حراير الحقو

ritage mimi · 2016-09-11, 18:21

مساء الخيرات تعيشو رانا في يوم مبارك عاونوني واجركم على الله ربي يعطيكم ماتتمناو عرسي قريب وراني مزالني نتعلم في الطياب عاونوني خاصة المرق بش تجي بنينة وشي هو السر تاع المرقة البيضاء بش تجي خاثرة وبنينة وشي التوابل اللي يجو فيها والمرق كذلك حطولي حتى روابط للاكلات لو سمحتم عندي انتوما بعد ربي سبحانو بش تعاونوني تعيشيى ام اماني ام رامي ام كوثر كل الشيفات تعيييييييييييييييشوووووووووووو

ritage mimi · 2016-09-11, 20:28

يعني وحدة فيكم متعرف طيب لا عندها فكرة من اللي نسقسي عمركم لا تجاوبوني

حياة نور الدين · 2016-09-13, 18:20

اهلااا اختي علاش القلق وعلاش متعدروش حبيبتي رانا مع العيد وكل واحد مشغول بالتحضيرات
المهم عيدك مبارك

اختي المرق الابيض سرو انك ترابي البصل بكمية مليحة وتعملي ملح وفلفل اسود او ابيض ومرات بعض الاكلات يطلبوا القرفة وزيد قلي بالزبدة وقلي جيدا حتى تشوفي اللحم او الدجاج تغير لونه ودبل وانت تحركي منبعد مرقي ومتكثريش المرق عينك ميزانك مثلاااا الدجاج ميطلبش وقت طويل للطياب متكثريش الماء اما اللحم يشد الوقت شوية امثر زيدي الماء وبما انك مبتدئة ضيفي الماء بكميات متاقطعة حتى توالفي
وعلى الروابط حبيبتي ادخلي في الاقسام وابحثي واش تسحقي وراه تلقاي الاجابة الكافية والوافية