لكل من قضى عطلة الصيف في تونس هذا العام

سجل أنا جزائري · 2013-08-20, 08:39

السلام عليكم و رحمة الله

أريد من من كل من ذهب هذي الأيام الى تونس أن اعرف كيف هي الأوضاع هناك و خاصة في الحدود

فأنا أريد أقضي بعض الأيام هناك مع أصدقائي سنذهب بالسيارة ان شاء الله

لكن هناك من يقول تجنب الذهب برا لأن الحدود غير أمنة و هناك من يقول الأوضاع عادية فقط من الأفضل دخول من ولاية عنابة ؟؟

فما رأيكم و خاصة من ذهب او يعرف من ذهب هذي الأيام و شكرا

بلسم غرام2018 · 2013-08-20, 09:20

اخي راها بخير لانو يوجد الكثير من ذهبوا وهم بخير فاقاربي دهبوا الى ولايه سوسة تاني يوم عيد وبقوا 10ايام وروحو بخير وكذلك بقيه الاقارب ذهبوا الايام الفارطة الى قابس الحامة
والحدود عاديه والله اعلم

ولايه تبسه

Ra_Alg · 2013-08-20, 09:28

كاين صاحب خويا يخدم في لحدود في تبسة كلمنا وقالنا بلي الناس راهم يروحو شوية ولابوليس مدايرين باراجات من الحدود حتان لسوسة باش مايصرا حتى اعتداء على العابرين بصح حنايا مناش حابين نريسكيو وننصحك خويا ماتغامرش بروحك وروحو صيفو في أي ولاية ساحلية ؛ مالgري راهم غلاو في كلش مي معليش , وربي يجيب لي فيه الخير ..

أم الولدين · 2013-08-20, 10:33

اييييييييه صح الواحد رايح يحوس علاش يخرج و يروح على الاعصاب و قلبه مشدود يعني ليست للضرورة انكم تروحو
هذا الوقت بالذات
ولايات بالجزائر عديييدة تستدعي الواحد يزروها وماتندمش انك تزورها رايي هدا اجل زيارتك للربيع بحول الله
ربي يسهل

صابرة وراضية · 2013-08-20, 15:32

بيني وبينك أنت وزهرك
هههههه

wissamdz · 2013-08-20, 16:22

سلام عليكم انا رني في الحمامات و لا يوجد اي مشكل الحمد لله من اراد الاستفسار اني هنا

chihabe · 2013-08-20, 18:13

شحال الاسعار في تونس غالية ولا منخفضة بالنسبة للجزائر

مع التوضيح ان امكن وشكرا

كما اني اريد ان استفسر عن طريقة الذهاب وماهي الاوراق التي يجب علي اخذها معي انا الان ساستخرج الباسبور

نبض قلبي · 2013-08-20, 18:21

احنا رايحين عادي راحو اعمامي زوج و قالو الحلة راهي مليحة.

wissamdz · 2013-08-20, 18:29

اقتباس:

المشاركة الأصلية كتبت بواسطة chihabe

شحال الاسعار في تونس غالية ولا منخفضة بالنسبة للجزائر

مع التوضيح ان امكن وشكرا

كما اني اريد ان استفسر عن طريقة الذهاب وماهي الاوراق التي يجب علي اخذها معي انا الان ساستخرج الباسبور

الاسعار مناسبة اخي الكريم كيما اتحب انت في كل شيء كل مكان و السومة
مثل انا كاري ستوديو بي 220 دسنار لي 10 ايام فيه كل شيء تلفاز مطبخ صالون ...........قريب الي البحر 500 متر
انا لا اطبخ اخرج اكل في المطعم من 3 دينار الي 10 دينار كيما اتحب انت المهم ..كل شيء متوفر النزهة السياحة اهل الحمامات طيببين الحمد لله هده المرة 13 عشر اتي الي تونس و الحمد لله

ابنة الحضنة · 2013-08-20, 20:33

السلام عليكم انا عمي وزجتو واولادو راهم الان في تونس ولاباس عليهم عادي يحوسو وقالك نورمال هايلة

KHALEDL1981 · 2013-08-20, 21:22

انا من رايي ماكالاه تروح

بلسم غرام2018 · 2013-08-20, 21:28

اخي احنا ان شاء الله رايحين بالجمعه ان شاء الله
واقاربي كامل راهم تم وتونس راها خير

wissamdz · 2013-08-20, 23:29

يا خو ماكان والو في تونس انا راني في الحمامات و الله ماكان والو يا اخي لا مشاكل لا مصايقات لا والو الحمد لله حتى التونسيين استغربو قالو الجوائريين لم ياتو كثيرا هدا العام انا هبلوني بالاسالة انا مازلني هنا الي نهاية شهر اوت و من اراد ان ياتي مرحبا به و من اراد كراء ستوديو سادله الي الاماكن و وصية ماتمنوش السمسار انهم نصابا
من اراد اي شيء يصل بي عل الخاص على الخاص اي سلام عليكم

manina16 · 2013-08-21, 16:47

اقتباس:

المشاركة الأصلية كتبت بواسطة سجل أنا جزائري

السلام عليكم و رحمة الله

أريد من من كل من ذهب هذي الأيام الى تونس أن اعرف كيف هي الأوضاع هناك و خاصة في الحدود

فأنا أريد أقضي بعض الأيام هناك مع أصدقائي سنذهب بالسيارة ان شاء الله

لكن هناك من يقول تجنب الذهب برا لأن الحدود غير أمنة و هناك من يقول الأوضاع عادية فقط من الأفضل دخول من ولاية عنابة ؟؟

فما رأيكم و خاصة من ذهب او يعرف من ذهب هذي الأيام و شكرا

السلام عليكم، أنا غدوا نشا الله رايحة على عنابة اي الحدود ( أم الطبول ) خير من تروح على تبسة ، المهم كي نوصل نشا الله راني نردلك بالخبر

بلسم غرام2018 · 2013-08-21, 17:19

اقتباس:

المشاركة الأصلية كتبت بواسطة manina16

السلام عليكم، أنا غدوا نشا الله رايحة على عنابة اي الحدود ( أم الطبول ) خير من تروح على تبسة ، المهم كي نوصل نشا الله راني نردلك بالخبر

وشبيها تبسه اختي
راحوا جميع اقاربي وهم بخير
وكاين الي جو منهم قالك راهات بخير