حماتي سبب تعاستي

[ام احمد اياد]

السلام عليم
انصحوني انا حائره وتائه
مشكلتي مع حماتي ملي تزوجت هي جايبتها من ورايا عيت ما نكسبها كنت عايشه معها ولكن درت زعما داري وحدي بطاجي وحدي مي مازالت من ورايا رايحه تهبلي ونهار كامل وهي تحرش في زوجي عليا مفهمتش علاه مالغري انا زوجي متفاهمين وعايشين لباس وهو يحبني ومتهلي فيا ولكن هي متحبش تشوفنا متفاهين وربي يهديها ولات دير امور شعوذه والسحر باه طلقني وتقول زجي مرتك انسانه متكبره وشايفه روحها علينا مي والله العظيم متواضعه بزاف وعلاه نتكبر انا انسانه جابده روحي ونحبش ندخل في امور متخصنيش
ملقيتش معاها الحل ودركا زوجي ولا في يدها ولات تمشي فيه واخر مشكل معاها رحنا لبحر وهي ما حبتش تروح معانا مي سلفتي راحت معانا فوتنا يمات باهيين ولكن كانت سلفتي تنقلها الاخبار صغيره وكبيره وكيفاه زوجي يدلل فيا المهم ملي روحنا مع الليل تعبانين دارت هي العشا وبعثتلي وقالت لوزجي قولها مديرش انا استغربت لانها ماشي من عادتها لاني ولدت وماطيبتليش كنت نافس ونطيب وحدي
تعشينا من تعب تاع لفواياج رقدنا الغدوا نضت عادي انازوجي فطر منزل عندها ودالها ليفوطو باه تتفرج وانا الفوق قاعده ندير في شغل الدار والله سمعتها تهدر فيا وتحرش فيه عليا والله العظيم ما تجسست عليهم بعد مده طلع زوجي ليا يحوس على اي سبه باه يتقابض معايا وانا كسمعتهم يهدرو عيا وليت نرجف بدا هو يهدر معايا وانا ريت عليه لكن بادب لقيتو بدا يضرب فياوهذي اول مره يضربي ويهيني جامي سبني من قبل ومن بعد لحقت هي وبدات تسب فيا وتقولو قتلك طلقها انا عيطت لدارنا جاو داوني ركبت في طونوبيل ودارنا كلما مهدروها معاهم من هذاك الوقت وانا في دارنا فات عليا شهر ملي خرجت مزدتش هدرت معاه حتى مخممش يبعث مصروف ولا يسقسي على ابنو
ودركا انا حابه نطلق منو ومنيش حابه نرجعلو لاني كرهت من المشاكل وصبرت على اذى امو وفي الاخير هذا جزاتي انو يضربني
واش تنصحوني

[_اميرة الصمت_]

يا اختي ابغض الحلال الطلاق ......
وليس الحل في ان تتطلقي
حاولي تهدري معاه واذا كان عندو يكريلك دار برا من دارهم
اموان تتهناي منها شوية
الله يهديها و الله
انت قبل كل شيء و قبل ما ديري اي حاجة خمي في ولادك اذا كان عندك
ربي معاك اختي ^^

[أنس_26]

وعليكم السلام
لا اريد ان اعاتبك ولاكن كان من الأول انا لا تتزوجي ويكون شرطك سكن لوحدك حتى تتفادين هذه المشاكل التي تتكرر كل يوم
الزوجة تنخدع بالمعاملة الجيدة في الايام الاولى حتى تتفاجأ بكابوس و جحيم بعد ذلك
البنت تريد تخلص من العزوبية حتى تجد نفسها في طلاق ..الزواج مع الحموات في الجزائر فاشل لا يوجد اي خصوصيات +عادات وتقاليد بالية
لو عدت للبيت سوف تعيد الكرة ثانيا و ثالثا ...يايوفرلك سكن وحدك يا كل واحد ايروح في حالوا مدام معندكومنش اولاد .

[ام احمد اياد]

ايا اخي انس ــ26 انا لما تزوجت رفضت انا اسكن وحدي لاني تربيتي واخلاقي تسمخلي اني تعيش انسانه كبيره وحدها عيب عليا واهلي رفضوا اني نعيش وحدي لانو في بيت زوجي انا زوجي وهي هل تصلح نخليها وحدها هي عندها بنت ولكنتدرس في الجامعه و2ذكور في العسكر صافي تبقى وحدها انا درتها كما والدتي
من ناحية الاولاد عندي طفل عمرو تسعة اشهر
شكرا

[first first]

ربي يفرج همك
ان شاء الله تهدا النفوس وترجع المياه لمجاريها.
الله لايوصلك للطلاق..........زوجك ضربك اختي صحيح فعل غير مقبول اطلاقا لكن ربما كان تحت ضغط ..امه من جهة وردك بادب من جهة!.......الله يصلح الاحوال ويفرج همك عاجل غير اجل.

[سَامِيَة]

وعليكم السلام أختي

لا يعقل أن تطلبي الطلاق من أول مشكلة تحدث بينكما أختي لأن الخمس
سنوات الأولى في الزواج عادة ما
تكون صعبة كما أن الألفة والمودة
لن تخلق من العدم بل يلزمها أن
تمر بامتحانات ترسخ وتعمق من
وجودها...

أنا هنا أحدثك انطلاقا من ملاحظتي
للعديد من الزيجات التي كانت على
وشك الفشل ولكن بالصبر ومحاولة
التأقلم قدر لها أن تستمر...

خاصة وأنك أختي تقرين بحب زوجك
واهتمامه بك. . . . وإن كنت متأكدة من أعمال السحر والشعوذة التي تمارسها حماتك هل تتخلين عن زوجك
بهذه السهولة وانت تعلمين
أنه مغلوب على أمره؟ ؟ !

إذا درنا على الضرب معظم النسا
تتطلق

إن كان طموحك الزواج وكفى يمكنك
الاستسلام دون بذل المزيد من الجهد لمواجهة المشاكل...أما إن كان ولا يزال
طموحك بناء أسرة متماسكة فما
عليك إلا أن تجدي حلا لحماتك.

اعذريني أختي ولكن الزواج ليس
فقط بحر ودلال واستمتاع هو كذلك
مشاكل و منغصات وما على الزوجة
الذكية إلا أن تعرف كيف تتجاوزها.

إن كان هناك مجال للعودة عودي
وامنحي علاقتكما فرصة أخرى وحاولي أن تغيري من طريقة تعاملك ما دامت
طريقتك السابقة لم تنفعك...

ربي يوفقك ويهنيك
لا تفكري في الطلاق حتى تستنفذي
كل الحلول الممكنة

[أنس_26]

المشاركة الأصلية كتبت بواسطة ام احمد اياد

ايا اخي انس ــ26 انا لما تزوجت رفضت انا اسكن وحدي لاني تربيتي واخلاقي تسمخلي اني تعيش انسانه كبيره وحدها عيب عليا واهلي رفضوا اني نعيش وحدي لانو في بيت زوجي انا زوجي وهي هل تصلح نخليها وحدها هي عندها بنت ولكنتدرس في الجامعه و2ذكور في العسكر صافي تبقى وحدها انا درتها كما والدتي
من ناحية الاولاد عندي طفل عمرو تسعة اشهر
شكرا

اختي بغض النظر على حسن نيتك واخلاقك فالواقع امر اخر ..فالحموات الاغلبية صعب جدا إرضاء هم مهما فعلت يثيرون مشاكل على اتفه الاسباب فتجارب على ارض الواقع هي اكبر دليل .( مع احترامنا لجميع الامهات )
مادام عندك طفل لا انصحك بالطلاق .. ودائما هناك حل وسطي بالحوار والنقاش .

[misktyba]

ما ننصحكش بالطلاق ،راكي تتخلاي على راجل يبغيك وهو والد ابنك .أمه الله يهديها و هو ماعندو مايدير ليها .انت كوني ذكية وحلي المشكل معاه وماتخليهاش تزيد تعمر فيه عليك حتى يسمح فيك.الحماة الشمالية واعرة تتدخل في كل صغيرة و كبيرة

[جنى الجنتين]

سلام اختي الله يفرج عليك نصيحتي ليك متفرحيش عجوزتك بطلاقك و تسمحي في راجلك حتى و لو كان غالط في حقك مشي غرضه صدقيني راهي تعمر فيه عليك و علابالك بهاذ الشيء و عمرك ما تقدمي راجلك على طبق من ذهب لامراة اخرى لانو لو طلقتي راح يعاود حياته نرمال و انتي لي مطفرة فيك حلي باب الصلح و خلي الرجال الكبار ف العايلة يدخلوا و عمرك ما تيتمي وليدك و باباه حي راح يلومك من يكبر و يقولك كون صبرتي و عجوزتك ماغديش تخلد الله ينورك

[رضاك يا ربي]

افهميني مليح يا اختي
انا على حساب مافهمت ماعندكش مدة طويلة
على زواجك
وقلتي راجلي يحبني و مدللني
راجلك رآه يعيش صراع كبير بينك وبين انو
احسني عونو وماتتخلايش عليه مهما كانت الظروف
كاين حلول بزااااف من غير الطلاق

[غصن البآن]

انا من زواجي تعلمت حاجه مهمه...اذا جاتك من ناسك تحملي فوجه راجلك يا اختي راكي تقولي زوجك طيب ومهنيك ..تطلقي على جال غيرة نتاع حماتك ربي يهديك
المراه ماتسمحش فدارها ومتخربهاش على جال مشاكل مع ناسها الا اذا راجلك سمح ...حاولي ترجعي زوجك فصفك وحسيه بلي الزواج مسؤوليه والراجل الفحل ميخربش بيتو على مشاكل تصرا فكل بيت ..ربي يهدي نفوسكم ويصلح امركم ...انتي باينتلك مشاكلك كبيره مي شوفي لي عايشين اسوء وصابرين وربي فرجها عليهم وغير احوالهم وزيد قبل متفكري فالطلاق وتعبك من المشاكل فكري فوليدك اللي يستهل تصبري على جالو ....راكي حاسه بالظلم والاهانه وخاصه انو زوجك رفع يدو عليك ..حقك ...لكن اذا حابه تجيبي حقك سامحي وارجعي لدارك وبيني لزوجك انك واعيه وتعرفي معنى الزواج اكيد راه نادم وغير الشيطان يحاول يخربها بينكم

ربي يفرج همك حنونة

[nihal159]

و ممكن أنك أنتي سبب تعاسة نفسك من غير ماتحسّي؛ أنتي قلتي أن عجوزتك ساكنة وحدها و هذا يخلق عندها نوع من الفراغ و الوحدة؛ و فالمقابل أنتي ساكنة معاها في نفس الدار لكن عزلتي نفسك عليها في طابق منفرد، هذا التصرّف فهمتو عجوزتك على أنو تكبّر منّك أو أنّك خلقتي تباعد بينها و بين إبنها؛ إذا كردة فعل منها ولات تختلق فالمشاكل و تحرّش في راجلك عليك.
أوّلا نحي فكرة الطلاق من راسك و الصلح خير؛ لأن الطلاق كلمة ساهلة لكن تبعاتو الله لايشوّف مؤمن فيها.
ثانيا أرقي نفسك و زوجك و حاولي تصلحي علاقتك بحماتك.

[22bilal bilal]

ربي يهديها حماتك

[رندة.]

ربي يفرج عليك ويصلح أحوالكم ان شاء الله

[فاطمة شلف]

والله ىااختي الكرينة مشكلة عليك با لصبر والدعاء
قولي الدعاء الخاص ياودود ياودود يا ذلعرش المجيد...........
في الركعة الرابعة والاخيرة كره يوما ثم ارجعيلي الخبر اذا زادت دارت بيك
حماتي عندي30 سنة زواج لحدي الساعة تلاحقوني وتضغط على امها
لكن اليوم قالت ام زوجي هي ابنتي الحقيقية وانتصرت عليها بالدعاء وقدرة الله سبحانه وتعالى
اختي الكريمة يقول المثال العصفور يعيا طاير في السماء ثم يهبط الاض تحملي وصبري سوف تنالي بقدرة الله
انصحك بالدعاء والصمت
الصمت عن الاحمق جوابه
اسمخيلي على عدم الوقت الكافي
اللهم فرج همومنا وهموما المسلمين والمسلمات