حلوة لي بول او الكريات
بسم الله جتلكم حبيباتي هاذي الحلوة نتمنى تعجبكم
250غ مرغرين+كاس سكر قلاصي+4صفار بيض+4 مغارف ميزينة+نصف كاس كوكاومقلي ومطحون+شكارة خمارة+مغرف كبيرة لافاني+فرينة على حساب ما تنتلم
ديري المرغرين بدرجة حرارة الغرفة(ملاحظة اذا كانت المرغرين باردة من الثلاجة فان الحلوة بصفة عامة تتكمش في الفرن )والسكر قلاصي نخلطهم مليح مع بعض ثم نديرالصفار نخلط ونزيد الكوكاو ونخلط ونزيد الميزينة والفرينة واللافاني والخمارة وقرصة ملح(الملح نضيفوه مع الفرينة واللافاني نديروها هي الاخيرة باش تقعد بنتها) ونلمها بلا مانعجن و نديرها كويرات والى الفرن
الفرن نكونو مسخنينه من قبل كي تطيب تلاحظوها تشققت هديك علامة نجاحها
مين تطيب وتحمار او تولي لون ذهبي نخرجها نخليها تبرد نكون موجدة الشيكولا في البان ماري تدوب مع شوية حليب ونغطس الوجه ونخليها تجف
وادا حابين ديكور واحداخر نوجد شوية كوفتير او عسل مخففين بماء الزهر نغطس الحبة كاملة في السائل ثم نرمده في نوات كوكو او كوكاو محمص ومطحون او لوز الشيئ المتوفر نتحصلو على هده الحلوة الشهية صدقوني خفيفة ومقرمشة
دعاؤكم بتسهيل اموري اجمل رد ولو بظهر الغيب
( تقرير عن مشاركة سيئة )، و الموجودة أسفل كل مشاركة .
2015-09-29, 22:14
اسهل والذ قاطو لي بول ممكن تذوقيها
العرض الشجري