بيع البيض بالجملة ؟!!

doudou89 · 2017-09-06, 20:24

السلام عليكم و رحمة الله و بركاته
اريد معلومات فيما يخص توزيع البيض بالجملة لأصحاب المواد الغذائية و من اين يتم التسوق و اذا امكن هامش الربح هل هو جيد
إن شاء الله نلقاو صحاب الميتي معانا يفيدونا

ry ad · 2017-09-07, 04:25

السلام عليكم أخي نعرف واحد عنده peugeot partner يسلع فيها البيض و يبيع للمحلات خطرة سقسيته قالي في أفضل الأيام ندخل مليون فالنهار بصح خطرات يبيع و خطرات لا عمومل تجارة مربحة جداا لاكن أساسها أنك تتوكل على ربي وتاني خصك تكون تعرف تهدر مع أصحاب المحلات باش تكسبهم و نعاود نأكدلك خصك تون تعرف تهدر و بالتوفيق أخي
و تاني خصك تكون تعرف لي تشري عليه البض أنا هذا السيد لي راني نحكيلك عليه كول خطرة مين يشري خطرات يشري من مربي الدواجنو خطرات من عند التجار لي يبيعو بالجملة

doudou89 · 2017-09-08, 23:17

اقتباس:

المشاركة الأصلية كتبت بواسطة ry ad

السلام عليكم أخي نعرف واحد عنده peugeot partner يسلع فيها البيض و يبيع للمحلات خطرة سقسيته قالي في أفضل الأيام ندخل مليون فالنهار بصح خطرات يبيع و خطرات لا عمومل تجارة مربحة جداا لاكن أساسها أنك تتوكل على ربي وتاني خصك تكون تعرف تهدر مع أصحاب المحلات باش تكسبهم و نعاود نأكدلك خصك تون تعرف تهدر و بالتوفيق أخي
و تاني خصك تكون تعرف لي تشري عليه البض أنا هذا السيد لي راني نحكيلك عليه كول خطرة مين يشري خطرات يشري من مربي الدواجنو خطرات من عند التجار لي يبيعو بالجملة

تشكر اخي مي نورمالمو لازم فورقون فيها فريقو ولالا و حاب نعرف في لبلاطو الفايدة شحال

ry ad · 2017-09-09, 03:52

ماشي شرط أخي فريقو مام مول المحل لي يشري عليك مخليه برا
البلاطو الواحد نتا و شطارتك تربح 50 دج حتى 70 دج بالتوفيق

doudou89 · 2017-09-09, 12:32

اقتباس:

المشاركة الأصلية كتبت بواسطة ry ad

ماشي شرط أخي فريقو مام مول المحل لي يشري عليك مخليه برا
البلاطو الواحد نتا و شطارتك تربح 50 دج حتى 70 دج بالتوفيق

ربي يبارك فيك خويا رياض تشكر

mrmilano1984 · 2017-09-09, 18:11

اخي مشروع ممتاز وطبعا الفكرة ممتازة لكن انت هل درت تخطيط من قبل من اين تشتري السلع من اين تسلع الخ هل تملك معدات سيارة الخ يعني شاخنة صغيرة تليفري بيها مثلا هل تملك ايضا راس مالك لي راح تدخل به شعال تملك المهم علي حساب واش فهمت انك راح تبدا من الصفر يعني لاتملك زبائن اصلا ولازبون من قبل هكا او مادا هل تمك بعض ام لا اعطلنا لازم قبل ماتبدا تدر وتعمل تخطيط اخي جيد وشامل لمشروعك وهل راح تبدا وحدك مثلا او تعمل مع شخص ويكون هو سائق مثلا يعوضك احيانا او وحدك لصالحك تعمل

mrmilano1984 · 2017-09-09, 18:37

وزد حاجة الخدمة هادي فيها ريسك لانو البيض معرض للتكسر والكسر ممكن نعرف ناس خدمو البيض يقولولي البيض احيانا يتكسر ونورمال اخي اوك نتا ربحت ليك ومام خسرت خسرت ليك يعني مش اشكال ابدا اخي وطبعا النتائج راح تجي مع الوقت اي الفائدة ونزدلك نصائح

mrmilano1984 · 2017-09-10, 07:54

اتكل علي ربي وابدا اخي ولكن قبل ماتبدا اخي اي حاجة طبعا التوكل علي الله وطبعا تكون مجهز كل شيء اخي اوك من سيارات او شاحنة مصادر التسلع راس مالك مهم جدا باش تشري سلعة وطبعا انا جابلي ربي نتا جديد في ميدان تاعك لدا مش راح طبعا يكون عندك زبائن من قبل اسسا لدا مش راح يجوك هاك يعني نتا لازم در طريقة باش يشرو عليك نعرف واحد دار مشروع اصلا دخلة تاعو عيانة لانو ماعرفش يخطط مليح راح ماجابش اصلا شاحنة وكان يكري حتي يخرج شاحنة وزد البائن كان ضيع وقتو وجهدو وحتي البنزين كان يمشيلو في باطل اخي خسارة ليسلنس خو تصور نتا واحد يبق يدور برك علي محلات وهدا كامل خسارة وقت ومال ضائع هدرا

visa uk · 2017-09-15, 17:35

اين انت يااصاحب المشروع ون راك

doudou89 · 2017-09-16, 17:56

اقتباس:

المشاركة الأصلية كتبت بواسطة mrmilano1984

وزد حاجة الخدمة هادي فيها ريسك لانو البيض معرض للتكسر والكسر ممكن نعرف ناس خدمو البيض يقولولي البيض احيانا يتكسر ونورمال اخي اوك نتا ربحت ليك ومام خسرت خسرت ليك يعني مش اشكال ابدا اخي وطبعا النتائج راح تجي مع الوقت اي الفائدة ونزدلك نصائح

صحيح فيها ريسك التكسار خويا و زدت سقسيت لقيت بلي فيها معوقات بزاف سيرتو مع الطريق و لازم بلاصة مكيفة باش تصطوكي فيها و ماكانش رةوجيستر خاص بالبيض لازم يكون جزار المهم مشروع يحب الصبر و مليح يكون الممول قريب ليك باش تتفادى تكسار البيض و لي عندو معلومات يفيدنا بيها

doudou89 · 2017-09-16, 17:57

اقتباس:

المشاركة الأصلية كتبت بواسطة visa uk

اين انت يااصاحب المشروع ون راك

اهلا اخي مرحبا تفضل

mrmilano1984 · 2017-09-17, 17:36

اخي طبعا التكسا فيها فيها لكن حاجة وحيدة لازم تخسر ادا ماتخسرش ماتخدمش طبعا وحتي فرضا تكسرولك ياك خسارة ليك فقط وليس لشخص شريك او عامل تخدمو ربحت كما قلتلك ليك خسرت ليك اوك وايضا نعرف شخص يضل يعمل الكريدي للبعض طبعا مايعرفش يعمل اطلاقا بدا عندو 03 اشهر ولايمد القرض قتلو علاش قال لي سينون مانخدمش كامل قتلو الرزق علي ربي تخدم مع 1 او 02 دايمن احسن من عباد يدو عليك كريدي ويخلوك

visa uk · 2017-09-29, 21:28

اخي هل انت ناوي تعمل المشروع ام مادا مشروع مهم اخي

tahraoui1975 · 2017-10-09, 14:55

السلام عليكم

أخي المشروع جيد ومربح وانا عملت فيه في البداية ثم توقفت لعدة اسباب

1- عليك ان تجد اولا صاحب مدجنة وتتفق معه على اخذ كل البيض الذي ينتجه وتتفقون على سعر
2- ان تتوفر على سيارة ولو بسيطة ومن الافضل يكون عندك شاحنة صغيرة من نوع dfm
3- بيع البيض في الصيف ليس كالشتاء فالصيف تحتاج الى مكان بارد تخزن فيه البيض اما الشتاء فالبيض ممكن يبقى فالشاحنة
4- الفوائد تكون من 20 دج الى 60 دج فالبلاطو
نصيحة في حالة عدم ايجاد ممول للبيض ان تذهب الى ولاية البويرة وبالضبط بلدية الهاشمية ستجد مدجنة خاصة كبيرة جدا وتتوفر على البيض في كل وقت وممكن تتفق معهم

doudou89 · 2017-10-14, 19:40

اقتباس:

المشاركة الأصلية كتبت بواسطة tahraoui1975

السلام عليكم

أخي المشروع جيد ومربح وانا عملت فيه في البداية ثم توقفت لعدة اسباب

1- عليك ان تجد اولا صاحب مدجنة وتتفق معه على اخذ كل البيض الذي ينتجه وتتفقون على سعر
2- ان تتوفر على سيارة ولو بسيطة ومن الافضل يكون عندك شاحنة صغيرة من نوع dfm
3- بيع البيض في الصيف ليس كالشتاء فالصيف تحتاج الى مكان بارد تخزن فيه البيض اما الشتاء فالبيض ممكن يبقى فالشاحنة
4- الفوائد تكون من 20 دج الى 60 دج فالبلاطو
نصيحة في حالة عدم ايجاد ممول للبيض ان تذهب الى ولاية البويرة وبالضبط بلدية الهاشمية ستجد مدجنة خاصة كبيرة جدا وتتوفر على البيض في كل وقت وممكن تتفق معهم

تشكر خويا طهراوي ممكن تزيد توضحلي مليح كيما البيض لي يتكسر اذا يعطيك الزايد و البيض اذا تلقى الفاسد و ممكن الأسباب لي خلاتك تحبسو اذا عندها علاقة بالخدمة و اذا فيها تعب قصدي لهرج راك فاهم