|
|
|
|||||||
| قسم الأطباق الرئيسية الأطباق الرئيسية حصرية لأعضاء المنتدى |
في حال وجود أي مواضيع أو ردود
مُخالفة من قبل الأعضاء، يُرجى الإبلاغ عنها فورًا باستخدام أيقونة
( تقرير عن مشاركة سيئة )، و الموجودة أسفل كل مشاركة .
| آخر المواضيع |
|
طاجين الجبن بطريقتي ومن مطبخي بالخطوات المصورة
|
|
أدوات الموضوع | انواع عرض الموضوع |
2013-01-30, 16:49
|
رقم المشاركة : 1 | ||||
|
طاجين الجبن بطريقتي ومن مطبخي بالخطوات المصورة
السلام عليكن اخواتي جبتلكم اليوم طاجين الجبن لذيذ وبريزونتابل يعني يحمر الوجه احنا نعملوه في الاعراس وقلت خلي نعملهولكم بالخطوات كيما العادة المكونات حبة بصل مقطعة مربعات صغيرة+ كمية لحم مفروم+3سنات ثوم+نصف ربطة معدنوس مقطع +بيض حسب الحاجة انا استعملت 8بيضات وخلطهم مليح مع شوية ملح ونصف كاس حليب بارد +ملح وفلفل اسود+نصف كاس خبز مرحي او شابلير كمية من الجبن حسب المتوفر عندك ان استعملت اجبان طرية وفروماج روج برشتو صلصة بيضاء عادي حضريها بيصل وثوم وكسبر مرحي وملح وفلفل اسود وزيت قلي الكل مع قطعة لحم او عضم دجاج ومرقي بالماء وزيديلها علبة فطر محمر في شوية زبدة خلي الكل على نار هادئة حتى تثقال الصوص وتعقد التحضير في مقلات حطي البصل مع الزيت وذبليه شوية وزيديلو اللحم المفروم انا عملت 700غ لاني عملت بلاطو كبير قلي الكل مليح  وزيدي الثوم والملح والفلفل اسود ماتكثريش الملح لان الجبن مالح وكي يطيب الكل زيدي المعدنوس  وصبي الكل فوق البيض وخلطي وزيدي نصف كاس الخبز المرحي وكمية الجبن الطري والمبشور اللي عندك    ادهني المول بالزبدة وغلفيه مليح بالخبز المرحي  صبي الخليط  زيدي ذري فوقو 2ملاعق خبز مرحي او شابلير والجبن المبشور  كي يطيب خليه يبرد شوية وقطعيه مربعات او مقروضات  وحطيه في الصحن عند التقديم اسقيه بالصوص وزينيه بفروماج روج رابي اوشيدار او قرويار ورشة معدنوس وهذا الشكل النهائي   زوووووووووووم للتشويق باش تجربوه  ملاحظة اللي ماتحبش تقدمو مع المرق ممكن تقدمو لوحدو لكن تستغنى على نصف كاس نتاع الشابلير او الخبز المرحي حتى يجيها ماشي ناشف والفطر تحمرو في شوية زبدة وتضيفو مع اللحم المفروم كي يكون يتقلى نتمنى يعجبكم وراني نستنى رايكم وتقييماتكم
|
||||
|
| الكلمات الدلالية (Tags) |
| مطبخي, المصورة, الجبن, بالخطوات, بطريقتي, طاجين |
|
|
المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية
Powered by vBulletin .Copyright آ© 2018 vBulletin Solutions, Inc
العرض الشجري