وصفات من حراير مطبخ وش طيبتي اليوم

[ام احمدي]

وصفة البقلاوة لام سراج وملاك

إضغط هنا لرؤية الصورة بحجمها الطبيعي.

اختي هاهي وصفة البقلاوة بصح كي ديري شرائط قبل متحطيهم لبرميهم وادهني بالبيض وحطي الشرائط قدام بعضاهم وقطعي الشكل لي تحبي مربع او مقرزطات

بقلاوة ملونة

مقادير العجينة
4 كيلات فرينة + كيلة دهان (3/4 سمن مدينة +1/4 زبدة لابال او ستار)+ ماء الزهر نذوب فيه رشة ملح +الماء + بودرة كاكاو

نخلط الفرينة مع الدهان ذايب وبارد ونحلهم براحة اليد ثم نبلل بخليط من الماء وماء الزهر حتى تتلم العجينة نقسمها الى كريات ناخذ كورة ونلونها بالكاكاو نغطوهم ونخلو العجينة ترتاح
الحشوة
3كيلات لوز + كيلة سكر عادي ناقصة شوية +زاست نتاع القارص +لافاني ونبلل بماء الزهر واذا استعملنا الكاوكاو نضيفلو معطر لوز مر +معطر لوز حلو
الطريقة
نرش الطاولة بالميزينة (النشاء)ونحل العجينة بالحلال ثم في المشينة ,نذوب مارغرين التوريق (صالحة) وندهن الصنية ونحط 4 طبقات وندهن بين كل طبقة وطبقة ونثقبها بالشوكة ونفرغ فوقها الحشو ونسوي السطح مليح ثم نزيد ثلاث طبقات وندهن بينهم
اما الطبقة الاخيرة نحل العجينة البنية ثم نمررها في الجهة الاخرى لمشينة البقلاوة للحصول على شرائط ونفس الشي بالنسبة للعجينة البيضاء يصبح عندنا شرائط من اللونين نبدا من وسط الصنية ندهن ببياض البيض ثم نحط شريط بني وبعدو ابيض وهكا واحد في جنب واحد ومايكونوش متباعدين حتى نكمل ثم نقطع البقلاوة مربعات ونحط فوق كل مربع وردة وحبة لوز او كاوكاو وندهنها للمرة الاخيرة وندخلها للفرن وفور خروجها وهي ساخنة نسقيها بالعسل نضيفلو قليل من ماء زهر ونخليها في الصنية ليلة كاملة ثم نقطعها ونحطها في ليكيسات


إضغط هنا لرؤية الصورة بحجمها الطبيعي.

[ام سراج وملاك]

عجين الشخشوخة الرقاق ام رحاب

لعجينة انا ندير فيها السميد فيه العلك ونزيد قيس حفنة فارينة انا اندير سميد مولا مولاكس فيه العلك واندير الملح وانشمخو مليح وانديرو في الساشي تعود مبلولة بعد نص ساعة نولي ليه وانعاود نعجنو مليح وندير قرصات تعود صغار يعني ماشي كي تاع المسمن تعود صغار عليه وانخليهم يرتاحو مليح امبعد انجيب طاجين المسمن وانحل بالوحدة ونطيبها من جهة وامبعد نقلبها وانحط اخرى وانحل لعجينة في الطابلة وكي نبدا رايحة انحطها فوق لوخرة نبدا انكسل فيها على الاخرى حتان تكملي كامل 12 ورقة وكي تكمليهم تعاودي وخدوخرين ويلا ماتعرفيش اخدميهم مع وحدة معاك باه اتعاونك امبعد اكي تكملي تفتهيهم بالوحدة وتلويهم كامل واتقطعيهم بالمقص تا الكوزينة
توجدي المرقة
اجيبي اللحم ولا الجاج اديريهم في الكوكوطة واديري عليهم الزيت واتخليهم يتقلاو واديري 2حبات بصل مرحيين واتخليهم يتقلاو شوية شوية ملح فلفل اكحل شوية راص الحانوت واديريهم ايطيبو وكي ايطيب الحم ديري 2حبات بطاطا وديري حميصو ومغرفة كبيرة طوماطيش مصبرة واتخليهم ايطيبو وكي ايطيبو لازم اتكون لاصوص عاقدة باه اجيك بنينة
امبعد تحكمي الشخشوخة الي قطعتيها واديريها تفور وكي تفور ديريلها شوية زبدة ماتكريش وعلاه اتفوريها انا نقولك تفري شخشوخة باه ايفيد فيها المرقة واجي طرية

[idron0]

دويدة مفورة بصوص بلونش لينا 11

ديري بصلة مع ثوم وحمص وتوابل قليهم مليح بالزيت وطراف دجاج
مرقي شوية ماتكثريش قيس يطيب الحمص برك كي طفي عليه زيديلو ربطة قصبر يمد بنة للصوص
من جهة ديري فرميسال تاعك في صحن كبير وديريلو زيت وحاولي تدخليه فيه مليح ديريه يفور مرة لولة وزيدي معاه زبيب يفور ايضا تفوريه مرة ثانية نحي زبيب تاعك باش تزيني بيه (ممكن تفوريه وحدو مايطولش يطيب ليه ليه )
ديريه في كاسرول كبيرة وديريلو شوية من صوص ماتكثريلوش وخليه على نار هادئة جدا يتشرب صوص هذيك
كي تجي تقدميها زيدي معها زبيب الي فورتيه وحمصي شوية من لوز افيلي من فوق
هذه هي طريقتي ونتمنى تعجبك لانها لذيذة بزاف بزاف.



إضغط هنا لرؤية الصورة بحجمها الطبيعي.

[دائمة الحمد]

ادرينو على سلامتك توحشناك مرحبابيك عزيزتي

[idron0]

المشاركة الأصلية كتبت بواسطة دائمة الحمد

ادرينو على سلامتك توحشناك مرحبابيك عزيزتي

الله يسلمك اختي انا تاني توحشتكم و ربي عالم رجعت الجمعة و الحمد لله راكم عائلتي في الله.

[idron0]

الطمينة ام رحاب

تحمصي الدقيق متوسط تاع الطمينة ماشي تاع المقروط وتحمصيها تكون ذهبية ماشي محرو الدقيق امبعد اتوجدي الزبدة والعسل لازم اتكون الزبدة اكثر من العسل باه مايجيش حلوة بزاف وديري فيهم نص مغرفة قرفة داخل الخليط تاع الزبدة والعسل وكي ايدوبو ترمي الطمينة تاعك واتخليها فوق النار قيس ماتخلطي ماتخليهاش بزاف راهي تيبسلك وتحطيها في طبسي بلا وتزينيها بالقرفة وليدراجي وحلوة بالترك.

[idron0]

قاتو رولي رفيف رانية

4 بيضات+ 100 غ سكر + 70 غ فرينة +مغرف صغيرة خميرة +فاني
انا حشيتو بكرام شانتيي ومن فوق ثاني درتلو لكرام شانتيي
والثاني عملوتو بشوكولا نوتيلا في الحشو ومن فوق شوكولا .

إضغط هنا لرؤية الصورة بحجمها الطبيعي. إضغط هنا لرؤية الصورة بحجمها الطبيعي.

[ام احمدي]

وصفات الشيييييييييييييييييف المتالقة ام اماني
كيش خفيف واقتصادي


https://
إضغط هنا لرؤية الصورة بحجمها الطبيعي.


بالنسبة للكيش انا قلت اقتصادي وخفيف لان فيه غير كمية قليلة من الزيت مش لي متعودين عليه بلابات بريزي

ناخذ بيضة نكسرها في كاس ونعمل نفس كمية البيض زيت ونفس الكمية حليب نحرك ونضيف الفرينةمع رشة ملح حتى تتلم العجينة نخليها ترتاح ونبسطها في مول مدهون بالزبدة نثقبها بالشوكة ندخلها للفرن تطيب نصف طياب

من بعد نضيفلها الخليط التالي

بطاطا مقلية مقطعة مربعات صغار+شوية جاج طايب ومفف او تن او لحم مرحي حسب الرغبة+3 بيضات +معدنوس+سلق لي يحبو طبعا يكون طايب+زيتون مقطع +ملح+فلفل اسود وندخلها للفرن تطيب ممكن ايضا نضيف شوية من لاكريم فريش للخليط

غراتان الباذنجان

https://
إضغط هنا لرؤية الصورة بحجمها الطبيعي.

نعمل صوص حمرا عادي بابيض الدجاج والبصل والثوم والطماطم المصبرة والتوابل والملح
من جهة نقلي الباذنجان نحط في المول نحط فوقه الجاج المفتت ونسقي بالصوص لازم تكون عاااقدة ونصب فوقها صلصة البيشاميل وندخلها للفرن

انا عملت طبقة بطاطا وفوقها طبقة باذنجان لان اولادي مايحبوش بزاف الباذنجان


لابيري بالمرقاز يمي يمي


https://إضغط هنا لرؤية الصورة بحجمها الطبيعي.
نطيب البطاطا في الماء مع سنة ثوم
من بعد نرحيها مع الفرماج انا نضيفلها زوج م ك حليب بودرة وحليب وكمية من الزبدة

من جهة نحط المرقاز نتاعي في مقلة على نار هادئة بدون اضافة الزيت حتى تذوب كامل المواد الدهنية لي فيه نتخلص منها ونضيفلو سنينات ثوم وطماطم مرابية ملح ورقة رندكمون فلفل احمر حار وفلفل اسود ونضيفلو نصف كاس ماء ونخليه يطيب على نار هادئة في الاخير ضفت زرودية طيبتها قبل وقطعتها وزيتون اخضر

تارت الشكولة

https://إضغط هنا لرؤية الصورة بحجمها الطبيعي.


شوفو كي قطعتها امممم


https:// إضغط هنا لرؤية الصورة بحجمها الطبيعي.
نحتاج ال عجينة الصابلي لي نعمل بها لي تارتولات انا استعملت نتاعي مانبدلهاش خلاص لانها هايلة

250غ فرينة+125غ زبدة مقطعةمربعات وباااردة+2م ك زيت+2م ك سكر نحركهم مع بعض من بعد نلمهم بصفار بيضة وزوج م ك حليب

نبسط العجينة في المول نثقبها وندخلها تطيب
من بعد نحط فوقها النيسلي ثم الغاناش

100مل كريمة نحطها فوق النار حتى تغلي نطفي عليها ونضيفلها 200غ شكولة نوار نحرك ونصبها داخل التارت
ندخلها للثلاجة حتى يتماسك الغاناش
بيسكوي رولي اممممم

https://إضغط هنا لرؤية الصورة بحجمها الطبيعي.


https:// إضغط هنا لرؤية الصورة بحجمها الطبيعي.

5بيضات 120غ شكر احرش 120غ فرينة نصف م ص خميرة حلوي فاني

بعد ماطاب حشيته بالكريمة شانتيي
وزينتو من فوق بالغاناش

بالنسبة للغاناش نفسه نتاع كيكة الدانيت
عملت علبة شكولة +علبة دانيت

[idron0]

لي كراب ام محمد تاج

في الخلاط حطي كاس ماء مع كاس حليب ورشة فاني وزوج مغارف كبار سكر واربع مغارف كبار زيت وزوج بيضات وزوج كيسان فرينة خبطي كلش حتان يتجانسو وخليهم يرتاحو وابداي طيبي
الحشوة: في مقلة حطي مغرف كبيرة مارغارين وست مغارف سكر ورشة فاني واربع مغارف ماء الزهر واربع تفاحات مقطعين مربعات وحطي كلش على نار هادئة حتان تخثار ويطرا التفاح
كي طيبي لي كراب حلي بالوحدة وحطي الصوص التالية ومغرف من حشوة التفاح وطبقيهم وذرذري السكر قلاصي من فوق
صوص الشوكولاطة: ذوبي باطة شوكولاطة عادية تاع الحليب وخلطي معاها باطة دانات شوكولا وفنجال حليب خلطي كلش حتان يتجانسو وبالصحة.

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

[ام احمدي]

الفوندو على طريقة المتالقة ام محمد تاج
زهوووورة حنونتي حطيت السكر قيس ست مغارف كبار ورشة ملون ابيض وبديت نضيف الحليب غير بالشوي لازم يكون ثقيل لا يسيحلك وزدت شوي سكر وحدو درتلو الكاكاو والحليب باش نعمل الخطووووووط وبسسسسسس

[idron0]

تتبيلة الدجاج ام محمد تاج

في الميكسور حطي بصلة صغيرة وراس ثوم ومغرفةصغيرة هريسة ومغرف صغيرة طماطم الباط ومغرف كبيرة فلفل اسود وتوابل لي عندك ومغرف كبيرة سكر وعصرة ليمووونة ومعدنوس وحبة طماطم وزوج مغارف زيت وملح بكمية وافية وارحي كلش وادهني بيه الدجاجة تاعك من برا ومن داخل ومن داخل حطيلها ربطة معدنوس وزوج ورقا ت رند وفلفلة حارة وبيتيها حنونتي تجيك روووووعة واذا حابة ثاني شقي شقوق صغيرة في الدجاجة واحشي كل شق بالتتبيلة وفص ثوم ثاني تجيييك يااااااي.

[ام ساجد]

الرشتة على طريقة ام محمد تاج


وطريقتي في الرشتة تاع صح مايش محرفة على خاطر انا نتمشى مع واش يحب زوجي وهي اصلها تجي مرقة بيضا وغير بالخردل والجريوات والحمص بصح انا هاذو مايدخلوش فيها خلالالاص ندير غير الحمص والبطاطا

بالنسبة للتفوار حنونتي موالفة بتاع الدار وحتى المشرية يشكروها حبيبتي حطي الرشتة تاعك في الكسكاس وبدك ابداي رشي عليها الزيت وفوريها التفويرة الاولى كي تطرا نحيها وحطيها في قصعة واسعة باش ماتتكسرش وبخيها غير بالشوي وبواسطة صباعك وبحركة خفية حركيها باش يدخل فيها الماء وكي تتشرب الماء تاعها زيدي بخيها بالزيت ورديها تفور وكي تفور هاذ المرة صفي شوي من المرقة تاعك وبخيها بيها ومبعد زيتيها ورديها تفور هك بزايد عليها التفوار اذا راح ديريها مجمرة واذا راح تسقيها بالكسكاس زيديلها تفويرة ثالثة بالمرقة
المرقة تاعها
طراف لحم وداوي مرقة بيضا عادي وقليها مليح ومرقي وحطي الحمص يطيب معاها وكثري الخردل والجريوات واذا راح ديري البطاطا طيبيها وحدها على خاكر تطلق النشا تاعها وتلكزلك الرشتة
خثري مرقتك مليح وحطي الرشتة تاعك تتجمر وحركيها بلطف وكي تتحمر لوحي فيها مورصو زبدة
واذا راح تسقيها بواسطة الكسكاس
حطي صحن وحطي عليه الكسكاس وحطي في الكسكاس الرشتة تاعك وسخني المرقة مليح وسقي وخلي المرقة تنزل خليها شوي دقائق وزيدي سقيها وهكذا حتان تتشرب وحدها حطيها في الصحن وزيني بالبيض مغلي والجريوات واللفت والحمص وبالهنا والشفا عليكم

[أم ماجد]

هده وصفة الكاب كايب احححححسن وصفة جربتهااا لدوكاا
من جهة غربلي 160 غ فرينة مع مغرف كبيرة كاكاوو و من جهة وخدوخرا خلطيي 125 مارغارين بالباتور حتى تولي بييضة و زيديلها 175 سكر و شوية فاني وخلطييهم ملييييييييح وزيدي زوج حبات بيض حبة بحبة اومباعد زيدي نص خليط الفرينة و الكاكاو و خلطي مليييييييييييييييح بالفوييي اومباعدقرصة ملح و مغرف صغييرة خيرة تاع الحلوى اومباعد كملي خليط الفريينة ومع اللخر زيدي 100 ملل كرام فراش والا ياغورت انا ندير ياغورت و 60 ملل حليب و السر تاع هدا الماادلان ديري مغرف بيكاربونات وزيدي فوقهم مغرف خل رااح يتفاعلوو اومباعد زيديهم للخليط تاعك راح يولي عندك خليك كيما الموس




وصفة حنان ياسمالاك

[yasmine150]

الله يجازيك يفتحها في وجهك كيما سهلتي علينا امين يا رب العالمين

[أم ماجد]

الرشتة ام تاجو انا اندير كمية كبيرة وعيني ميزاني

العجينة حوالي 500غ سميد + 1/2مص ملح مذوبة في الماء باه ما تتقطعش العجينة في المشينة ولمي بالماء حتي تتحصلي علي عجينة متامسكة(يابسة) ما طريهاش تعذبك في الخدمة

وديريها في كيس و خاليها ترتاح 15 دقيفة وانبعد كوريها كرات صغار وكل كويرة حليها بالحلال وجوزيها في الة التوريق في رقم 2 و4 ورشيها بالميزينة وزيدي جوزيها في رقم 6


و تترك لتجف من الجهتين كتشوفيها نشقت ديري القدرة فيها الماء تغلي نع الكسكاس ورجعي للعجينة ادهني الاشرطة بالزيت بالبانسو وخرجي الاشرطة من جهة الرشة يكون

الماء يغلي ديريها تفور في الاول تبان لك تعجنت ما تخلعكش خاليها تفور مليح مع التقليب بالفرشيطة وفوري غير بالزوج اشرطة باه تروحي تزيدي تفوري حتى تكملي كامل

الكمية اذا حبيتي تخبيها خالها تبرد وديريها في كيس واكيجي اطيبيها سقيها بكمية قليلة من المرق وديريها تفور للمرة الثانية وادهنيها

الرشتة ام تاجو انا اندير كمية كبيرة وعيني ميزاني

العجينة حوالي 500غ سميد + 1/2مص ملح مذوبة في الماء باه ما تتقطعش العجينة في المشينة ولمي بالماء حتي تتحصلي علي عجينة متامسكة(يابسة) ما طريهاش تعذبك في الخدمة

وديريها في كيس و خاليها ترتاح 15 دقيفة وانبعد كوريها كرات صغار وكل كويرة حليها بالحلال وجوزيها في الة التوريق في رقم 2 و4 ورشيها بالميزينة وزيدي جوزيها في رقم 6


و تترك لتجف من الجهتين كتشوفيها نشقت ديري القدرة فيها الماء تغلي نع الكسكاس ورجعي للعجينة ادهني الاشرطة بالزيت بالبانسو وخرجي الاشرطة من جهة الرشة يكون

الماء يغلي ديريها تفور في الاول تبان لك تعجنت ما تخلعكش خاليها تفور مليح مع التقليب بالفرشيطة وفوري غير بالزوج اشرطة باه تروحي تزيدي تفوري حتى تكملي كامل

الكمية اذا حبيتي تخبيها خالها تبرد وديريها في كيس واكيجي اطيبيها سقيها بكمية قليلة من المرق وديريها تفور للمرة الثانية وادهنيها


الرشتة ام تاجو انا اندير كمية كبيرة وعيني ميزاني

العجينة حوالي 500غ سميد + 1/2مص ملح مذوبة في الماء باه ما تتقطعش العجينة في المشينة ولمي بالماء حتي تتحصلي علي عجينة متامسكة(يابسة) ما طريهاش تعذبك في الخدمة

وديريها في كيس و خاليها ترتاح 15 دقيفة وانبعد كوريها كرات صغار وكل كويرة حليها بالحلال وجوزيها في الة التوريق في رقم 2 و4 ورشيها بالميزينة وزيدي جوزيها في رقم 6


و تترك لتجف من الجهتين كتشوفيها نشقت ديري القدرة فيها الماء تغلي نع الكسكاس ورجعي للعجينة ادهني الاشرطة بالزيت بالبانسو وخرجي الاشرطة من جهة الرشة يكون

الماء يغلي ديريها تفور في الاول تبان لك تعجنت ما تخلعكش خاليها تفور مليح مع التقليب بالفرشيطة وفوري غير بالزوج اشرطة باه تروحي تزيدي تفوري حتى تكملي كامل

الكمية اذا حبيتي تخبيها خالها تبرد وديريها في كيس واكيجي اطيبيها سقيها بكمية قليلة من المرق وديريها تفور للمرة الثانية وادهنيها