الجزء الثالث من وصفات حراير واش طيبتي اليوم

[idron0]

بنيون حياة نور الدين

بسكويت بيمو 2 باكيات و100 غ زبدة وحلوة الترك وسكر قلاصي ولميها ومنبعد ديري الطلية شكولا

وكاين كاس لحظة وكاس فرينة محمصين ونصف كاس سكر قلاصي وكاس كاوكاو مرحي خشن ولمي بالزبدة وقلاصي بالشكولا

وكاين طريقتي هههههه نلم كامل واش بقالي كي نكمل القاطو نرحي طراف البقلاوة وكاش قاطو تكسرلي وكاوكاو وقوفريط مرحيين وشوية زبدة ونلم بالعسل نبلاطيها في سنيوة وندير عليها شكولا دائبة وندخلها للثلاجة

[idron0]

مرGاز faux مشوي امنيةغفران

هنايا المرقاز درته في اسلاك الشواء و كنت حضرت طاجين الكبير هاداك الي نطيبو فيه المسمن او رقائق الشخشوخة حطيته فوق الفرن عادي ماشي فوق طابونة و دهنته بشوي زيت بعد ما سخن و حطيت اسلاك الشواء و بديت نقلب فيه وعلابالكم المرقاز ما يطولش في الطياب خرج هايل و ذوق بنين اممممممممممم

جربوه و ردو لي الخبر

وصوص رابيت بصلة صغيرة و درت ليها حبة مرقاز مقطعة طريفات صغار و مغيرفة زيت و قليت مليح و من بعد ضفت ثوم مبشور و مرقت بكاس ماء و ضفت وريقة رند و شوي فلفل اسود و شوي زنجبيل و شوي فلفل احمر حار و خليته يطيب في غرضه حتى الحصول على صوص ما خفيفة ما ثقليلة

[idron0]

مقرونة خفوفي امنية غفران

[idron0]

ايسكريم البطيخ امنية غفران



هاد الايسكريم ديريه في حالة عندك بطيخ خرج ليكم صامط ماشي حلو و العائلة ماحبوش ياكلوه .
في خلاط كهربائي حطي بطيخ مقطع قطع صغيرة ضيفي له اربع مغارف كرام شونتييه و زوج مغارف فلون اي نكهة و ثلاث مغارف حليب لحظة و مغرف سكر ممكن تزيدي و علبة ياوورت اي نكهة حبيتي و زيدي كاس حليب بارد و ميكسي الكل مليح و رايحة تتحصلي على خليط سائل ثقيل

ديريه في قالب بلاستيك او في مول السيليكون كيما درت انا هاكة باش يسهال عليك تقسميه على العائلة بدون معاناة ههههههههههههه .و الى المجمد

ملاحظة مول السليكون حطيه فوق بلا او فوق الي نقطعو فوقها الخضر و من بعد عمري مول السيليكون نتاعك علاخاطرش يصعب عليك تحملي المول اكيد رايح يسيح لك الخليط بهاد الطريقة تسهال عليك المهمة احم احم

تفضلن الصور





و هنايا كي دخلتها للمجمد بيها بالقطاعة هههههههههههه



و تفضلن احلى ايسكريم شوفو كيفاه خرج شكله من المول اممممممممممممممممممم انتعاش كبير

[idron0]

خبز الفيسال بيان 5

الطريقة
كأس حليب دافئ مغرف كبيرة سكر مغرف كبيرة خميرة الخبز ملح
تلمي بالفرينة
تزيدي ملعقة كبيرة ماغارين وتعجني
تخليه يخمر
تقسميه كويرات ووتشكلية
ادهنيه بصفار البيض ورشي فوقوا سينوج.


اعجنيه غير شوية وخليه يخمر مرة وحدة
النار ديريها كيما الخبز عادي .

[idron0]

الكباب امنية غفران

أولا نأخد الدجاج ونضيف البصل المسكرفج و الملح و نضيف القليل من الفلفل الأسود و شوي كركم و الزيت نتركها تتقلي و لازم تتقلي مليح.
عندما نجد أن البصل والدجاج تغير لونه يعني أنها تحمرت وبعدها نضيف الحمص الحق انا عندي الحمص طايب علابيها نضيفه كي يطيب الدجاج
نضيف الماء حتي يتغطي الدجاج ونتركها تطيب
.
من جهة ثانية نقشر البطاطا و نقطعها خشين ماشي كيما نتاع الفريت ونقوم بقليها .

كي الدجاج نلقاه طاب نحيه و نحمره في شوي زيت من بعد ما نكون مرمدته في الشابلير مخلط مع شوي فلفل احمر حار

من جهة اخرى نضيف البطاطا المقلية الى الصوص من بعد مانكون ضفت ليها هاد الصوص الدرسة الي متكونة من حشيش القصبر مع سنينات ثوم مدقوقين في المهراس

و نزيد نحط الدجاج الي حمرته فوق البطاطا و نهز الطاجين يمين و شمال باش الصوص تدخل كامل في البطاطا و الدجاج و من الاحسن ما نستعملش ملعقة و نحرك بيها

قدمي الكباب مع رشة معدنوس و بصحتكم حبيبتي

ملاحظة ممكن تقطعي المعدنوس و تخلطيه مع حبة البيض و تضيفيه للطاجين نتركه مدة وجيزة ونطفئ النار .

[ملاك ملاكي]

ربي يجعلها في ميزان حسناتك مازالك وفية للموضوع ولينا بااااارك الله فيك

[سحابة باردة]

في ميزان حسناتك أن شاالله
أختي كرونو

[idron0]

وصفة للكريبوني امنية غفران

كاينين الي يضيفو كرام شونتييه المهم هادي راهي لاباز باش نسهل عليكم حفظ الوصفة درتها ليكم في صورة وحدة ان شاء الله تجربوها و تقولو لي رايكم و نتمنى تستغناو على نتاع البرا .

[idron0]

عصير الكرموس سحابة باردة

الكرموس الأخضر نقطعوه نزيد نصف كوب أو أكثر اللبن او الرايب على حسب كمية الكرموس زايد كاس صغير عسل إذا مكانش ديري سكر زايد مكعبات الثلج أو ماء بارد أنميكسي بيا بالميكسور
ثم نضع العصير في إناء أخر والى الثلاجة يقدم بارد جيدا
في حالة ما ستعملنا السكر وهو يبرد كل مرة نخلطو باش يذوب
ملاحضة العصير اللي تحصلي عليه يكون ثقيل شوي بصح رائع كيما اللي نشربوه في المطاعم الكبرى
بصحة والهناء لكل اللي تجربو .

[idron0]

حلوى الطابع حياة نور الدين

[idron0]

قوالب الشوفلوغ بالزيتون محشي توبة و بروءة

[idron0]

فلفل حلو محشي بالبيض حياة نور الدين

[idron0]

فلفل محشي بالبيض والجبن ام وليد

[idron0]

كريمة الموز امنية غفران

في ميكسار حطي 2 حبات موز مقطعين و ضيفي ليهم مغرف اكل مايزينة مغرف وحدة برك و زيدي مغرف سكر فقط و ضيفي 1/2 لتر حليب و ميكسي الكل و من بعد ضعي الخليط فوق النار حتى يثقال شوية

و من جهة اغطسي قاطو بودوار بعد ما تكوني قسمتيه على ثلاث قطع في قهوة او في عصير و ضعيهم في اكواب التقديم و ادا عندك كوكاو محمص و مرحي ضيفيه و هنايا ضيفي كريمة الموز و زيني حسب الرغبة خلي بيرد شوي و من بعد دخليه للثلاجة يبرد و قدميه للعائلة بالصحة و الهنا امممممممم .