موضوع مميز ورشة عمل نابرون بطريقة المنسج - الصفحة 3

حورية38 · 2014-01-14, 12:34

اقتباس:

المشاركة الأصلية كتبت بواسطة أم آدم الأوراس

يعطيك الصحة اختي حورية ياريت اختي تنعتينا موديلات للسمسم والعدس وثاني اختي ما فهمتش الخيط بلفيه على المسمار ولالا وبين مسمار ومسمار كيفاه نتنقل ياريت تكوني فهمتيني

االاستراس انا درتو باش نوريلكم بصح كل وحدة تدير واش تحب انتي ادا حابة السمسم ديريه وتقدري مكان تقاطع الخيط

تحطي سمسم وراه كاين موضوع اخر ليا فيه موديلات شوفية بلاك تلقاي فكرة تساعدك
من بعد نحاول نرسملك الخيط منين يفوت اصبري برك

سوسو الطموحة · 2014-01-14, 18:21

اقتباس:

المشاركة الأصلية كتبت بواسطة حورية38

صح اختي لكن هادو ما يتغسلوش يتمسحو بفرشاة الملابس فقط وراهي سالت اخت قبلك وجاوبتها

شكرا لك على الرد .....صح عفسة الفرشاة مليحة ....ما شفتش الاجابة على الاخت .....ماعليهش في الاعادة افدة.....اذا كانت عندك اعمال اعمال انا نحب نشوفها

حورية38 · 2014-01-17, 00:54

مشكورات كامل على الردود حبيت نقولكم الى كاين موديل اخر تقدرو مكان التقاطع تخدمو بالخيط يعني تحزمو التقاطع بدل وضع الغراء والخيط ممكن كدلك بالصوف الى تتباع هديك لي نخدمو بيها الشالات وتقدرو تخدمو بنفس طريقة المفرش لي في الورشة مفيتحات او حواف خزانة وغطاء طاولة وحتي ليكادر وافرشة سرير وموفقات جميعا

مواطنة · 2014-01-17, 15:23

ماشاء الله اختي حرية على الورشة حتى اليوم باه شفتها

حورية38 · 2014-01-17, 18:12

اقتباس:

المشاركة الأصلية كتبت بواسطة مواطنة

ماشاء الله اختي حرية على الورشة حتى اليوم باه شفتها

الله يبارك فيك اختي منورة

amani32 · 2014-01-19, 09:08

حبيت نسقسيكم فقط على الاطار شريتوه واجد ولا خدمتوه

عاشقة الزمان · 2014-01-19, 10:31

شكرا حنونة

وليد مولودية · 2014-01-20, 11:39

ما شاء الله عليك

حورية38 · 2014-01-20, 12:17

اقتباس:

المشاركة الأصلية كتبت بواسطة amani32

حبيت نسقسيكم فقط على الاطار شريتوه واجد ولا خدمتوه

الاطار ينباع واجد لكن بلاستيك وهدا الخشبي انا خدمتو عند النجار لكن تقدري تخدميه على قطعة لوح وترسمي المربعات عادي انا درت موضوع قبل الورشة تلقاي فيها نمودج