما يقولو ،ام راضية ربي يعاونك مع البنيان ويحفظلك بنتك راهي شاطرة اله يبارك،اروى وشراكي وشراهم الفليلسات ان شاء الله يكونو ريحو،هنا محمد شكرا على الادعية الي دايمن تنورينا بيها وياربي تكون بنتك خدمة وتفرح وتفرحك يارب،وشراكي ام هارون مقدرتش البارح انقولك صح فطورك يارب انجحلك وليدك.اختي سرور وشراكي وربي يعاونك.

[حياتي كلها امل]

انا الامس كتبت تقريري الصباحي في المساء بعد ماصليت الظهر اولادي قالولي السخانة درينا نعومو ولا باباهم نفخلهم لبيسين وعشيت نعمرلهم في الماء هما يعومو رحت عملت مقرقشات تاع ام وليد للقهوة تاع العشيةثم رحت رقدت بنتي الصغيرة وولادي لخرين خرجو من لبيسين زرزقولي كامل الدنيا وليت سيقت ودرت المشينا الدور باه نغسل الحوايج ثم طيبتلهم الحليب ورحت غسلت المواعن بطاجي معمر ثم انشرت الحوايج صليت العصر والاذكار ثم جات بنت لوستي ضيف قعد معاها زادت راحت عند سلفتي وانا درت العشاء شربة فريك وسلطة طرشي جات بنت سلفتي تعشات عندي ثم غسلت المواع صليت العشاء فرشت قعدت مع زوجي ثم رقدنا

[حياتي كلها امل]

اليوم الصباح نضت على 7:20لان الصلاة عندي عذر شرعي قريت الاذكار طيبت القهوة وشربت ثم غسلت المواعن ورحت للصالون عندي وحد الخزانة دايرة فيها الفراش والمخايد والدراوات فرغتها ونحيتها من الصالون ودرتها في الشمبرة مسحتها كامل من الفوق من الوراء والداخل وعاودت سرجتها وخملت الشمبرة ورحت الى الصالون سيقتو وخملتو قلت غدا نغسلو الحيطان لان يوم الجمعة عدنا مشكل الماء يروح وسيقت الكلوار ثم عملت الفطور كباب وضرك نسنا زوجي ونفطرو