|
منتدى النكت و الأخبار الطريفة نكت و طرائف... للترفيه عن النفس |
في حال وجود أي مواضيع أو ردود مُخالفة من قبل الأعضاء، يُرجى الإبلاغ عنها فورًا باستخدام أيقونة ( تقرير عن مشاركة سيئة )، و الموجودة أسفل كل مشاركة .
آخر المواضيع |
|
|
أدوات الموضوع | انواع عرض الموضوع |
2018-02-24, 12:39 | رقم المشاركة : 1 | ||||
|
** الحاج و الفارماسي **
السلام عليكم و رحمة الله و بركاته
بسم الله ... اسيدي و قالك هذا واحد الشيخ .. شيخ راني نقولك كبير في العمر ... عمرو في المليح " المليح مصطلح تاع دومين " ههه و هذا الشيخ يشتي يتمسخر ساعات و يرقد بالقواشي ... واحد النهار .... حكمتلو على واحد الفارماسي جارهم ... قالك و الله قلا جبت بيه الربع ... المدار ياسيدي ... هو طلع النهار ... و الشيخ عول يروح للفارماسي ... المهم دخل الشيخ للفارمسي : ااتل السلام عليكم قالو و عليكم السلام ... مرحبا الحاج ... تفضل قولها ... قالو : " اااوليدي عندكم الحشاوش ؟ هههه ( الحشاوش هو كيما المعدنوس و القصبر ) الفارماسيان تبريزا ... قالك شني يتمسخر بيا يحوس ع الحشاوش في الفارامسي !!! قالو والو يا الحاج ما عنديش ... رانا ما نخدموهش حنا ... المهم ... الحاج راح في طريقو عادي .. ... و قدوة مين ذاك راجع ليه : اااتل السلام عليكم ... اااوليدي كاين الحشاوش !! ههههه الفارماسيان قالك هذا راه دايخ وقيلا ... قالو الحاج راك قالط ما عنديش الحشاوش انا !!! الحاج قالو السماح و راح في طريقو عادي ههه ... المهم ياسيدي الحاج ولى كل مرة يجي يضرب دورة ع الفارامسي و يسقسيه ع الحشاوش ... الفارماسيان هذاك ..قالك هذا الشيخ كل مرة يجي يحوس ع الحشاوش ... انا و الله قلا شريت ربطة ولا زوج تاع حشاوش و نحطها في الكونطوار و كي يجي الشيخ راني نبيعالهو عادي هههه ... ايا كيما كان الحال ... الفارماسيان هذاك ... شرا ربطتين ولا ثلاثة تاع حشاوش و بريزونتاهم في الكونطوار و قعد يستنى ق في الحاج يجي و الحاج هذاك مريقل راني نقولك ... ق تطلع السمش ... ينوض يقضي صوالحو ...يفطر ...و يقول ربي .. و يروح للفارماسي ههه ايا سيدي ... جا الحاج للفاراماسي هههه اي و الله : اااتل السلام عليكم ... اااوليدي عندك الحشاوش !!؟؟ الفارماسيان قالو ايه يا الحاج كاين الحشاوش ... راه بألفين فراك الربطة برك ... وش قالو الحاج ؟ قالو : ابووي !! عمري ما شفت فارامسيان يبيع الحشاوش !!!
|
||||
2018-02-24, 12:41 | رقم المشاركة : 2 | |||
|
Hhhhhhhh loukaaaan jà wa7d a5eer nerveux raaaaah 5angouuu hhhhhhhh |
|||
2018-02-24, 12:45 | رقم المشاركة : 3 | ||||
|
اقتباس:
|
||||
2018-02-24, 13:00 | رقم المشاركة : 4 | |||
|
هههه
كيما صاحبنا تاع الف بيضة شكرا ميدو |
|||
2018-02-24, 13:13 | رقم المشاركة : 5 | |||
|
ههههههههههه |
|||
2018-02-24, 23:23 | رقم المشاركة : 6 | |||
|
يا لمعلم عندك ألف بيضة ؟؟ هههههه
|
|||
2018-02-24, 23:49 | رقم المشاركة : 7 | |||
|
|
|||
2018-02-26, 10:51 | رقم المشاركة : 8 | |||
|
هههههه شكراا لكم على المرور ^^ |
|||
2018-02-26, 10:55 | رقم المشاركة : 9 | |||
|
ههههههههههههههههههه هاد الشيخ خطير |
|||
|
|
المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية
Powered by vBulletin .Copyright آ© 2018 vBulletin Solutions, Inc