قدر الفخار

[جزيرة الحكمة]

كيف استعمل قدر الفخار لاول مرة واتجنب تشققه

[ام طه14]

غلي فيه الحليب وخليه حتى ينشف
انا درك راني نستنى فيه ينشف ونعست ههههههههه
رمضان كريم

[جزيرة الحكمة]

شكرا جزيلا ورمضان مبارك

[حبي لأمي]

صح رمضانكم حنا ثان شرينا قدر فخار بصح ما عرفتش النار عادي تكون فور ولا نار هادئة اذا تقدري جاوبيني

[meriem hanin]

لازم تكزن النار هااااااااااائة جدا و كي تمرقي مرقي بالماء سخون لتفادي حدوث تغيير حراري مفاجئ قد يتسسب في تشقق القدر
رمضان مبارك

[ام امجد14]

انا ايضا شريت واحد البارح بيتو فى باسينة ما و اليوم طبخت فيه الحليب و طيبت فيه عادى

ربى يحفضهم الى نصحونى

[عنابة أبوها]

ديري فيه حليب غير شوي يغلي فيه حتى ينشف في القدر ومن بعد يدير قشرة نظفيها واستعمليه مباشرة انا هذا اللي اعتمده القدر نتاعي راه احسن بفضل هذه الطريقة اللي خبرني بيها صاحب المحل وفعلا مضمونة وماتخافيش

[نهلةن]

السلام عليكم انا عندي خمس عشر عام وانا نطيب فيه شربة رمضان لازم تكون النار ناقصة والماء الي تمرقي بيه يبقى نفسو ما ينقصش وكي طفي عليها راهي تبقى تغلي ندة من الزمن ديري حسابك على هذا

[happy luck butterfly]

سلام و صح رمضانكم
انا عندي عامين من اللي شريتها و نصحني البائع و قالي
1 بيتيها ليلة في الماء
2 ادهنيها بالشحمة و خليها تبات
3 فيضي فيها الحليب على نار هادئة
كي تطيبي لازم على الاقل 10 ايام الاولى على نار هادئة و ديري حسابك بلي راهي تشذ السخانة بزاف

[moulmoul]

شكرا على المعلومات الرائعة استفدت منها كثيرا

[rowaida18]

بارك الله فيكم على المعلومة
لأني منذ سنوات عديدة شريت واحد و غسلتو عادي ثم طيبت فيه مباشرة ..فتشقق مباشرة..و أصبح يسيل....ههههه
فمنذ ذلك الحين تعقدت منهم لأني ما كنتش عارفة السبب...
و الأن عرفت السبب و جزاكم الله خيرا

[لؤلؤة متفائلة]

مشكووووورة على المعلومة القيمة

[ام ايوب3]

سلام عليكم

ممكن تقولولي هل احط الحليب وبعدين احط الطاجن على النار او احط الطاجن على النار يسخن وبعدين اسكب الحليب بليييييييييييز ضروري لمن مجربة العملية

[طيور الجنان]

اختي ام ايوب كي تشريه فرغي فيه الخليب و حطيه على النار حتى يغلي الخليب و يفيض من بعد اغسليه و استعمليه عادي انا عندي واحد هكذا درتلو مازال لدوك نخدم بيه.

[crono]

تمممممممممممممممم الرد