حار حار حار

[Oum Mohamed123]

السلام عليكم
إلى كل محبي الحار جبتلكم اليوم طبق ولا أروع و لا ألذ
قد ما نقولكم عليه قليل على بنتو
نتمنا تجربوه و ترجعولي الخبر
نبدأ بسم الله
المقادير
الحشو : صدر دجاج فلفل حار حسب الرغبة لكل واحد 2 او3 قرن فلفل.حبة طماطم كبيرة.فرماج لافاش كيري .حبة بصل كبيرة .3سنينات ثوم.دبشة.بيض.ملح.فلفل اسود.توابل الدجاج مش ضروري.والمكون السري هو الزعتر



نبداوا نرحي الدجاج ونقطع باقي المكونات كما في الصورة.الفلفل نغسلوه ونفتحوه عالجنب بالعقل باش ماتتكسرش ونقيوه من البذور




نقلي البصل ونزيد السكالوب حتى يبياض



ونزيد الملح والتوابل ونقليه مليح حتى يطيب ونطفي عليه



ومبعد نزيد الطماطم.الدبشة.و2ملاعق زعتر



هذي النتيجة



ونحشي الفلفل بالشوية



ونزيد نحشيه بالفرماج انا ندير حبة ولا زوج على حساب حجم الفلفل


انا نخلي شوي حشو نزيدلو طماطم زيتون اخضر ندير سوفلي للاولاد



العجينة
اي عجينة سوفلي معتمدينها.انا تقريبا 6سنين وانا ندير فالطبق هذا وجربت ياسر انواع العجين تعجبني هذي
كيلو فرينة .كاس صغير زيت ملح.م ك سكر.2م ك خميرة.ونشمخوا بماء دافي حتى نتحصلوا على عجينة متماسكة باش ماتعييكمش فالخدمة .نعجنها غير شوي ونخليها تخمر






نرش الفرينة على سطح العمل ونحل العجينة تكون رقيقة كما فالصورة








ونشد الفلفل باليد اليمنى والعجينة باليسرى ونروليو


نحط فى بلاطو مدهون وندهن بصفار البيض




والى الفرن وكيطيب لازم نحطوا فوق شباك باش مايتنداوش
واليكم اطيب فلافل على الاطلاق














ان شاء الله ينال اعجابكم طبقي هذا وطبقوه ماش راح تندمواا لانه لذيذ بشهادة من ذاقوا .والريحة مانحكيلكمش توصل لسابع جار ههههه