طاجين الباي راااائع شكلا وذوقا

[ام اماني77]

بسم الله الرحمان الرحيم

السلام عليكم اخواتي

كيف حالكن ان شاء الله الجميع في تمام الصحة والعافية

طبق اليوم عبارة عن نوع من انواع الغراتان اصل الطبق تونسي وهو عبارة عن غراتان متكون من 3 طبقات طبقة من اللحم المفروم ثم طبقة من السلق ثم طبقة من الجبن

ممكن نعمل كل طبقة على حدى كما عملت انا او نضيف لكل طبقة كمية من اللحم المفروم راح نتحصل ايضا على 3 انا نفضل الطريقة الاولى لان شكلها احسن والالوان روووعة.

https://

راح نحطلكم المقادير لكن اكيد اذا كان المول كبير نضيف في كمية المقادير.

المقادير:

الطبقة 1

300غ لحم مرحي
بصل مفروم
فلفل اسود
زوج بيضات كبار
كمية من الجبن المفروم
م ك شابلير

الطبقة الثانية

ربطة سلق كبيرة
كمية من المعدنوس مقطع رقيق
ملح
فلفل اسود
كمية من الجبن المبشور
صفار زوج بيضات

الطبقة الثالثة
200غ جبن ريكوتا انا ماكانش عندي عوضته بجبن كيري الكريمي
3 حبات جبن مثلثات
كمية قليلة من الجبن المبشور
بياض زوج بيضات

الطريقة:

في مقلة نحط كمية من البصل المفروم مع 2 م ك زيت من بعد نضيف اللحم المفروم ملح وفلفل اسود نخليه فوق النار حتى يطيب وينشف من الماء

نضيفله كمية البيض والجبن المفروم وم ك شابلير

https://

نخلط هذا المقادير ونفرغها في مول يكون مدهون بالزبدة ندخله للفرن يكون مسخن مسبقا على 180درجة من فوق ومن تحت

https://

الان نحضر الطبقة الثانية



نظف السلق ونقطعه ونحطه في مقلة مع شوية زيت ملح حتى يذبل وينشف من الماء

نضيف له المعدنوس والجبن المبشور وصفار زوج بيضات

https://

نخلط هذا المقادير ونحطهم في المول فوق الطبقة الاولى وندخلها للفرن ونشعل من فوق فقط

https://

الان نحضر الطبقة الثالثة

نخلط جميع المكونات ونفرغها فوق الطبقة الثانية وندخلها للفرن ونشعل من فوق فقط حتى تتماسك بلا ما يتغير لونها

https://

https://

بعدها نخليها تبرد قليلا ونقطعها مقروضات او مربعات ونقدمها بالصحة والهناء

https://

لاحظو الالوان فعلا شكلها رااائع وذوقها كذلك

https://

قدمتها مع شربة فريك وخبز الفرينة

بالنسبة للخبز نعمل

كأس ماء دافيء+كاس حليب دافيء + نصف كأس زيت+2 بيضات +م ك خميرة الخبز+م ك سكر +ملح نخلط المكونات ونضيف الفرينة تدريجيا حتى نتحصل على عجينة طرية نعجنها بعدها نغطيها ونخليها تختمر

نقسمها لزوج قرصات ونشكلها او نبسطها على كل البلاطو كما عملت انا بعد ماتختمر للمرة الثانية ندهنه بالبيض وندخله للفرن يكون مسخن مسبقا

بعد ما يبرد نحط الخبز على مشبك بعد مايبرد نقطعه

https://


هنا بعد ماطاب وقطعته

https://


شكله من الداخل

https://


خفيف وهشوش

https://



ان شاء الله تعجبكم الغراتان والخبز ولاتنسوني اخواتي من صالح الدعاء

في امان الله

[..بسمة أمل ..]

شكراااااا حبيبتي ام اماني ربي يخليك
والله الوصفة رووووووعة
ان شاء الله المزيد

[oum islem]

يعطيك الصحة احترامي لك كبير اختي الكريمة

[ام اماني77]

شكرااا غالياتي سارة وام اسلام سعت بمروركما

[سندس1967]

اطباقك دائما في القمة بارك الله فيك بصح لشهاني اكثر هذاك الخبز
انا من محبي السلق كثيرا اذا عندك اطباق اخرى تفضلي بها علينا ولك جزيل الشكر

[*توبــــة*]

امممممممممم هايل خاصة الخبز خفيييييييييييف يهبل

يعطيك الصحة حبيبة

لوكان غير زدتي صورتيلنا الشربة هههههههه

[om kamilia]

mmmmmmmmmmmm دخلت بخيرك ام اماني راني بعثت لك رسالة

[ام رويدة]

رووووعة والله طلتك تسوى كل الدنيا..كنت اقول ان شاء الله مانعها من الدخول امتحانات الاولاد ربي ينجحهم
المهم الحمد لله كي طليتي ومن كرمك تطلي علينا غير بالجديد المفيد
ربي يبارك في صحتك واهلك وكل غالي عندك يااارب

[*أم جابر*]

روووووووعة ربي يجازيك خير اختي

[mounia nouna]

واو يا مبدعة تحية مني لكي

[nadjet boumaraf]

يعطــــــــــــــــيك الصحه ام اماني والله هايل والخبز أروع....تسلم يداكي

[almazalina22]

ممممممممممممممم روعة دائما متالقة

[ام عماد الدين]

ربي يحفظك ان شاء الله

[mama kika]

يعطيك الف صحة دائما متميزة
الف شككككككككككككككككككككككككككككككككككككككككككككككككك ككككككككككككككككككككككر

[om rayane sami]

روعة ام اماني يعطيك الف عافية وصفاتك في القمة المزيد من ابداع بالتوفيق انشاء الله