les vols au vent

[imanaz]

السلام عليكم و رحمة الله و بركاته
اليوم مع وصفة لذيذة جدا و نديرها بزاف حتى كي يكونو عندي ضياف راهي présentable

نبداو بلا صوص :
نديرو صدر دجاج + طرف لحم في الفرينة ونحطوهم في طنيجرة مع الزيت و نقليهم بنار قوية
في هاذ الاثناء نرابي بصلة + 02 سنينات ثوم ونزيدوهم للطنيجرة و نقليو الكل مليح
ضيفي جمبو دجاج + ملح + فلفل أسود+ سكنجبير+ حبة طماطم تقطعيها على 02
قطعي حبة جزر مكعبات صغار و زيديها
غلي زيتون (كمية معتبرة) و قطعيه دوائر و ارميه
زيدي الفطر
مرقي وخلي الكل يطيب ثم نحي الدجاج و اللحم قطعيهم صغار ورجعيهم للمرقة
ملاحظة: اذا كانت لا صوص خفيفة زيديلها شوية فرينة تحليها في ماء بارد و خليها تغلي شويا.

بالنسبة اللي فولوفون راهم يتباعو في المخبزات او حتى لي سوبيرات كل واحدة تشري على حساب افراد العائلة
عمريهم في الوسط بلا صوص بيشاميل و نرفدو قليل من الخليط اللي طاب فلا صوص من لحم و دجاج و جزر و زيتون و فطر بواسطة فرشيطة و نحطوا فوق لا صوص بيشاميل (قليل للتزيين فقط)

قبل التقديم نسخن لي فولوفون في الفرن باش اولو يقرمشو .

عند التقديم حطي لي فولوفون في صحن و سقيها بلا صوص تاع اللحم (كل واحد اسقي وحدو مباشرة قبل الاكل)

نتمنى اني وفقت في الشرح و ان شاء الله تجربوها شكرا

[زينب 83]

يعطيك الصحة يا لفحلة باينة بنينة

[fleur de lili]

ya3tik saha une tres bonne recette comme la miene merciiiiiiiiiii

[omaymen]

الله يبارك رائعة جزاكي الله كل خير

[idron0]

بارك الله فيك وجعله في ميزان حسناتك

[اسمهان79]

شركتي ووفيتي بارك الله فيكي حبيبتي
نورتي بالموضوع الرائع
سلاااااام حنونة

[heaven's road]

بارك الله فيك

[amouna.sem]

يعطيك الصحة

[ام كوكو]

بارك الله فيك وصفة لديدة

[ام محمد78]

يعطيك الصحة

[imanaz]

شكرا على المرور الله يستركم

[ام فراس اصيل]

تبان بنينة يعطيك الصحة

[imanaz]

المشاركة الأصلية كتبت بواسطة ام فراس اصيل

تبان بنينة يعطيك الصحة

اسلمك اله يسترك

[<نَجْمَاتْ>]

شكرا على الوصفة خاصة انها وصفة جديدة عليا انا كنت نديرهم بصح بطريقة اخرى بارك الله فيك

[oum imane83]

يعطيك الصحة ..