واش طيبتي اليوم ؟"الجزء 11" - الصفحة 95

أنواار الإيماان · 2013-06-13, 13:04

اقتباس:

المشاركة الأصلية كتبت بواسطة أم ماجد

كون نقولكم درت واحد الكارثة للغدا راهم بالواحد امام الدوش يتقياو حاشاكم ماعجبهمش الطبق الجديد
الحمد لله متعودة على هاذ الحكايات ومدايرة احتياط ههههههههههههههه
والله غير هبلوني
من بعد نحط التطبيق مع الحكاية الدرامية ههههههههه
واقيلا عاينوني بعدا شبعت رقص البارح اليوم واع واع واع

سلامتكم والله يحميك و يحميهم ياااااااااااااااااااااااااارب

أم محمد تاج · 2013-06-13, 13:04

مممممممممممممممم مرام مائدتك تشهي بصحتكم
هدهوووووود عندتي عليا ماعليش
لهووووووووووومة حبيبتي ربي يعاونك نشالله
أم ماجد وراسك قوليلي واشي هي الكارثة لي درتيها ههههههه

*بيتي مملكتي* · 2013-06-13, 13:05

إلهام حنونة ألف ألف مبروك لعقوبة ليك تتهناي بالزوج الصالح حنونة والله متمنيتهولك من كل كل قلبي حنونة

أم ماجد واشي هي الأكلة اللي درتيها هذي و خلاتهم يردوا تقرعيج و توقاب كيما يقولو ناس تاجنانت

لبنات بصحتكم كااااااااااااااااااامل واش طيبتو

ساندي 28 · 2013-06-13, 13:09

اقتباس:

المشاركة الأصلية كتبت بواسطة بسمة فرح07

شكرًا حبيبتي ام نجم علي الرسالة الخاصة لتذكرتيني وبعثتيهالي فرحتيني فرحتيني بيهامن كل قلبي ربي يحفظك اختي العزيزة ويحفظلك كل عزيز وغالي يا رب ونطلب منك ومن كل اخت الدعوة لابي بالشفا العاجل ويرجع بصحته وعافيته ويفرحنا لأني محتاجة دعواتكم لان الوالدين تاج علي رأسنا وقد مانديرومانعوضوهمش ولو ذرة صغيرة من تعبهم علينا واسمحيلي حبيبتي ام نجم عدد نقاطي متسمحليش باش نبعثلك رسالة خاصة للمرة المليون شكرااااااااا

اللهم امين حتى انا فرحت بدعوتك حبيبتى فرح وقلت من قبل مننساش حبيباتي دايما نتفكرهم
ان شاء الله ربي يشافيلك الوالد الكريم ويرجع بصحتو وعلى ديدانو وتفرحو بشفاؤو يارب صح الوالدين هم اهم حاجه في الدنيا ربي يحفظهم لينا كامل
ان شاء الله تكوني بخير بسمتى وهدا اقل شيء ممكن نتفكرو بيك حنونه سلام

ساندي 28 · 2013-06-13, 13:14

ام ماجد سبق وهنيتك بصلاه بصح مرديتيش وععععععععععع علابالي بلي وقت ميسمحلكش فرحه مع خلعه ربي يدوم نجاحاتكم يارب
فرحت بزاف كي شفت تطبيقك وفرحت اكتر كي خليتيلو الاسم نجمو ربي يحفظلك اولادك وشكرا على الاطراء حنونه وربي يعاونك
ام الزهراء ربي يدوم فرحتك احتى
الهام مبروك علا اختك لوكان راكي قريبه راني يد بيد معاك بصح معليهش قلبي معاك وربي يقدرك وتكملي كل شيء ضرك نشوف كشما ندبرلك مودال مليح
نسيت اختى الامنيات مبروك على الوسام

أم ياسين الزهراء · 2013-06-13, 13:24

بسمة ربي يشافيلك باباك ويخليهولك

ام ماجد الحمد لله اللي جات سلامات ديريلهم تيزانة تاع الشيح راهي مليحة وراني نستنى في الكارثة ههههههههه

ام محمد راني غرت وانا ماتحبينيش

لبنات جاوبوني راح ندير الصبيغة تاع القاطو بودرة كيفاش نديرها قبالى في العجينة ولا كيفاش خاطيني الصبيغات

أم محمد تاج · 2013-06-13, 13:32

أم ياسوووو يجارتي الغالية موووووووواح نموت عليك
والصبيغة في العجينة ولا في القلاصاج؟؟؟
إذا في العجين فزيديلها قطرات ماء وأعجني وإذا في القلاصاج لوحيها هكاك

staifia · 2013-06-13, 13:38

ام ماجد واش صرا ,,,, واشي هدا جبتيها جبتيها وفي الاخير عميتيها هههههههههههههههههه
سلامتهم ,,,,,,, وش درتي احكيلنا ماقدرتش نصبر ههههههههه

staifia · 2013-06-13, 13:40

اقتباس:

المشاركة الأصلية كتبت بواسطة إلهام07

أم ماجد مايعاونونيش ، لوكان يعانوني من ضرك لليل نوجد حوايج الله الله بخاصة العدد نتاع الأشخاص قليل ( حوالي 3 مجامع ) صح واش ندير القاطو ولا التحليات ولا نوجد روحي ولا نوجدو في الليل الغداء نتاع غدا

الهام ,,, احكيلي وش كاين ,,,,, مبروك عليك وما علاباليش وش كاين ههههههههههههه

يارا رواء · 2013-06-13, 13:40

السلام عليكم ورحمة الله وبركاته حياكن الله اخواتي أحببت ان أنضم اليكن في هذا الركن بما جادت به أطباقكن المميزة فتقبلوا مروري وهذه أطباقي

أم محمد تاج · 2013-06-13, 13:43

مرحبا بيك يرووووووووووووش وراني رايحة نشوف اطباقك

أم محمد تاج · 2013-06-13, 13:44

ممممممممممممممم الله يبارك يروووووووووش وبصحتكم حنونة

staifia · 2013-06-13, 13:47

مرحبا بيك معانا يارا ,,, واطباقك تشهي يعطيك الصحة

staifia · 2013-06-13, 13:48

غدانا اليوم

وانتوا وينو غداكم ؟

فايزة44 · 2013-06-13, 13:51

السلام عليكم ، وصح غداكم كاملين ، اللهام ربي يعاونك والعاقبة للك عاجلا غير اجل
حبيبتي ام ياسين الملون نحلوه في العطر المناسب *احمر أو وردي ذوق فراولة ، اصفر عطر ليمون او موز ، اخضر عطر الفستق ، وهكذا ، سواء في العجينة أو في القلاصاج حتى لا تبقى حبيبات