كسرة الرخساس بمقادير مضبوطة تناسب مائدة رمضان.... قولي وداعا لتبذير الخبز

[أمنية غفران]

السلام عليكم و رحمة الله تعالى و بركاته

أخواتي الكريمات رمضان كريم

و بهاد المناسبة كاين عائلات بزاف يستهلكو خبز الرخسيس او الرخساس او خبز نص خمير او الفطير كل منطقة واش تسميه كيما في عائلتي يحبو ياكلوه غي هو رمضان و عليه كان لازم عليا نلقى طريقة باش ما يضيعليش الخبز و ما يترماش و نديره بمقادير مضبوطة يعني هاد المقادير الي رايحة نحطهم ليكم يعطوك زوج خبزات متوسطات و انتي ديري و متطلبات عائلتك كانت كبيرة او صغيرة ضاعفي المكونات و ادا حبيتي خبيزة ديري نصف المقادير و هاكذا

المقادير

2 كيلات سميد رقيق (المكيال استعملي هاد الكأس الي نشربو بيه الحليب كيلي بيه الدقيق )



مغرف كبيرة سكر
مغيرفة قهيوة خميرة الخبز
مغيرفة قهوة ممسوحة ملح
فنجان قهوة زيت
ماء دافيء

الطريقة

اولا خلطي النواشف مع بعض من سميد و خميرة و سكر و ملح و من بعد ضيفي الزيت و خلطي مليح حتى يدخل الزيت كامل في السميد
و من بعد ضيفي الماء الدافيء غي بشوية و خلطي احرصي ما تجريش العجينة و بداي شغل تقطعي فيها
و من بعد لميها مليح و ضعيها في ساشي على طريقة اختنا الورهرانية ربي يحفظها غطيها و خليها بجيهة حوالي عشر دقايق و من بعد زيدي قطعهيا و عجنيها شوية من غير ما تضيفي الماء و عاودي رجعيها للساشي و خليها تريح حوالي عشر دقايق حتى ربع ساعة

و من يعد ذلك حكمي العجينة زيدي عجينها شوية و قسميها الى قرصتين و قرصيهم رقاق بالاستعانة بالرولو من غير ما تستعملي لا سميد لا فرينة راهي تجيك ساهلة في الحلان غطي الخبيزات و خليهم يزيدو ريحو شوية وقت الي تسخني الطاجين ديالك او المقلاة

طيبيهم على نار ذليلة بزاف و ديجا ما يطولوش في الطياب الله يبارك خفيف ظريف

استيس ممكن تعرفوه

ادا الاخت تخافي كي ترمي الخبيزة في الطاجين استعيني بورق الطهي قرصي فوقه الخبيزة من البداية

ما تنسايش تثقبي الخبيزة بالفرشيطة كي تحطيها فوق الطاجين

.................................................. ...............................

تفضلن الصور توضح أكثر و ان شاء الله تعجبكم الطريقة . و تجربوها و ردولي الخبر هنايا ولا في الكوزينة






























في أمان الله

[**وحدها غريبة **]

تشهي جزاكي الله خيراااا
حنا نديروها مي بلا خميرة
بما انك تفيدينا نفيدك بفكرة انا نحط مقلة فيها ملعقة او زوج جلجلان يتحمص غير شوي ونضيفو للعجين يعطيها ذوق ولا اروع
كما انو جد مفيد

[fleur de lili]

صح فطورك أختي أمنية
ربي يرزقك من نعيمو. راكى دائما في القمة ودائما معطأة
ربي حققلك واش راكي متمنية أمين
شكررررررررررررررررا

[أمنية غفران]

المشاركة الأصلية كتبت بواسطة **وحدها غريبة **

تشهي جزاكي الله خيراااا
حنا نديروها مي بلا خميرة
بما انك تفيدينا نفيدك بفكرة انا نحط مقلة فيها ملعقة او زوج جلجلان يتحمص غير شوي ونضيفو للعجين يعطيها ذوق ولا اروع
كما انو جد مفيد

صحا فطورك اختي الكريمة ربي يحفظك و يهنيك

عجبتني عفسة الجلجلان نجربها في خبزتي هههههه

خاطرش مين ذاك نضيف السانوج

مشكورة

[أمنية غفران]

المشاركة الأصلية كتبت بواسطة fleur de lili

صح فطورك أختي أمنية
ربي يرزقك من نعيمو. راكى دائما في القمة ودائما معطأة
ربي حققلك واش راكي متمنية أمين
شكررررررررررررررررا

صحا فطورك سيدتي الكريمة ربي يحفظك ان شاء الله يارب تجربيها بهاد المقادير و تعجبك

مشكورة حبيبتي على الدعاء

[omjoujou]

رمضان كريم امنيتي
يعطيك الصحة حبيبتي سلمت يمناك

[&ام ايوب&]

تشهي يعطيك الصحة
وصح فطورك

[ام هزار]

يعطيك الصحة اختي و بارك الله فيك . باينة من الصور تشهي و خفيفة ما شاء الله

[سحابة باردة]

أمممممممم جوعتيني أمينة جاتك روعة وتشهي تسلم الأيادي يالفحلة

[انا هي رزيقة]

ربي يبارك فيك اختي امنية مواضيعك دائما هادفة جعلها الله في ميزان حسناتك و ربي يدومها عليك نعمة يا رب

[idron0]

جزاكي الله خيراااا

[جنة الفردوسْ]

امنية حبيبتي دائما حوايجك يعجبوني هاااايلين الله يبارك....يعطيك الف عافية

[أمنية غفران]

المشاركة الأصلية كتبت بواسطة omjoujou

رمضان كريم امنيتي
يعطيك الصحة حبيبتي سلمت يمناك

ربي يحفظك اختي ام جوجو و يهنيك ان شاء الله تكوني بخير

[أمنية غفران]

المشاركة الأصلية كتبت بواسطة &ام ايوب&

تشهي يعطيك الصحة
وصح فطورك

ربي يهنيك حبيبتي ام ايوب و يحفظك تعيشي

[أمنية غفران]

المشاركة الأصلية كتبت بواسطة ام هزار

يعطيك الصحة اختي و بارك الله فيك . باينة من الصور تشهي و خفيفة ما شاء الله

ربي يحفظك اختي ام هزار ان شاء الله تجربيها بهاد المقادير و تعجبك تعيشي