زوج صالح طيب و مؤمن لكن......

[مشكلتي]

السلام عليكم
انا في الحقيقة عندي مشكلتين و قدما طلعت حبطت ما لقيتش الحل انا فتاة ملتزمة و الحمد لله لم اتعرف على شباب في حياتي و كيما اي فتاة لحقني وقت الزواج و بديت نخمم في الاستقرار و بناء عائلة لكن لحد الان مازال ما كتبش المكتوب جاوني 4 خطاب لكن كلما كنت اصلي صلاة الاستخارة الا و يجي سبب ربي يبعدهم لان اريد شخص متدين صالح طيب و مؤمن لكن كل مرة كانو يجوني ناس و ربي يبعدهم منبعد نعرفو يا خارجين طريق يا عائلتهم ماشي ملاح المهم دخلت في موقع للزواج الاسلامي و تعرفت على شاب ملتزم حكيت معاه بنية الزواج و تفهمنا و عجبني بزاف مشاء الله من حفظة القران الكريم و مثقف و حقيقة تكلم معي باحترام تكلمت معه مدة كافية غير في موضوع الزواج و الارتباط سالنييي و سالتو تعرفنا على بعضنا مليح و تناسبنا و قالي حاب يجي لاهلي لانو ماشي من النوع لي يتكلم مع بنات اجنبيات انا وافقت ان يجي لكن المشكل ان ابي مستخيل راح يقبل لمجرد ان تعرفت عليه عن طريق النت و تكلمت معه بسر و زيد الشخص ماشي من نفس منطقتي و من جهة اخرى ماقدرتش نصارحو و نقولو ما تقولش لوالدي انك تعرفت عليا عن طريق النت لان راح يدي عليا نظرة ان كذابة وانا فقط لا اريد ان يقع مشكل مع ابي و الان راني حيرانة كيفاش ندير صليت صلاة استخارة و كل ما نصليها يزيد ربي يقربو و ينوي هو يجي اليوم قبل غدوا لكن كيفاش نقول لاهلي راه جاي راجل يخطيبني كيفاش الطريقة و مانقدر ندخل حتى شخص من اقاربي مانقدر ندير ثقة في حتى واحد عاونوني ولله راجل محترم و مشاء الله يخاف ربي و ذو اخلاق مارانيش حابة نخسرو دبرو عليا كيفاش ندير

[شهد حنان]

عادي اتكلي على الله وقولو يتقدم وربي يجيب الخبر اكيد مراهش راح يذكر طريق التعرف عليه

وربي يكتب الخير

[ouissamak]

rebi yla9ikom m3a ba3d fi lahlal inchallah

[مؤمنة بالله]

يا اختي انتي راكي تقولي متدينةة
وتهدري مع الرجال؟؟؟؟؟؟؟؟؟؟
ما تقوليش راهي هدرة محترمة وكذا
والله العظيم ما تعيشينه هو من نسج الشيطان
هو اللي راه يبينلك انو الامور راهي هايلة وهو انسان مليح وكذا
حاجة اخرى اذا فرضنا انو هاذ الراجل من نيتو وجا لداركم
راح تتبهدلي مع اهلك
لانهم راح يغيرو نظرتهم عليك 180 درجة
خلي قدرك محفوظ
واستناي مكتوبك يا طفلة
ديريها مليح في بالك
مكتوبك هو اللي يجيك عند باب دارك
مش انتي تجري موراه
وبهاذ الطريقة انتي راكي تجري مورا مكتوبك
اقطعي الاتصال به
وانتظري مكتوبك
واياك تقولي يحبني واحبه
اي راجل قادرة تحبيه
والاولى هو اللي كاتبولك ربي

نظرة الناس كلها راح تتغير
ونفرضو لو كان جا وما تمش المكتوب بيناتكم
والله غير راح تنفضحي قدام الناس الكل على غرار اهلك
اللي راح يدو صورة سلبية عليك
وراح تشيعي باللي تعرفتي على واحد في النت
وراح تفسد صورة المتدينة عند الكل
مجتمعنا راه محافظ جدا وصعيب في هاذ الامور
ولا يتساهل ابدا
والطفلة لازم تبعدعلى الشبهات
وما تعيشينه شبهة
لانو مهما كان راكي ديري في حاجة حرااااااااااام
كفي نفسك عن هذا

[أمة الله 12]

انت في موقف لا تحسدين عليه

تعرفتي عليه ف النت، نفوتوها عادي هاذي، بصح تاع موقع زواج صعيبة باه تفوت

يعني عرضتي نفسك لزواج، كيما تتعرض السلعة للبيع

ممكن كلامي جارح جدا، لكن هذا هو تفكير المجتمع تاعنا،

الرجال اذا عندهم اختهم و لا بنتهم في سن زواج، يحشموا يخطبولها او يعرضوا فكرة الزواج نها على معارفم ا اصحابهم حتى و لو كانو على ثقة تامة من اخلاقهم او نيتهم الجدية للزواج، فما بالك بالفتاة تعرض نفسها لزواج

و ما فيهاش حكاية انفتاح و لا مستوى ثقافي عالي و ووووووو، الحمد لله هاذم الكل عندي

رانا في مجتمع لا يرحم
ربي يفرح عليك و يرزقك الزوج الصالح

[ام رويدة]

تنااااااااااااااااااقض صااااااارخ والله

لم لتعرف على شباب في حياتي............................................. ..تعرفت على شاب ملتزم

تكلمت معه مدة كافية غير في موضوع الزواج والارتباط......................................... .....لانو ماشي النوع الي يتكلم مع بنات اجنبيات

يا اختي بالله عليك واش تسمي هدا الشيء ام انك لست من كوكبة البنات الاجنبيات......فقط لانكما متدينين ...يا اختي ما تخليش الشيطان يزينلك المعاصي..فهده معصية قد تندمين عليها ...ربي يصلح الامور

ربي يهدينا ويصلح امورنا....

[قاصِرَةُ الطّرْف]

السلام عليكم

انصحك بعدم الخوض في هذه الخطوة ...سيأتي اليوم الذي يقول لك فيه تذكري كيف تعرفت بك و يقول لك ستفعلينها مرة أخرى مع غيري و تسقط الثقة بينكما ؟ ....لا اعرف أختي كيف تجرأتي و دخلتي لهكذا مواقع ؟ لا تتكلمي معه مرة أخرى ... اتركيه لله ..فمن ترك شيئا لله عوضه الله خيرا منه و انصحك بالزوج المجهول عنك و المعلوم عند أهلك ...و الله اعلم

[MuSLiMaN]

المشاركة الأصلية كتبت بواسطة مؤمنة بالله

يا اختي انتي راكي تقولي متدينةة
وتهدري مع الرجال؟؟؟؟؟؟؟؟؟؟
ما تقوليش راهي هدرة محترمة وكذا
والله العظيم ما تعيشينه هو من نسج الشيطان
هو اللي راه يبينلك انو الامور راهي هايلة وهو انسان مليح وكذا
حاجة اخرى اذا فرضنا انو هاذ الراجل من نيتو وجا لداركم
راح تتبهدلي مع اهلك
لانهم راح يغيرو نظرتهم عليك 180 درجة
خلي قدرك محفوظ
واستناي مكتوبك يا طفلة
ديريها مليح في بالك
مكتوبك هو اللي يجيك عند باب دارك
مش انتي تجري موراه
وبهاذ الطريقة انتي راكي تجري مورا مكتوبك
اقطعي الاتصال به
وانتظري مكتوبك
واياك تقولي يحبني واحبه
اي راجل قادرة تحبيه
والاولى هو اللي كاتبولك ربي

نظرة الناس كلها راح تتغير
ونفرضو لو كان جا وما تمش المكتوب بيناتكم
والله غير راح تنفضحي قدام الناس الكل على غرار اهلك
اللي راح يدو صورة سلبية عليك
وراح تشيعي باللي تعرفتي على واحد في النت
وراح تفسد صورة المتدينة عند الكل
مجتمعنا راه محافظ جدا وصعيب في هاذ الامور
ولا يتساهل ابدا
والطفلة لازم تبعدعلى الشبهات
وما تعيشينه شبهة
لانو مهما كان راكي ديري في حاجة حرااااااااااام
كفي نفسك عن هذا

++++++++

أنا مع رأيك و كنت سأقول لها نفس الكلام + لا تنسي الصبر مفتاح الفرج + الجنة
لو كان صح ملتزم حقا لا يذهب لتلك المواقع و التمتع بالنظر للفتيات
مجرد أوهام ينسجها لك الشيطان و بعد أن يحقق غايته ( الإيقاع بكم في الحرام )
ينصرف عنك و يدعك تعيشين الواقع المر
لا تقولي لن أقع في الحرام و فكلنا نخطئ
و الشيطان يعمل بقاعدة ( أول الغيث قطرة )
آخر ما يمكنني قوله لك الصبر ثم الصبر ثم الصبر و انسي هذا الرجل

[بركات النايلي]

السلام عليكم: يقول رسول الله صلى الله عليه وسلم (إنما الأعمال بنيات)
ياختي الزواج بأجنبي عنكي شويا صعيبة سرتوا خارج الولاية نتاعك انا مانصحكش بيه ولو حكا معاكي وقتنا جارك ومتقدريش تضمني فيه والصلاح ربي وربي يأتيك بزوج مما تحبي وترضين يا أختاه
الصبر مفتاح

[محمد جديدي التبسي]

كيف حكمت عليه أنه انسان صالح الان تعرف ناس وتعاشرهم سنوات وما تقدرش تحكم اذا صالحين ولالا فما بالك بحديث انترنت؟!!
اما قضية انو يجي لبيتك فساهلة هو اللي لازم يلقى حل وكاين ألف طريقة ليتكلم مع ابيك فهو نوى الحلال وجا من الباب وان كان بدأ الأمر بخطأ كبير فالتعارف مرفوض شرعا..ربي يفتح عليك

[*ازهار*]

ربي يفرج عليك همك اختى

[ing.Youcef]

السلام عليكم و رحمة الله

أقول للأعضاء المشاركين كما قال عيسى عليه الصلاة السلام : ( لا تنظروا إلى ذنوب الناس كأنكم أرباب و انظروا إلى ذنوبكم كأنكم عبيد، فإنما الناس بين مبتلى و معافى فارحموا أهل البلاء و احمدوا الله على العافية ). إنتهى كلامه عليه السلام.
فاحمدوا الله على العافية (إن كنتم أصلا في عافية!)، و الذي يريد النصيحة فليسلك مسالكها أو ليرح الناس من عفن لسانه!!

[عفّة]

السلام عليكم ورحمة الله وبركاته

زواج الانترنت : مابني على باطل فهو باطل ...

وبالتالي يا أخية .. أسال الله لك السداد و الرشاد

لا مجال لأن أقول [ لو ]

بل أقول أعيدي الاستخارة أكثر فأكثر و أكثر

الله المستعان

[ويبقى الأمل]

حاولي تبتعدي عن كل وسيلة تربطك بهذا الرجل.
وتأكدي أنو لو من مكتوبك سيشق طريقا إليك ولو في البحر.
ويوصل لأهلك بدون ما يعرفو طريقة التعارف التي ينفر منها الكثير من الأولياء.
واذا كتب ربي ووصل لوالديك خليهم هوما يسقسيو عليه في منطقتو .
ربي يرزقك أختي .

[amel03l]

nassi7a ya khti khalih yji yakhteb ;ida kan nawi la7lel yji o ida lala ra7 yahreb o machi lazem t9oli bali t3araftou f net khali had el chi binatkom ;idha ja l der sali salet el istikhara o lifiha el khir yjibha rabi ;na3ref nas tzawjou 3an tari9 el net malgré je suis contre mais nassi7a okhra raki ghlati ki dkhalti l had el mawa9i3 ma zidich kamel tadokhli hadi el 3ala9et tadyi3et wa9t o dnoun 3la dnoub mais tte est possible nti kanet niytek mli7a c possible howa tani nchallah ykoun nas mle7 o tatzawjou ; oulid khalti t3aref 3la martou 3an tari9 el net o rahom 3aychin hanyin