ننتظر متشوقين لنسمع قصة يومك الاول في الجامعة

عبير الامل · 2013-07-28, 14:36

سلام عليكم ورمضان كريم
اتمنى من كل طالب اقبل وراى الجامعة لاول مرة وانتقل الى هذا الصراح العالي وجاز مرحلة الباك ان يروي لنا ويحكي لنا قصتة مع اول يوم جامعي وبداية الغيث قطرة ويداعب قليلا مسامعنا مما راه في الجامعة ويتحدث لنا عن يوم التسجيل وكيف راى الجامعة
ارجو من الجميع التفاعل ونرى كيف قضى كل واحد يومه الاول

عبير الامل · 2013-07-29, 14:45

كم أحببت أن أسمع منكم أنتم الطلبة الجدد وما هي المشاكل التي واجهتكم لعلنا نساعدكم ولكن هيهات هيهات نحن كنا نريد نشارككم فرحتكم ونساعدكم في بعض ما صادفكم من مشاكل

عبدالنور.ب · 2013-07-29, 14:49

hhhhhhhh t9oli manache fi ramdan.

l'idara wallah lah ybarek machaellah

al mohim fat a bien hamdolilah

nano-7 · 2013-07-29, 15:32

السلام عليكم و رحمة الله وبركاته اليوم الاول في الجامعة كرهت حياتي لخاطر بدون تنظيم او واحد مايحوس عليك تروحي تقسي تلقايهم يعيطواااااااااااااااا حشا اذا طحيتي في كاش واحد يخاف ربي يبدا يوريلك ويفهمك بلعقل كي روحت سوفريت بزاف بسك فتحوا حتى 30-9تقلشي غير هما اللي راهم صايمين كي حلوا باش تخلصي بدا لشان و تطباع حتى ذاق فيا النفس مي الحمد لله تعلمت بزاف حوايج من نهار الاول ومنبعد كي انسكريت بقيت نستنا في الشهادة المدرسية مي ماجات تخرج حتى الواحد يصيب يطرطق وكي عطاوهالي زدت سوفريت كثر مي الحمد لله كي جاز او كملت.صح فطوركم

طالبة2013 · 2013-07-29, 15:45

انا غدوة نروح ربي يستر ههههههههههههههههههههههه

العام الي فات واش صرا فيا ههههههههههه تقول ماشي جامعة كامل يا عجبا يضربو على جال كيتونس 20 الف يخي تمسخير

اسيا26 · 2013-07-29, 15:49

خاص بالطلبة الجدد
هناك مفاجاءات في فكونو في الموعد............................
.ميزيرية لكن جميلة

طالبة2013 · 2013-07-29, 15:51

ههههههههههههههه صح ميزيرية خاصة المطعم بصحتكم

اسيا26 · 2013-07-29, 16:01

اصحاب القلوب الضعيفة لازم توجدو نفسكم

Emat Rahman · 2013-07-29, 16:36

أول يوم تسجيل،شفت أنا و صحبتي جماعة طالعين طلعنا وراهم حتى وصلنا المدرج...كلشي كان منظم و الهدوء رغم إنو رمضان lol كان يوم رائع...و أول يوم لي في المدرسة التي سأزاول بها دراستي كان أروع لأني تعرفت على أناس جدد من ولايات أخرى و الإدارة كانت في المستوى...شيء رااااااائع

abdou lover boy · 2013-07-29, 17:25

اقتباس:

المشاركة الأصلية كتبت بواسطة emat rahman

أول يوم تسجيل،شفت أنا و صحبتي جماعة طالعين طلعنا وراهم حتى وصلنا المدرج...كلشي كان منظم و الهدوء رغم إنو رمضان lol كان يوم رائع...و أول يوم لي في المدرسة التي سأزاول بها دراستي كان أروع لأني تعرفت على أناس جدد من ولايات أخرى و الإدارة كانت في المستوى...شيء رااااااائع

السلام عليكم
إذا سجلتي في الـ ens كيما أنا و الله صح واحد التنظيم روعة و حتا اللي يخدمو تما جابلي ربي ناس ملاح
المهم حنا على الأقل ما درناش لاشان على جال لكيتونس تاع 20 ألف
الحمد لله يا ربي
صح فطوركم و بالتوفيق للجميع يا رب

عبير الامل · 2013-07-29, 17:29

بالتوفيق للجميع انشاء الله وربي يكون في العون
من اروع الايام هو يوم التسجيل فانتهزو الفرصة وتنظيم رائع يوم التسجيل ربي يكون معاكم والحمد لله

ratil talin · 2013-07-29, 17:32

اقتباس:

المشاركة الأصلية كتبت بواسطة abdou lover boy

السلام عليكم
إذا سجلتي في الـ ens كيما أنا و الله صح واحد التنظيم روعة و حتا اللي يخدمو تما جابلي ربي ناس ملاح
المهم حنا على الأقل ما درناش لاشان على جال لكيتونس تاع 20 ألف
الحمد لله يا ربي
صح فطوركم و بالتوفيق للجميع يا رب

السلام عليكم ورحمة الله وبركاته
اخي نت تقرا في القبة؟؟؟؟؟؟؟ر

abdou lover boy · 2013-07-29, 17:55

اقتباس:

المشاركة الأصلية كتبت بواسطة ratil talin

السلام عليكم ورحمة الله وبركاته
اخي نت تقرا في القبة؟؟؟؟؟؟؟ر

و عليكم السلام
لالا انا سجلت في الـ ens تاع قسنطينة

nabil2094 · 2013-07-29, 18:11

اليوم سجلت في بلعباس
تنظيم ممتاز لا تجد صعوبة
تخرج من مكان حتى تجد من يوجهك للمرحلة القادمة
و فتحو على 7 و كنت في أقل من 15 دقيقة كملت التسجيل

scream308 · 2013-07-29, 18:18

انا اليوم رحت سجلت صيدلة في قسنطينة والله التنظيم كان مليح نوعا ما خاصة وصلت بكري ما لقيتش بزاف غاشي غير مع لخر بصح انا بغيت برك نسقسيكم على الغرف انا عطاوني ورقة كي دفعت الملف بصح ما فيها والو وقتاه نهزو لمفاتح