|
جسر منتديات الجلفة - من الثانوية للكلية من إعلان نتائج البكالوريا، مناقشة الرغبات و التخصصات، المعاهد و الجامعات، التسجيل، الطعون... |
في حال وجود أي مواضيع أو ردود مُخالفة من قبل الأعضاء، يُرجى الإبلاغ عنها فورًا باستخدام أيقونة ( تقرير عن مشاركة سيئة )، و الموجودة أسفل كل مشاركة .
آخر المواضيع |
|
موضوع لكل لستفسارتكم حول السنة اولى طب
|
أدوات الموضوع | انواع عرض الموضوع |
2018-07-27, 10:03 | رقم المشاركة : 46 | |||||
|
اقتباس:
مرحبا بك نورت الموضوع في البداية لا اطيق كلمة طب لكن بعد ان درسته تغيرت الاحوال قليلا احببته قليلا هههه لكن على العموم تحبينه اكثر لان الدراسة فيه ممتعة جدااااا لم افهم قصدك بالاعمال التطبيقية اذا كان قصدك tp هنا في سطيف في السنة الاولى اناطومي فقط للرعب هذه الحصة باقي المواد td فقط و مادتين او ثلاث دروس فقط
|
|||||
2018-07-27, 10:04 | رقم المشاركة : 47 | |||
|
اهلا بك
الحمد لله بخير محسبتوش نظنو 14 |
|||
2018-07-27, 13:28 | رقم المشاركة : 48 | |||
|
اريد كلايجابايات و سلبيات الدراسة بسيطيف من فضلك و هل الاقامة بعيدة ؟ |
|||
2018-07-30, 17:30 | رقم المشاركة : 49 | ||||
|
اقتباس:
الايجابيات كثيرة تحتاج موضوع باكمله على العموم كل من مر بالكلية يقول ان النظري فيها ممتاز و انا واش عجبني فيها قلة العدد هاذ العام مالحقناش 600 واحد و بزااف حوايج اما السلبيات فهي اكثر طبعا ككل الكليات في الجزاىر اكبرها ما يعرف بالسابةتاج و الظلم اللي تشوفو فيها البشر مايديروهش خاصة من الادارة ربي يهديهم على كل حال سالت سوال يحتاج لتدحل الكثير من الطلبة هنا و في موضوع منفرد تماما اتمنى منك التدقيق اكثر كي تستفيد اكثر بخصوص اقامة الذكور حسب علمي انو كاين من يلي داخل الجامعة مشي حوالي عشر دقايق على الاكثر للوصول للكلية و كاين يلي بعيدة عليها و هنا كاين النقل الجامعي يدي و يجيب اما ظروف الاقاة يلي نسمعه الناس كامل تشكي بنات و ذكور انا مقيمة في نفس الولاية منقدرش نفصلك اكثر |
||||
2018-08-01, 14:34 | رقم المشاركة : 50 | |||
|
ماوردني من اسىلة في الخاص |
|||
2018-08-01, 14:35 | رقم المشاركة : 51 | ||||
|
اقتباس:
نقلتها ليستفيد الجميع 1/نوع الاسىلة على الاغلب qcm يعني سؤال من خيارات متعددة اي انك انت حرة في الاختيار اما قادر يكون خيار واحد صحيح او زوج او كامل او حتى ولا واحد qcs خيار بسيط يعني جواب واحد فقط صحيح و هو ابسط الاسىلة و لسهواته واحد ما يستعماو من الاساتذة الخيارين يلي فاتة يصححهم logiciel يستعملوهم كي يكون بزاف العدد و الاساتذة مايلحقوش باه يصححو كلشي دونك يصححهم هو ربحا للوقت ة الخيارين يلي جايين لاحقا رح يصححهم الاستاذ qroq يعطيك سؤال دون خيارات و نتي جاوبي وحدك بشرط تكون الاجابة قصيرة ماتتعداش ثلاث سطور على الاكثر و غالبا يمدو الاساتذة سؤال هكذ على الاخير بعد اللي فاتو او يمدو تمرين عادي ة تجاوب وحدك و هاذي نادرة بزاف لانو تصحيحهم يشد وقت 2/تدارك الاخطاء بعد ما شفت علاماتي تاع السداسي الاول عرفت بلي المواد اللي نقراهم ندي فيهم مليح و المواد اللي اهماتهم خذيتهم في الكونطرول دونك ولين نقرا كلشي مليح و اهم حاجة وليت نحضر الدرس بسكوكنت مانحضر ماوالو ووليت كيما يقولو مانراطي حتى كلمة من عند الاساتذة اللي نشوف روحي مانلحقش معاه ندير تسجيل صوتي و هي رايحة و بع ماشفت الفصل الال عرفت تقريبا نوعية الاسلىلة يعني كي عات كيسيام الاستاذ يجيب كلش يعني مكاش حاجة تقولي انقراهاش هي في العموم الناس كامل تطلع في الثاني بسكو كامل يستفادو من اخطائهم و تاربهم المهم انا نوصيك تحضري للاستاذ برك و واش يقول ثاني راح تتحسني بزاااف و اخطيك من تخلاط الانترنت و الكتب بسكو مضيعة وقت لا اكثر الاستاذ يحاسب على واش يمد هو ميش على واش راكي تزيدي من عندك 3/ابداااا انا مازلت ماشفتش الحفاظة اللي يظالو يهدرو عليها هي قصتها كيما العلوم تاع العام اللي فات يمدولك معلومات برك و من كثرتها تنساي منهم شوي هاذي هي لكن كي نعاودي الدرس شحال من مرة تستوعبيها عادي مكاش منها هاذي حفيظة طول حتى و تنوي تحفظي كي الببغاء كلمة بكلمة راح تنساي و ماتفهميش هذاك الدرس و الاسئلة يتلفهالك بسكو فيها لف و دوران بزاااف و في الاخير راح تنساي الدرس و لمستقبلك ماتهزي منو والو نصيحتي ليك في بعض المواد اللي من هاذ النةع كيما السيتولوجي و الايستولوجي انك تقراي الدرس المرة الوالى و حاولي تفهميه برك كيفاه راه يمشي بعد يومين عاودي اقرايه برك و على هاذ الحال كل مرة عاودي قراءة برك ماكيش راح تنسايه طول بصح درجة تفهمك للدرس تكون في المرة الاولى قدما تحبيه و تفهميه اكثر ماكيش راح تنسايه و كاين جمل ولا عبارات ولا تواريخ ههه عند بعض الاساتذة يلي يحتاجو حفظ لونيهم ولا قبل الكونطرةل في ليلة الرعد طلي عليهم باه مايروحوش برك 4/في البداية يكون شو مشاكل اللي عليك حملي ترجمة غوغل اورلاين باه شما يقول الاستاذ ترجمي ثمثم و كل ماتمشي الايام راح تعرفي كلمات جدد و هي رايحة و كي نذتعودي تقرايوحدك عااادي اي كامة ميش مفهومة ترجمة غوغل برك لاقواميس ماتكثري عليك ماوالو اصلا من قوة الدراسة و صعوبتها مايوليش طول عندك مشكل اسمو الفرنسي ههههه راح مايبانش قدام باقي المشاكل و لحد الان ماشفتش واحجد قرا معايا يشكي من شيء اسمو فرنسي 5/في الدرس نادرااا (حنا تاع البيوفيزيك و احيانا البيوشيمي) و في التيديضروري يخرجو كامل يحلو اما حصة الرعب و هي التيبي تاع الاناطومي تخرجي و بالنقيط و الاسىلة و كلشي 6/اولا انا مانعرفش حاجة اسمها حفيظة في الفصل الاول كنت نخلط برك مبعد في الثاني نقرا طول من البوليكوب واش داني نتفلسف و هي تاع الاستاذ الحوايج المهمين نسطر عليهم ولا نولهم و كي يعود شرح الاستاذ الاضافات تاوعه نزيدهم بجانب هذك العنصر من البوليكوب و كي احيانا نطيح في حاجة مخلطة عنصر صغير من الدرس يحتاج تلخيص ندير في ورقة صغيرة برك و نلصقها ثما بمخطط سهمي ولا يسهل الحفيظة هذا ماكان وكاين مواد تعيي كيما البيوستاتيستيك و الانفوغماتيك مليح ليهم ملخص لانو دروسهم صغار و تسهلك الحالة قبل الكونترول 7/يبون مع الوقت تعرفي كل استاذ و طريقته هي افضل حل انك ماتتكلحيش كيفي و ديري ف بداياتك تسجيل صوتي لكلشي و مع الوقت راكيس تعرفي طريقة كل واحد و اللي يحتاج تسجيل واللي لا غالبا في الحالة العادية و افضل دريقة انك تحطي البوليكوب توالك و تبعي مع الاستاذ من الديابو تاعه و لما يشرح هذاك الجزء كشما يزيد فيه اكتبي بالقلم برك توالو في البوليكوب و اذا كان مادة تحتاجك تركزي مع الاستاذ باهه تفهمي ننصحك ماتكتبي والو اقعدي ركزي باه تفهمي مليح و كي تروحي اسمعي التسجيل و هزي الملاحظات ملاحظة هذا التسجيل ميش حل لانك كون تبعيهم على عشر سنين باه تكملي سنة واحدة الافضل تجاوزه قد نلتقدري باه تربحي الوقت و مثلا نتي تبعتي و كتبت كلش قالو غير عفسة ولا زوج شوفي الدقيقة تاع التسجيل مبعد عاوديها غير هي 8/هو اصعب موديل لدى الناس اسهلهم عندي الاناطومي هههه كذلك الجيتيتيك سهلة بزاااف 9/التصحيحات الاخطاء فيها بزاااف و واحد مايقدر يريكلامي بسكو كون مايدريوهش غالط الناس كامل قرايين و يديو 20 و هذا هو اليء اللي يفسو انو الماجور مايفوتش 16 المعدل 10/ال ميدسين درتها رغما عني و مكانش واحد يكرها كيفي ههه و بعد سنة نفس المشاعر لكن بنسبة اقل لكن لم و لن اندم يوما لاني اخترت الطب العفو سلاامي |
||||
2018-08-01, 16:10 | رقم المشاركة : 52 | |||
|
سلام ريان |
|||
2018-08-01, 16:50 | رقم المشاركة : 53 | ||||
|
اقتباس:
كل مادة و كيفاه يتباعو تاوعها كاين اساتذة يحطو الدرس قبل و خراين بعد حكيت اونجيبنيرال برك لا منحظرش الدرس لانها مضيعة وقت (الا الايستو نقرا الدرس وحدي نعاودو عند الاستاذ باه نقدر نفهم واش راه يقول شوي) اهادي خدمة الاستاذ البرامج كاين ديموديل تبعي البوليكوب فيه كلشي كيما البيوشيمي ولا الشيمي مثلا و كاين يقولكم الاستاذ الدرس الفلاني تحضير الدرس لا لنه راح يشدلك وقت ووقت و بصراحة ماعنده ولا فايدة غير انا تبعتو في الايستولوجي فقط نحاول قدر المستطاع نقراه ذاك اليوم لكن لظروف طيح عليك ماتقدريش المهم في اقرب وقت و كل ماتعاوديه تفهمي اكثر |
||||
2018-08-01, 21:52 | رقم المشاركة : 54 | |||
|
ماهو ريتم الدراسة لطالب طب |
|||
2018-08-02, 13:40 | رقم المشاركة : 55 | |||
|
أقرا كل يوم و منعرف إذا كملت |
|||
2018-08-02, 16:44 | رقم المشاركة : 56 | |||
|
|
|||
2018-08-02, 17:34 | رقم المشاركة : 57 | |||
|
لو اعدت قراءة سؤءال الاخت و جوابي كنت فهمت ما اقصد
كاين فرق بين حضر الدرس و حضر الدرس بشد الضاد اي بين حضور الدرس و تحضيره |
|||
2018-08-02, 17:35 | رقم المشاركة : 58 | ||||
|
اقتباس:
كل مايقرب الكونترول تزيد الوتيرة و في الكونطرول الدراسة 24 ساعة على 24 كان في بالي انك ستختار طب اسنان |
||||
2018-08-02, 17:36 | رقم المشاركة : 59 | |||
|
ههههه ماتخلعوش لايحبس الطب من ضك
|
|||
2018-08-02, 20:28 | رقم المشاركة : 60 | |||
|
بصح على الأفل هكا كيما يدخل و يشوف الستيرنوكلييدوماستويديان مايتخلعش |
|||
|
|
المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية
Powered by vBulletin .Copyright آ© 2018 vBulletin Solutions, Inc