هل تستطعين تزويج زوجك؟؟؟؟؟

[خوخة جوجو]

السلام عليكم
في الفترة الماضية مررت بوعكة صحية جد صعبة كنت ارقد بالمستشفى عدة ايام و كانت بجانبي امرأة مصابة بمرض مستعصي لم تشفى منه منذ سنوات ام لطفلين في اواخر الثلاثينيات .المهم كثرت عليها الزيارات بعكس المرضى ككل. فقلت في نفسي انها جد مريضة و حالتها خطرة. عندما خرج الزوار سالتها هل هي بخير .
فاجابت ياليتني مت ولم اصل الى هذا الموصل. فقلت اتقي الله، ماذا حصل؟
قالت ان اهلي واهل زوجي يريدون مني تزويج زوجي ، ان مريضي اثر علي لا استطع القيام بشيء لااعمال البيت ولا واجباتي اتجاه اولادي وزوجي .
لهذا كثرت الزيارات والكل يطرح نفس الفكرة من اجل موافقتي انا لا استطيع ولا احد يفهمني حتى امي .
سالتها ان كان زوجها موافق فاجابت انه ليس موافق .ولكن الاهل يضغطون عليها والكل يتهمها بانها انانية مقصرة في حق زوجها و اولادها.
سالتني هل تستطعين تزويج زوجك؟
وانا الان اسؤلكم نفس السؤال؟
وادعولها ولي بالشفاء في كل صلاة................شكرا

[نبض قلبي]

السلام عليكم
شوفي اختي المراة عنها حق علاه تزوجو وهي من بعد كيفاه دير؟لوكان هو اللي مرض طلقوا ومن بعد تزوج؟
عادي جدا مادامهو ماهوش قابل يتزوجوش لانها حاجة ماهيش منطقية خلاص يتزوج على مرتو نورمالمون يوقف معاها و يقويلها معنوياتها باه تبرى ماش يزوج عليها مسكينة تزيد تتحطم
المرض ربي اللي بلاها يعني ماش بيدها, ان شاء الله يارب تشفى وترجع لولادها قبل ماتتازم الامور
بصح كاينة حاجة في عبادنا علاه لازم كلش يدخلو فيه هديك حاجتو كي يحب يزوج يزوج ولوكان عينهم في ابنهم يروحو هوما اللي يقومو بيه حتى تبرا مرتو ماش يخلطولو في مخو , والله الفئة تاع الناس اللي كيما هكا مايتحضروش لوكان يصرى واش يصرى
واسمحيلي اختي بلاك كانت المداخلة تاعي خشينة مي و الله شفتني المراة =ربي يجيبلك و يجيبلها الشفاء ياااااارب =

[nihal159]

لا حول ولا قوة إلا بالله؛ المرأة مريضة و حاكمة لفراش فالسبيطار و راجلها صابر معاها و يواسي فيها و الناس واش ذخّلهم؟؟؟؟؟؟؟؟ ماكفاهاش هم المرض يزيدو يجو يقولولها زوّجي راجلك؟؟؟؟؟ لمرا راهي تتوجّع و هوما يقولولها نوضي أخطبي لراجلك و

حضريلو الشخشوخة لعرسو؟؟؟؟؟؟؟؟ حسبي الله ونعم الوكيل فالناس لي تحشر نفسها في أمور لاتعنيها؛ و ماعندهم لاشغلة لا عملة غير فلان طلق مرتو و فلانة خطبت لراجلها؛ كون جاو أقارب تاع الصح كون راهم وقفو مع الزوج و أولادو وماخلاوهمش يحسو

رواحهم يتامى و أمهم عايشة، لكن هذو عقارب مش أقارب؛ ربي يشفيها و يطوّل أعمرها و ترجع لدارها و وليداتها.

نجاوبك على سؤالك أختي؛ مادامني حية فوق الأرض، فنجوم السماء أقرب له من الزوجة الثانية سواء أنا مريضة أو بكامل صحتي؛ نهار نموت؛ بصحتو مثنى و ثلاث و رباع.

[نبض قلبي]

المشاركة الأصلية كتبت بواسطة nihal159

لا حول ولا قوة إلا بالله؛ المرأة مريضة و حاكمة لفراش فالسبيطار و راجلها صابر معاها و يواسي فيها و الناس واش ذخّلهم؟؟؟؟؟؟؟؟ ماكفاهاش هم المرض يزيدو يجو يقولولها زوّجي راجلك؟؟؟؟؟ لمرا راهي تتوجّع و هوما يقولولها نوضي أخطبي لراجلك و

حضريلو الشخشوخة لعرسو؟؟؟؟؟؟؟؟ حسبي الله ونعم الوكيل فالناس لي تحشر نفسها في أمور لاتعنيها؛ و ماعندهم لاشغلة لا عملة غير فلان طلق مرتو و فلانة خطبت لراجلها؛ كون جاو أقارب تاع الصح كون راهم وقفو مع الزوج و أولادو وماخلاوهمش يحسو

رواحهم يتامى و أمهم عايشة، لكن هذو عقارب مش أقارب؛ ربي يشفيها و يطوّل أعمرها و ترجع لدارها و وليداتها.

نجاوبك على سؤالك أختي؛ مادامني حية فوق الأرض، فنجوم السماء أقرب له من الزوجة الثانية سواء أنا مريضة أو بكامل صحتي؛ نهار نموت؛ بصحتو مثنى و ثلاث و رباع.

هكااك اختي يعطيك الصحة بردتيلي قلبي لوكان جاو قدامي راني درت حاجة ندمهم فيها من اللي قالولو تزوج
mais c'est pas vrai

[خوخة جوجو]

راني سبقتك اختي نونو سوهي مرة الزاجة مين جاو قارعتليهم حتى جبدو الموضوع
وبديت حتى هربو حسبوني مهبولة...على خترش هما السبب باش رجعت السبيطار
ولي غاضني ان مرضها صعيب مسكين.

[رضاك يا ربي]

ربي يجيبلك الشفاء ليك والاخت الكريمة
اكثروا من الاستغفار
والله والله والله يا اختي يصنع المعجزات
وعن تجربة شخصية
استغفروا في كل ساعة و دقيقة وثانية
وباذن الواحد القهار ستشفى
أما فيما يخص سؤالك:
كانت جارتي مريضة 3 سنوات بالسرطان
واهل زوجها أرادوا تزويجه وهو رافض الفكرة
وفي الاخير تزوج
المسكينة بعد ثلاث ايام فقط ماتت
ماتت قهرا و حزنا لأنها لم توافق
وزوجها الان يعيش في تعاسة كبيرة
يجب على الرجل أن يصبر مع زوجته
اليس الزواج عهد وتعاهد على السراء و الضراء
ام انه عندما تمرض هذه المرأة
ترمى في سلة المهملات
هذا ليس عدلا اطلاقا
أما فيما يخص اهل الزوج
فالاجدر بهم ان يعينوه في هذا المصاب
لا أن يضاعفوا له الغم والهم
أما أنا
وزوجي دائما اقول له
كما يقول المصريون
على جثتي تتزوج عليا
ومن سابع المستحيلات اقبل الضرة المرة
في الصحة أو في المرض عافانا الله
الرجولة مواقف
في مثل هذه الظروف يظهر الرجل الحقيقي
من عدمه
اللهم اشف مرضانا وارحم ضعفهم وآلامهم
انك انت الرحيم

[toulay]

وعليكم السلام ورحمة الله وبركاته
ربي يجعلكم الشفاء ان شاء الله
وهاذ الناس ربي يهديهم ان شاء الله حابة نفهم واش لزهم ليها كل واحد يتوله بدارو وفرات محبش يتزوج محبش حايب يوقف مع الزوجة تاعو تسالوه
ياسبحان الله يحبوا يدخلوا ارواحهم في كل شيء
المراة مسكينة مريضة تسحق ليواسيها ويخفف عليها مشي لينكد عليها
شكرا

[kader001]

التضحية ممكن ..مثل ما فعلت سارة زوجة ابراهيم الخليل و قدمت جاريتها هاجر ليدخل عليها و لتلد بعد ذلك سيدنا اسماعيل عليه السلام ..التضحية نعم و لكن دون اي ضغط لا معنوي و لا مادي ...............و الا فلا ..

[دنيا الامل 18]

لا و الف لا لا استطيع لمادا المراة عندما يمرض زوجها تقف معه لم لا يفعل هو دلك

[أنس_26]

مع انا سؤال موجه للنساء لدي تعقيب صغير ...
والله هذه المواقف التي تبين معدن الرجل بحق هذا هو الحب الحقيقي وليس الحب المزيف المغلف بالاكاذيب وليس حب المصلحة الذي يدعيه البعض..هناك رجال ان شاء الله يجتمع او يضغط عليه كل ناس لن يترك شريكت حياته التي تشاركه ويشاركها كل حلو و مر ولن يتركها في وقت الضعف ووهن ولن يبيعها برخيص.

[مراد سابقا10]

يا جماعة لنكن منطقيين احيانا المراة تمرض مرض مزمن يؤثر على الرجل فلا يستطيع الصبر فيطلب الزواج من امراة ثانية وهذا حقه هل

تريديون له ان يقع في الزنا ربي يهدي الجميع .

[سَامِيَة]

معظم الرجال رصيدهم غير
كاف لجعل زوجاتهم تفكرن بتلك
العقلانية المدهشة...

هل يستحق حقا ذاك الرجل
أن تفعل زوجته معجزة
و تزوجه بنفسها...

[خوخة جوجو]

حتى لو كان ذاك الراجل يستاهل فلا يمكن ان تقبل للمراة ان تزوجه بنفسها. حتى لو صار
فلا اظنها ستبقى معه.

[ع.عيسى]

هل هذه قصة حقيقية ؟؟؟
اول مرة اسمع امرة في حالة المرض وفي المستشفى باتون اليها الاهل يطلبون منها تزويج الزوج والزوج غير موافق ، على الاقل يتزوج الزوج بدون علمها ولا يزيد مرضا فوق مرضها

[nina hnina]

ربي يشفيك شفتي. كي يدوك من داركم تكوني هايلة وعودة ولا طونوبيل جديدة مين تمرضي ترجعي معذرة منك راشية ويحوسو على جديد لكان مرض هو اه يترفد على العين وراس لا حول ولا قوة الا بالله