الجزء الثالث من وصفات حراير واش طيبتي اليوم

[idron0]

كرام كراما ل بنوادكوكو اسيا 27


للكراميل : درت نص كاس سكر مع مغرفة ماء و حطيتم فوق النار و خليتو حتى تبدل لونو لازم تعسيه ينحرق بسرعة وفرغتو في مول كبير و انتوما اذا بغيتو ديروه في لي رامكان ديروه عادي
للكرام :
750ml حليب درتو يغلي فوق النار و في هاذاك الوقت خفقت 4 بيض مع كاس سكر و مغرفة فاني و قشور حبة ليمون القشور برك العصير يقطع الحليب و مايصدقش الفلان و زدت معاه كاس جوز الهند
كي يغلي الحليب فرغتو شوية بشوية فوق خليط البيض و السكر و جوز الهند و انا نخفق في نفس الوقت باه ما يطيبش البيض
من بعد فرغت كل شي فوق الكراميل و درتو في الفرن في حمام ماء و خليتو نص ساعة حتى ل45 دقيقة
بعد ما يطيب خليتو يبرد شوية برا من بعد دخلتو للفريجيدار 3 ساعات
و جيت نقلبو فوت السكين على الاطراف و قلبتو
و هاذا ما كان
اااه نسيت حاجة اذا بغيتي الطبقة تاع جوز الهند تجي باينة و بنينة اكثر حمصيه شوية في مقلا و خليه يبرد من بعد زيديه للبيض و السكر
ان شاء الله كي تجربوه ينجح لكم .


إضغط هنا لرؤية الصورة بحجمها الطبيعي.




هنا كي قطعتو

إضغط هنا لرؤية الصورة بحجمها الطبيعي.


شوفو من الداخل امممممممممم

إضغط هنا لرؤية الصورة بحجمها الطبيعي.

[idron0]

وصفات مصورة om obaida

[idron0]

كروكي والمحقن ام لجين هيثم

4 بيض كأس سكر عادي كأس زيت فاني ولا قشور البرتقال كأس نشا وتلمي بالفرينة2 خميرة تاع القاطو لعجينة تخليها شوية تلصق متيبسيهاش بزاف
بالنسبة للكروكي ندير حرابيش نعدلهم وندنهم بالبيض مخلط مع قهوة طيبة
أما المحقن ندير العجينة في الماشينة لترحي الغرس تركبيلها المحقن وتشكلي
الهدف من المشينة تاع الغرس يجيك خفيف و إذا معندش شكلي عادي بالمحقن .

[idron0]

الملوخية دائمة الحمد

[idron0]

وصفات مصورة بالكابويا توبة



إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

[idron0]

طمينة um alaa


بالنسبة السميد انا نديرو فالشاش نفورو و تخليه يبرد قبل ما نحمصو
و باش نحضر الطمينة انا ندير كيلو عسل و كيلة ناقصة شوية زبدة و نزيد معاها شوية حلوة الترك
ندوب الزبدة و نزيد معاها العسل و نبدا نضيف السميد بالعقل ما لازمش تعقد قيس ما تحكم شوية و نفتت فوقها حلوة الترك و نطيبها و هي هكداك فوق النار ماشي بزاف وحد الخمس دقائق و نطفي عليها و تزيينها حسب الرغبة.

[idron0]

فلون باتيسيي لام وليد om joujou

[idron0]

لوبيا خضراء صوطي انا هي رزيقة

لوبيا خضراء صوطي مع ثوم و بطاطا مقلية بصح بطريقة جديدة كنوع من التغيير و هي انك تقطعي البطاطا اصابع خشينة تتبليها بكركم مع ملح و كمون و فلفل اكحل و فلفل احمر و حوالي ملعقتين فرينة و اعشاب جافة (زعتر مثلا) و هريسة لمحبي الحار و ثوم مطحون اذا كان متوفر سينون مكان لاه .. و ملعقة ماء باه تلصق الفرينة في البطاطا و تخلطي كلش مليح و تحطيها تتقلا في زيت غزير كي تشوفيها صفارت نحيها من المقلة و حطيها في كسكاس ثم خليها تبرد حوالي 5 دقائق ثم رجعيها تتقلى في زيت سخون حتى تتحمر و تجي مقرمشة امممممم تع الصح .... و طبعا الوصفة ليست لزيكا بل مسروقة من اليوتوب .....

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

[idron0]

العجينة المورقة التقليدية حياة نورالدين

انا نستعمل الطريقة التقليدية وتخرجلي هايلى وهي 500 غ فرينة وملح ومغرف خل كبيرة ومغرف زيت كبيرة ونبسها ونلمها بالماء ونخليهاىترتاح
نحلها هلى شكل علامة زائد ونحط 250 غ زبدة توريق في الوسط ونغلق الاطراف ونبدا نحل ونطويها ونكرر العملية 6 مرات نخليها ترتاح ونخدم بها .

[idron0]

اسرار انتفاخ الكيك ابني نور عيني

1-تسخين الفرن جيدا قبل الطهي
2-البيض يكون بدرجة حرارة الغرفة
3-نخل الدقيق وهو يدخل الهواء للكيك فيعطيه ارتفاع رائع كما في الجنواز
4-عدم الاكثار من الزيت والفرينة لانهما يثقلان الكيك فلا يرتفع كما ينبغي و يخرج ثقيل
5-خفق البيض جيدا و اذابة السكر كذلك
6-الخلط الجيد لكل المكونات
7-عدم الاكثار من الخميرة الكيميائية اكثر من اللازم لانها ترفع الكيك اثناء الطهي كثيرا ثم بعدها يهبط
8-واخيرا كما يعرف الجميع لانفتح الفرن حتى نشم الرائحة الذيذة للكيك نعرفو عندئذ بلي طاب و نشعلولو من الفوق يحمار فقط و ندخلو موس باش نتاكدو من نضجو .


إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

[idron0]

غريف او بغرير.خفيف salamon kalou

كاس فرينة +كاس. سميد رقيق. +م ك خميرة تع الخب +ملعق ص ثع. سكر +خميرة ثع حلوة+ربع كاس زيت تعمل. كل المقادير وتعجن كاسحليب+
الماء. حت. تتحصلي. عل. عجينة. تع. البغرير وتخليه يخمر. وبعد. كتشفه. طلع. بدي. طيبيه. ودهنيه. بزبدة. +سكر او لعسل .

[idron0]

وردات البطاطا ام سراج و ملاك

تقطعيهم بقشارة البطاطا شرائح رقيقة نتاع لحديد وتخدميهم كيما في الصور .

[hatem78]

لبلاصا هذي مولازم ندخل ليها هنا يخترق قلب الرجل من طرف الاطباق الشهية

[idron0]

بطاطا كاشير om oubaida

اقلي البطاطا حطيها في طبسي وزيدي معاها لحم مرحي اللي تكوني تبلتيه وطيبتيه زيديلها زيتون اخضر مقطع ودبشة وديري البيض خلطيهم وديريهم في ساشي نتاع سباغيتي ولا نتاع حليب عادي اغلقي عليها مليح بخيط وسقميها /زيدي نقطه/في الساشي باه يجي الشكل مليح وحطيها تفور حتي تشد روحها حوالي 20 دقيقة [نا درتها بالجاج معنديش اللحم

هنا يبقي ليك الاختيار تحبي تخليها كيما راهي بهذا الشكل

إضغط هنا لرؤية الصورة بحجمها الطبيعي.

تحبي تدهنيها بالبيض ولاشبلير وتحمريها في المقله ولادي يحبوها هكذا

إضغط هنا لرؤية الصورة بحجمها الطبيعي.

[idron0]

تحلية بعصير البرتقال توبة


إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.