زوجي وامي وانا في المنتصف عييييييييييت

[مشكلتي]

سلام ععليكم اخوتي انا متزوجة منذ اشهر وزوجي راقي شرعي اصلا كان يرقيني قبل زواجي وبعد زواجي زاد المرض مما اضطره مرات يطول في الليل ويبات وامي كانت عادي ترحب بالفكرة لانه الكل يعرف انه زوجي وهاد الايامات ظروفنا المادية شوي يعني كي يطول تقول لي واش نعطيه ياكل ومكانش ومن بعد قالت لي ككلام جوارين علينا واش راح يقولوا كي يشوفوه يخرج وين علابالهم راه يرقي قلت لامي هادا زوجي و عاقد عليَّ وشرعا يجوز له يطول اصلا هو راه يرقي مهوش يلعب والله راني نعاني انا عندي مس عاشق يعتدي علي ومكرهلي عيشتي اخر مرة كنت في حافلة والله العظيم الحافلة تجري وانا صبت روحي نطيت للشارع يعني شي رماني وقاسني من الحافلة والله راسي خبط في طروطوار قريت مت والله امي مش حاسنة عوني وزوجي مسكين سكت ليوم قالت له امي قدامي نتوما لعرب متحبوش الحقيقة والله غاضني الحال وبكيت لانه زوجي انسان متدين شفت في عينيه الدمعة وامي تصرخ عليه وهو ساكت ويقولها سمحيلي خالتي امي مااحترمتش زوجي امامي معليش انصحيه بينك بينو علاش تبهدليه قدامي والله راني نفكر في الانفصال شاوروا علي ,,,,,,,,,

[مراد سابقا10]

بصراحة شديدة

النسيب لازم ميكثرش المجئ عند نسابوا واش متصراش مشاكل هذي اولا

وثانيا قضية المس العاشق هذا لوكان زوجك راقي شرعي ومقتدر مليح فرد جلسة ينهي هذا المشكل

انا تبالي مرضك نفسي وليس مس عاشق الأحسن تزوري طبيب نفسي

بالمناسبة لم تحكي على بيتك وزوجك ولماذا لا تباتين في بيت زوجك الناس كامل مرىض وحاكمين ديارهم

[طيور الجنان]

اختي لكن مادامك متزوجة روحي لدار راجلك و يرقيلك عندو عللش راكي عند يماك.

[بناتي نور العين]

انا فهمت انو العرس مزال موقعش

حنا في تقاليدنا و عاداتنا يلا موقعتش الدخلة ميجيش الزوج رايح جاي

و علاش يطول جلسة تنين و نتي ريحتي

صحيح من المفروض امك تحترموا و جيبهالو بطريقة لطيفة شوية

عجلو في الزواج و روحي معاه احسن من المروح والمجي وكلام الناس

[زبدة ذايبة]

جابها لعمرو.

كاش نسيب يدير هكذا ؟؟؟؟؟

وراكي متأكدة أن هذا الشخص راقي تاع الصح.!!!!!!!

ممكن هو اللي راه يديرلك في هذ الاوهام والأمراض!!!!!!!

على حساب التصرفات تاعو والله أعلم فيه الشك.

كاش راجل يخلي روحو حتى تبهدلوا نسيبتوا؟؟؟؟؟!!!!!!

يعني مابقاش.

اسمحيلي نقولك كاينة فوصى عندكم.

سواء من هذ الزوج الراقي اللي مايعرفش الأصول

او من الأشياء اللي راكي تقولي عليها.

أو من قبول أهلك أن هذ الراقي يرقي ويزيد يبات.

هذي الغلطة تاع النهار الأول من طرف داركم.

وباباك وين راه ؟؟؟؟؟؟؟

والغريب بالنسبة لك أنك مستاءة من أمك

لأنها بهدلت زوجك قدامك

وانت موافقة تبهدلوا بعيد على مسامعك.

عاودي راجعي نفسك

وارجعي إلى الله

فهذه الأشياء لاتحدث لمن لازم الأذكار

وقراءة القرآن.

حاجات بزاف تدل على التناقض وعدم الوضوح في مشكلتك.

لذا، حاولي تفهمي نفسك أولا

ثم تفهمي هذ الراقي الزوج.

لعل مشكلتك تبدأ من هنا.

أما بالنسبة لأمك فعلى مايبدو أنك

لاتأبهين من تأنيبها إياه على انفراد.

لذا أخبريها أنها تستطيع أن تفعل فيه ماتشاء بعيدا عنك.

وهنا يصبح مامن مشكلة لديك.

رب يصلح حالكم يا أختاه.

[محمد جديدي التبسي]

كلمة زوجي قوليها لما يدير العرس ويهزك لعندو.
على فرض أنه راقي وفق الكتاب والسنة كما تقولين.
فهمي هذا الرجل أن لا يأتيك وان وكان ولابد في وقت مبكر ويروح يبات في دارو
أما المجيء المتكرر والمبيت هذا ليس من الأخلاق ويعطي شكوك حول شخصية هذا الرجل.

ربي يشفيك ويصلح حالكم

[رندة.]

ما دام مازال ما درتوش العرس امك راهي على حق مالازمش يطول عندكم ويزيد يبات.
وانتي حصني روحك بقراءة القرآن والاذكار.
ربي يشفيك ويفرج عليك ان شاء الله

[kacimo.samy]

السلام عليكم
عجلوا الزواج واخطيكم من القيل والقال
ربي يشفييك

[toulay]

وعليكم السلام ورحمة الله وبركاته
صحا والوالد الكريم تاعك وينو والاخوة تاعك وينهم
المرة الاولى حسبتك متزوجة
يا اختي مشي مليح النسيب يبات عند نسابه صار متزوجين ويحشم يريح في دار نسابه وين مزال متزوجش
يحب يرقيك يجي الصباح بكري ويروح
jamais شفت راقي يرقي نصاص الليالي
امك عندها الحق ومن المفروض هو تاني يحشم على روحه زعمة راقي ويعرف كلام ربي سبحانه وتعالى ويدير هكذا
على كل ربي يجعلك الشفاء ان شاء الله
بالتوفيق

[النجمة القطبية]

يا اختي
يماك عندها الف حق حتى لو كان عاقد عليك كاين حاجة اسمها العرف والعادات والتقاليد والاصول
مازال لم يتم اعلان الزواج كيفاه هدا يبات في داركم بحجة راه يرقي فيك !!! وانتي مراكيش مرتوا مادام مازال اعلان الزواج قدام الناس
وزيد وين راهم رجال البيت من هدا الامر
اسفة عزيزتي اني لم اوافقك
لكن مادام عندك ظروف ديري عرس بسيط قليل التكلفة
وكي تروحي لداروا يرقيك كيما يحب من صباح للعشية كيما يحب
وخلينا من العواطف والدمعة في عينوا ومتدين وما نعرف
ربي يوفقك ويشافيك

[فافا مينوشة]

سمحيلي حنونة بصح مهيش جاست هدي حنا عندنا عيب نسيب بلا ما يدير لعرس داخل خارج لنسابو عندها الحق يماك وكلام ناس خافت عليك قوليلو يزرب بلعرس ويرقيك وخلاص سمحيلي مش من حقو حتا يبات اصلا

[غزلانْ]

بدل الوقوف في صف أمك تترأفين لحال زوجك أي مسكين هذا لو كان راقي شرعي حقا
لما تصرف مثل ما ذكرت كان ينبغي له تجنب
نتيجة ما يفعله والدتك على حق فكم من فتاة
عقدت عقد شرعي لكن حصل طلاق و من تدفع الثمن أكيد الفتاة لا الشاب
فليرتبط بك و ان كان همه معالجتك فليرقيك ببيتك بعد الاعلان عن زواجكما
بالشفاء لك

[samir-physique]

بسم الله و عليه توكلنا
الحقيقة ان الاخت زبدة دايبة بارك الله فيها قد وفت و كفت و لم تترك لنا
الكثير لنضيفه و لكن كل مااستطيع قوله هو انكي طيبة القلب
حاولي ان تكون اكثر قوة و رقي نفسك بنفسك وحاولي التركيز على
شفاء نفسك

[Saif al-Islam]

صحيح قد تنزعجين من ردّة فعل والدتك ، و لكن كوني على يقين لو لم تسمع القيل و القال لما فعلت ذلك ، الناس راها ما ترحمش يا أختي ، و من العيب بقاء هذا الرّجل معكم في منزل واحد ...صحيح أنتِ عاقدة معاه ، و لكن الزّواج قد يحتاج للتشهير و الإعلان أمام الناس .

لذلك أنصحك أن تحترمي أمّك فهي ترى ما قد لا تريه أنت و لا زوجك ...تفاهمو بالتي هي أحسن أنت و زوجك لإيجاد حل يرضي الجميع و لكي تُبعدو عنكم الشّكوك و كلام الناس

اللّه يُشفيك يا أختي

[om_hadil]

و الله أمك على حق الف في المليار ،،، و هذا الرجل لو كان صح متدين و على خلق لا يفعل هذا و ما ادراك انه متمكن في الرقية ؟؟؟ عجلوا بالزواج و أرقي نفسك و لا تتورطي في أمور اكبر من هذا اسال الله العافية و السلامة للجميع