عييت بزاااااف

[مشكلتي]

مشكلتي ان خطيبي لم يتصل بي مدة شهرين مع العلم لا نتكلم كثيرا مجرد السؤال عن الاحوال هو يعمل خارج الولاية في الامن وانا بدات الشكوك تاخدني وتجيبني وانا عمري ماتصلت بيه لكن طول المدة جعلني حايرة علابالي ماصرالو والو مي علاش مقاطعني ومانقدرش نسقسي اهلو تجيني حشومة ديرت الكوراج وقلت نعيطلو تفاجات يطلعلي اوكوبي جاتني بلي دايرني ف لاليست غوجات تخلعت وجن جنوني بعتلو اس ام اس والو مسمطني والله دالي قلقا ربي وحدو لعالم بها مع العلم انوخطبتنا تقليدية وشغل ومعندهاش بزاف ومازال ماوالفناش بعضنا مي باش تقولولي عادي لا لا درستها من كل الجوانب والو غير يقولي ماعبتينيش ولا سبة ومايخلينيش هكدا وماتقولوليش يحشم ومايحبش يهدر في الهاتف اصلا تفاهمنا مانكتروش مي مايحوش شهرين قراف حتى دارني كولون عصبي حبيت نفهم الناس هادو كيفاش يخممو راه يتعامل مع انسانة ماشي مع جماد

[سومية88]

اصعب عقلية رجل لي يخدم في سلك الامن عقلية صعيبة بزاف عن تجربة زيد ي خمي مليح وربي يفتح عليك

[زبدة ذايبة]

يا أختي

أغلب الناس مايزوجوش مول الكاسكيطا

صراحة معروف عليهم الفساد الأخلاقي إلا من رحم الله

ومشكلتك ذكرتني بمشكلة صديقة لي

كان خطيبها في الأمن في ولاية بعيدة

وبعد الزواج اكتشفت أنه يتعاطى المسكرات ووووووو

ممكن يكون خطيبك ماشي من هذا النوع

لكن إذا دخلك الشك فيه فمن الأحسن تفسخي هذا الخطبة

خير من اللي يطرطقلك عرق في راسك

ماراكي بصحتك ماراكي بالزواج

وأغلبهم فاسقين

اسمحيلي على تعبيري لكن هي الحقيقة

إلا من رحم الله

تزوجي بواحد يبيع الخضرة ويخاف ربي

خير من واحد يظال يلعب ببنات الناس

كل يوم يجيبلك حكاية

يطروشوه لبنات كل يوم مع وحدة وكل يوم بحال

وانت وين راه محلك من كل هذا ؟؟؟؟؟ الله أعلم

ممكن باقي الأعضاء مايوافقونيش

ويعطوك آراء مختلفة

لكن صدقيني عن تجربة وقعت لصديقتي وللأسف انتهى بها الحال إلى .....................

إذا شكيتي فيه صدقي قلبك وإحساسك واحد مايغلطك وماتغلطيش روحك

سبحان الله

كان كلام صديقتي أنها كانت تشك فيه وكان يجيها الإحساس بلي إنسان تاع علاقات آثمة

وغلطت لما كذبت إحساسها لأنها بكل بساطة كانت حابة تتزوج بأي ثمن

ووقع الفاس على الراس

نتمنالك التوفيق

[*أم سجى*]

المشاركة الأصلية كتبت بواسطة زبدة ذايبة

يا أختي

أغلب الناس مايزوجوش مول الكاسكيطا

صراحة معروف عليهم الفساد الأخلاقي إلا من رحم الله

ومشكلتك ذكرتني بمشكلة صديقة لي

كان خطيبها في الأمن في ولاية بعيدة

وبعد الزواج اكتشفت أنه يتعاطى المسكرات ووووووو

ممكن يكون خطيبك ماشي من هذا النوع

لكن إذا دخلك الشك فيه فمن الأحسن تفسخي هذا الخطبة

خير من اللي يطرطقلك عرق في راسك

ماراكي بصحتك ماراكي بالزواج

وأغلبهم فاسقين

اسمحيلي على تعبيري لكن هي الحقيقة

إلا من رحم الله

تزوجي بواحد يبيع الخضرة ويخاف ربي

خير من واحد يظال يلعب ببنات الناس

كل يوم يجيبلك حكاية

يطروشوه لبنات كل يوم مع وحدة وكل يوم بحال

وانت وين راه محلك من كل هذا ؟؟؟؟؟ الله أعلم

ممكن باقي الأعضاء مايوافقونيش

ويعطوك آراء مختلفة

لكن صدقيني عن تجربة وقعت لصديقتي وللأسف انتهى بها الحال إلى .....................

إذا شكيتي فيه صدقي قلبك وإحساسك واحد مايغلطك وماتغلطيش روحك

سبحان الله

كان كلام صديقتي أنها كانت تشك فيه وكان يجيها الإحساس بلي إنسان تاع علاقات آثمة

وغلطت لما كذبت إحساسها لأنها بكل بساطة كانت حابة تتزوج بأي ثمن

ووقع الفاس على الراس

نتمنالك التوفيق

مول الكاسكيطا معروف عليهم الفساد الاخلاقي؟؟؟ وأغلبهم فاسقين ؟!!!من قال هذا ؟!! أم أن حادثة صديقتك وزوجها جعلتك تسقطين القاعدة على الجمييييييع !........نرجع لصاحبة الموضوع ..ربما خطيبك مازال في فترة ستاج راه ممنوع عليهم الهاتف واذا كان لا أبعثيلو مساج قوليلو كي تكون قاعد عيطلي وانتظري رده مع الأيام تتضح الأمور وانشاله مايكون غير الخير وربي يتمملك فالصحه والهنااااا

[bello angel]

يا اختي ما تظلميهش ما علابالكش واش راه صاري معاه
والله صعيبة اني حاسة بيك
ديري الكوراج و عيطي لدارهم صقصي عليه مافيها والو ولا هما يعرفو التهار لول يجو يخطبو و مبعد يعلقو بنت الناس
ننصحك ما ديري حتى حاجة تندمي عليها حتى تفهمي وش صاري

انتظر عاى احر من الجمر تكملة لموضوعك قولينا واش صرى

[محمد جديدي التبسي]

بردي قلبك وخلاص هذا خير لك وافضل من الناحية الشرعية
ربما هو سأل عن حكم التحادث بين الخطيبين وعرف الحكم الشرعي والتزم به وكثير اعرفهم مستحيل يتكلمون مع خطيباتهم قبل العقد ..انت المفروض عندك رقم اخته أو والدته تتصلين بها وتسألين عن الاحوال بين الحين والآخر هذا عادي ومطلوب..ربي يتم زواجك على خير

[سوريانا]

اختي اذا دارهم هوما ثاني ما سقساوش عليك هاذي المدة وانتي حشمانة باه تعيطي
افتحي الموضع مع امك وهي توصل الميساج لابوك ولا اخوك و قوليلهم بلي هاذو شهرين مابانوش عليهم حتى اخبار خليهم يتاصلو بيهم و يعرفو وش كاين ..في ناس ربي يهديهم
اختي ما تقلقيش روحك
لي جات فيه طفرت فيه

[saoud.badis]

صحاب الكاسكيطا معروف عليهم الفساد الأخلاقي و أغلبهم فاسقين
512000 عسكري + الشرطة + الجمارك يصبح المجموع حوالي مليون إطار . نقسموهم على 2 لأنك قلت أغلبهم . يخرجلنا حوالي نصف مليون فاسق .
لا حول ولا قوة الا بالله .

[زبدة ذايبة]

المشاركة الأصلية كتبت بواسطة أمل 95

مول الكاسكيطا معروف عليهم الفساد الاخلاقي؟؟؟ وأغلبهم فاسقين ؟!!!من قال هذا ؟!! أم أن حادثة صديقتك وزوجها جعلتك تسقطين القاعدة على الجمييييييع !........نرجع لصاحبة الموضوع ..ربما خطيبك مازال في فترة ستاج راه ممنوع عليهم الهاتف واذا كان لا أبعثيلو مساج قوليلو كي تكون قاعد عيطلي وانتظري رده مع الأيام تتضح الأمور وانشاله مايكون غير الخير وربي يتمملك فالصحه والهنااااا

ليست قاعدة هي حادثة

وإن كنت تجهلين مايحدث في المجتمع

فماعليك سوى أن تكوني من رواد منتدى مشكلتي

لعل وعسى تتغير نظرتك

[امال 2005]

السلام ابنتي ننصحك بالاستخارة ماخاب من استخار

[sarl02]

المشاركة الأصلية كتبت بواسطة زبدة ذايبة

يا أختي

أغلب الناس مايزوجوش مول الكاسكيطا

صراحة معروف عليهم الفساد الأخلاقي إلا من رحم الله

ومشكلتك ذكرتني بمشكلة صديقة لي

كان خطيبها في الأمن في ولاية بعيدة

وبعد الزواج اكتشفت أنه يتعاطى المسكرات ووووووو

ممكن يكون خطيبك ماشي من هذا النوع

لكن إذا دخلك الشك فيه فمن الأحسن تفسخي هذا الخطبة

خير من اللي يطرطقلك عرق في راسك

ماراكي بصحتك ماراكي بالزواج

وأغلبهم فاسقين

اسمحيلي على تعبيري لكن هي الحقيقة

إلا من رحم الله

تزوجي بواحد يبيع الخضرة ويخاف ربي

خير من واحد يظال يلعب ببنات الناس

كل يوم يجيبلك حكاية

يطروشوه لبنات كل يوم مع وحدة وكل يوم بحال

وانت وين راه محلك من كل هذا ؟؟؟؟؟ الله أعلم

ممكن باقي الأعضاء مايوافقونيش

ويعطوك آراء مختلفة

لكن صدقيني عن تجربة وقعت لصديقتي وللأسف انتهى بها الحال إلى .....................

إذا شكيتي فيه صدقي قلبك وإحساسك واحد مايغلطك وماتغلطيش روحك

سبحان الله

كان كلام صديقتي أنها كانت تشك فيه وكان يجيها الإحساس بلي إنسان تاع علاقات آثمة

وغلطت لما كذبت إحساسها لأنها بكل بساطة كانت حابة تتزوج بأي ثمن

ووقع الفاس على الراس

نتمنالك التوفيق

مرات اجي فيها ومرات اتخلطيلها جدها ...قلتها لك سابقا لا تبني قناعاتك وتصنعين لنفسك قواعد بناء على حوادث شاذة وقعت داخل قوقعتك الصغيرة ...يعني راجل صحبتك اخرج يشرب الخمر جعلك تجزمين بان اغلب رجال الامن فاسقين ؟؟انت اثمة وحرام عليك ما قلتيه هنا ربي يهديك...وهذا دليل على عدم بعد نظرتك وعدم بلوغك مستوى فكري معين يجعلك تمحصين مختلف القضايا وتبدين فيها اراء قريبة للصواب ....انا اعرف العشرات من اصدقائي ومنهم من الاهل وا ابناء الحي منخرطون في مختلف الاسلاك الامنية بمختلف رتبهم ومالمسجد ما يخرجوش وشادين في دينهم وصلاتهم ومتزوجين وبانيين اسر ناجحة ...والشاربون للخمر والمتتبعون لشهواتهم موجودون على مستوى كل فئات المجتمع نسال الله لهم الهداية ...واكررها لك لا تجزمي مستقبلا باشياء انت جاهلة لها اساسا....والى الاخت صاحبة المشكلة عليك بتقصي اخباره بكافة الطرق التي لا تجرح كرامتك والغائب عذره معه ولا تدري ما ستصادفين به وان شاء الله خير.

[lydiareve]

الله يهديهم

[beautifulmin85]

المفروض ان يكون مقياس اي فتاة يتقدم لها الخاطب الدين اولا فصاحب الدين المصلي المتقي لله

لا يجعل الفتاة المسلمة التي يتقدم لخطبتها تعاني بسببه خاصة وانه مازالو في بداية المشواري

يعني مع بسم الله كما نقول ويفعل بها هكذا فماذا بعد الزواج ؟؟؟

الاخت التي قالت ان اغلب المنتسبيين للسلك العسكري اهل فساد ولكن المشكل ليس هنا

المشكل ان كلمة اغلب صارت تعم كل الفئات فاغلب الموظفين في المؤسسات يسرقون من الوقت

الا من رحم ربك

واغلب البنات صرن يتبرجن ويقمن بعلاقات وانحلال وفساد الا من رحم ربك

واغلب الشباب صار عبدا للشهوة وتضييع الاوقات بما يغضب الله الا من رحم ربك

اغلب اغلب الفساد قد عم وهذا مصداقا لقول الله عز وجل :

(ظَهَرَ الْفَسَادُ فِي الْبَرِّ وَالْبَحْرِ بِمَا كَسَبَتْ أَيْدِي النَّاسِ لِيُذِيقَهُم بَعْضَ الَّذِي عَمِلُوا لَعَلَّهُمْ يَرْجِعُونَ (41)) الروم

فلا يوجد عاقل ينكر ان الفساد قد عم وان الناس في مجملهم اصبحوا عبيدا لشهواتهم وغرائزهم

ولا اقل من ان تذهب للمسجد في اوقات الصلوات خاصة الفجر لترى من نسبة اهل الصلاح بمقابل من لا يصلي

ولكن لازال الخير وفي كل مكان هناك اهل الخير واهل الفساد وحتى في اصحاب الامن والعسكر فيهم اهل الخير

وان كانوا قلة لكن موجودين والاخت المفروض ان تسأل عن دين الرجل وخلقه وصلاته هكذا لتضمن لنفسها

زوجا تقيا يخشى الله فيها ولا يهملها او يؤذيها ونسال الله ان كان فيه خيرا ان يتمم لك بالخير وان كان غير ذلك

ان يعوضك من هو خيرا منه وربي يفرج على كل شباب وبنات المسلمين

[yako02]

ربي يكون في عونك يا اختي اذا هو مطفي التلفون عليك اكيد عندو سبب اما ظروف الشغل اما انت اما هو نفسه عندو مشكل مع هذه الخطبة المهم هناك سبب اذا علاقتك مع اهلو مليحة او اختو اتصليي بيها و حاولي بطريقة مباشرة او غير مباشرة تسألي عليه مثلا قوليلها فلان عيطلكم و شوفي اذا راهو يتواصل مع اهلو و انت لا فهناك مشكل و عليك معرفته قبل فوات الاوان او قبل ميفوت الوقت لانو تاني والله كاين شباب يخطبولهم اهلهم و هو رافضين فكرة الزواج و الله اعلم اما راي الاخت في انه يتبع طريق الفساد و ان الامن فاسقين و فاسدين نقلها ربيي يهديك تقذفين في ناس متعرفيهمش تستفيهمو على ناس و انتوما ما فاهمين فيها والو كاين لي من الجامع مايخرجش و يدير المعاصي هذا واش تقولي عليه الغايب اختي عذره معه فاله عز وجل اوصانا ان نلتمس لاخيك المسلم 1000 عذر فان لم تجد فاصنع له عذراااا
اتصلي بيه اختي و حاولي تحطي النقاط على الحروف و اذا هو في ولاية اخرى و يقدر واحد من خواتك يروح عندو خليه يروح و يعرف واش كاين او يعتبرها زيارة ليه بطريقة غير مباشرة ربما يكتشف امور انت لا تعرفينها

بالنوفيق

[روح المي]

اختي استخيري ربي
واذا مسالتيش عن اخلاقوا قبل زواج اسالي مش راح تخسري حاجه
احتمال عندوا مشاكل خاصه وميقدرش يحكي واحتمال كبير مهوش حاب يحكي معاك
ليس لانه مشغول بغيرك فقط لانه لا يريد علاقه يكون بها معصيه لله
لاتظلميه
احكي مع اهله طبعا ليس انت بل والدتك وربي يجيب الخير ليك اختي